Aalisarsinnaatitaaneq

Kilisaassuit tunisassiorfiutigisut inuussutissamik proteinimik piniarlutik silarsuarmi sumut tamaanga angalaartarput. Assersuutigalugu kilisaassuit tunisassiorfiutigisut Asiami umiarsualivinniit 12.000 kilometerit angalallutik Sikuijuitsup kujalliup eqqaanut krillerniartarput. Taavalu Issittup imartaata qiterpasissuani nunat tamalaat imartaat 2007-imi septemberimi sikuusimanngitsut sikuusimanngitsut 8.000 kilometeriinnarnik ungasissuseqarpoq. Issittup imartaata qiterpasissuani aalisarneq pillugu nunat tamalaat akornanni isumaqatigiissuteqartoqanngippat tamaani aalisarnissaq inatsisitigut aporfissaqanngilaq. 

2007-imi sikuusimanngitsup 40 procentiata missaa nunaviup avammut atanerata nalaaniippoq, killinganiilluni aammalu ikkannersuaqarfiit aalisagaqakkajuttut kiisalu issittup kujataata uumasuisa nujuffigiumaagaattut ilimanaateqartut nalaanniilluni.