Pew Charitable Trusts
Oceans North International
Pew Charitable Trust | Oceans North International
ribbon decoration

Issittumi Uumasoqarfiit

Issittumi uumasoqarfiit pinngorartitsinerat

Issittup Imartaata qiterpasissortaa allanngoriartulereersimavoq. Uumasut nunaviup avammut atanerani uumasuusut avannamut imaanut itinerusumut tatineqassapput najugannaatik qimallugit. Avannarpasinnerusumi seqinnerup qaammarnga annikinnerulersimavoq aammalu naasut uumasuaqqallu qaamanermit amerlisarneqartartut pinngorarnerat pitsaannginnerulersimalluni.

Aamma, aasaanerani allannguutit ukiuunerani allannguutiniit annerujussuujumaartutut siulittuutigineqarput, taamaalillunilu avatangiisit immikkukajaaq ittut atuuttussanngorumaarlutik.

Issittup uumasuii aasat kujasinnerusumi aasaasarneratut ittut naleqqussarfigisariaqassavaat aammalu uumasut issittup kujasinnerusuaniittut Issittup ukiui uumaniarfigisariaqartassallugit uumaannarumallutik avannarpartariaqassagunik.


Issittup Imartornga inuussutissakitsuullunilu uumassulinnit pinngorarfiuallaanngikkaluarluni taamaattoq aalisagaqarpoq, timmisaqarluni miluumasoqarlunilu. Aalisakkat piniagaanerat uumasoqarfiullu allanngortinneqarnera avatangiisini sunnertiasuni nerisareqatigiinnermut tamarmut sunniuteqarsinnaavoq, soorlu natsernut, nannunut, qilalukkanullu.

Ilumullumi Issittup uumasuisa ilarpassui kigaatsuinnarmik kinguaasiortarnertik sivisuumillu uumasarnertik pissutigalugu piniarneqarpallaartillutik ikililertorsinnaasaqaat. Sunniutit taama ittut Issittup Imartaata qiterpasissuanut taamaallaat killeqarnavianngillat. Timmissat miluumasullu ilarpassui taama takuneqartartut Issittup sineriaanut nuuttarput. tamaani Issittormiunut inuussutissarsiornerannut ukiuni tusindtilinni inuussutaalluarsimallutik pingaaruteqaqaat.