ᐃᒪᕐᔪᒃ (ᐃᒪᕐᔪᒃ ᑕᓯᖅ) ᐃᓄᕕᐊᓗᐃᑦ ᐊᖏᖃᑎᒌᒍᑎᑖᕐᓂᕐᒧᑦ ᐊᕕᒃᑐᖅᓯᒪᔪᓃᑦᑐᖅ (ISR) ᐅᐊᓕᓂᖓᓂᑦ ᐅᑭᐅᖅᑕᖅᑑᑉ. ᑲᑎᙵᕝᕕᐅᒐᓚᒃᑐᖅ ᑕᕆᐅᖅ ᐃᒪᕕᒃ ᐃᒪᕐᔪᒃ ᐊᖏᕐᕋᕆᔭᐅᔪᖅ ᐊᒥᓱᐊᓗᖕᓄᑦ ᑕᕆᐅᕐᒥᐅᑕᓄᑦ ᐊᒻᒪᓗ ᓄᓇᒥᐅᑕᓄᑦ ᐆᒪᔪᓄᑦ. ᐃᓄᕕᐊᓗᐃᑦ ᑲᒪᖃᑦᑕᖅᓯᒪᔪᑦ ᐱᖅᑯᓯᕐᒥᒍᑦ ᐱᒻᒪᕆᐅᓂᖓᓄᑦ ᑕᐅᕙᖕᓇ ᐊᕐᕌᒍᒐᓵᓗᖕᓄᑦ.

ᐊᔾᔨᐅᙱᑦᑐᖅ ᐆᒪᓂᖃᕐᕕᐅᔪᖅ

ᐃᒪᕐᔪᒃ ᑐᑭᖃᖅᑐᖅ “ᐊᖏᔪᖅ ᐃᒥᖅ” ᓄᓇᓕᖓᑦᑕ ᐅᖃᐅᓯᖏᑎᒍᑦ − ᐊᓂᖏᖃᖅᑐᖅ ᖃᓂᒋᔭᖓᓂᑦ 2000 ᑭᑉᐹᕆᒃᑐᑦ ᑭᓛᒥᑕᑦ ᑕᐃᑲᙵᑦ ᑲᓇᖕᓇᖓᓂᑦ ᐃᑭᐅᑉ ᑕᐃᑯᙵᑦ ᒪᑭᐊᓐᓯ ᑰᖓᓂᑦ ᑕᐃᑯᖓ ᓕᕗᐳᓪ ᑲᖏᖅᖢᐊᓄᑦ. ᑕᓪᓕᒪᓂᑦ ᐃᒪᕕᖕᓂᒃ, ᐊᒃᑐᐊᖃᑎᒌᒃᖢᑎᒃ ᓲᕐᓗ ᐃᓄᒐᙳᐊᑎᑐᑦ−ᑕᐃᒪᐃᑦᑐᑦ ᐃᑮᑦ, ᐊᔾᔨᒌᙱᑦᑐᓂᒃ ᑕᕆᐅᖑᓂᖃᖅᖢᑎᒃ ᑕᐃᒪᐃᑦᑐᑦ ᐱᔾᔪᑕᐅᓪᓗᓂ ᑲᑎᕈᓘᔭᖅᓯᒪᓂᖓᓄᑦ ᑕᕆᐅᙳᙱᑦᑐᒥᒃ ᑰᒃᑕᐅᔪᓂᑦ ᐊᒻᒪᓗ ᑕᕆᐅᖅ ᑎᑭᑉᐸᖕᓂᖓᓄᑦ ᑕᐅᕙᙵᑦ ᐅᐊᓕᓂᐅᑉ ᑕᕆᐅᖓᓂᑦ.

ᑕᓰᑦ ᐊᖏᕐᕋᕆᔭᐅᔪᑦ ᐊᔾᔨᒌᖏᑦᑐᓄᑦ ᐃᖃᓗᖕᓄᑦ, ᐃᓚᐅᓪᓗᑎᒃ ᑕᓯᕐᒥᑦ ᖃᐅᓪᓗᖅᑐᑦ ᐃᖃᓗᐃᑦ, ᐅᑭᐅᖅᑕᖅᑐᒥᑦ ᒍᕋᐃᓕᖕ, ᐃᖃᓘᖃᑎᒥᓂᒃ ᓂᕆᕙᒃᑐᑦ ᐃᓐᑳᓅ, ᐊᒻᒪᓗ ᐊᔾᔨᐅᙱᑦᑐᑦ ᐅᓄᕐᓂᖏᑦ ᐃᖣᕋᐃᑦ ᓱᖏᐅᑎᓯᒪᔪᑦ ᐆᒪᔪᓐᓇᖅᖢᑎᒃ ᑕᕆᐅᖁᔪᖕᒥᑦ. ᑕᕆᐅᕐᒥᐅᑕᑦ ᐆᒪᔪᑦ ᓲᕐᓗ ᕿᓚᓗᒐᑦ ᐊᒻᒪᓗ ᓇᑦᑏᑦ ᐃᓛᓐᓂᒃᑯᑦ ᑕᓯᕐᒧᐊᓚᐅᓲᑦ ᑕᐃᑲᙵᑦ ᐅᐊᓕᓂᐅᑉ ᑕᕆᐅᖓᓂᑦ; ᕿᓚᓗᒐᑦ ᖃᐅᔨᒪᔭᐅᔪᑦ ᐃᓛᓐᓂᒃᑯᑦ ᓯᒃᑯᔾᔭᐅᓲᑦ ᐅᑭᐊᒃᑯᑦ. ᐊᒃᖤᐃᑦ, ᕿᕐᓂᖅᑐᑦ ᓇᓄᐃᑦ, ᐊᒪᕈᐃᑦ, ᖃᕝᕕᒑᕐᔪᐃᑦ, ᒥᑏᑦ ᐊᒻᒪᓗ ᑲᖑᐃᑦ ᑕᐃᕙᓃᕋᔭᒃᐸᖕᒥᔪᑦ ᓄᓇᖓᓂᑦ.

ᑕᐅᕙᖕᓇ ᓄᓇ ᐱᐅᔪᒻᒪᕆᖕᒥᒃ ᐱᖅᑯᓯᓖᑦ ᐊᒻᒪᓗ ᐅᒃᐱᕐᓂᖅ ᐱᒻᒪᕆᐅᓪᓗᓂᒃ ᓄᓇᖃᖅᑐᓄᑦ ᐃᓄᖕᓄᑦ ᑕᐅᕙᓂ ᐊᒻᒪ ᐊᑐᖅᑕᐅᓪᓚᕆᒃᖢᓂ ᐊᖑᓇᓱᖕᓂᕐᒧᑦ, ᐃᖃᓪᓕᐊᕐᓂᕐᒧᑦ, ᒥᑭᒋᐊᕐᓂᕐᒧᑦ ᐊᒻᒪᓗ ᐃᖏᕐᕋᔭᖕᓂᕐᓄᑦ. ᐱᒻᒪᕆᐅᓂᖓᓄᑦ, ᐊᑲᕐᕆᔮᖅᑐᖅ ᖁᕝᕙᓯᖕᓂᕐᓴᖅᒥᒃ ᓴᐳᔾᔭᐅᓯᒪᓂᕐᒥᒃ ᐊᑐᖅᖢᑎᒃ ᑕᐃᒎᓯᕐᓂᑦ ᑕᐃᑲᙵᑦ ᐃᓄᕕᐊᓗᐃᑦ ᑭᖑᓪᓕᖅᐹᓂᒃ ᐊᖏᕈᑎᖏᓐᓂᑦ (IFA), ᓄᓇᑖᕈᑎᓄᑦ ᐊᖏᕈᑎᖏᑦ ᐃᓄᕕᐊᓗᐃᑦ ᐊᒻᒪᓗ ᒐᕙᒪᑐᖃᒃᑯᑦ ᓴᖅᑭᑦᑎᓯᒪᔪᓯᖅ ᐃᓄᕕᐊᓗᐃᑦ ᐊᖏᖃᑎᒌᒍᑎᑖᕐᓂᕐᒧᑦ ᐊᕕᒃᑐᖅᓯᒪᔪᖏᓐᓄᑦ. ᐃᓄᕕᐊᓗᐃᑦ ᓇᖕᒥᓂᖃᖅᑐᑦ ᐊᖏᔪᒻᒪᕆᖕᒥᒃ ᓄᓇᒥᒃ ᑕᐃᕙᓂ ᐃᒪᕐᔪᒃ ᐊᑕᖏᖅᖢᒍ.

ᓄᑖᖅ ᐊᖅᑐᑦ, ᓄᑖᒃ ᐊᔪᕐᓇᕈᑎᒃᓴᖅ

ᐃᒪᕐᔪᒃ ᐅᖓᓯᒋᔭᐅᒻᒪᕆᓚᐅᖅᑐᖅ ᐊᒥᓱᓄᑦ ᐊᕐᕌᒍᓄᑦ, ᐅᐸᒃᑕᐅᔪᓐᓇᖅᖢᓂ ᑭᓯᐊᓂ ᕿᒧᒃᓯᒃᑯᑦ, ᖃᒧᑕᐅᔭᒃᑯᑦ, ᑕᓯᕐᒧᑦ ᒥᑦᑐᓐᓇᖅᑐᓄᑦ ᖃᖓᑕᓲᓄᑦ ᐅᕝᕙᓘᓐᓃᑦ ᑎᓴᒪᓕᒃᑯᑦ. ᑕᐃᑲᓂ 2017, ᑭᐊᓯᓂᓕ, ᐊᕐᕌᒍᓕᒫᖅ ᐊᖅᑯᑎᑯᑖᒃ ᐊᑐᖅᑕᐅᔪᓐᓇᖅᑐᖅ ᐃᓅᕕᖕᒥᑦ ᐊᒻᒪᓗ ᑐᒃᑑᔮᖅᑐᕐᒧᑦ ᐱᐊᓂᒃᑕᐅᓚᐅᖅᑐᖅ, ᑕᒃᖠᒋᐊᖅᖢᒍ ᑕᒻᔅᑐ ᐊᖅᑯᑎᑯᑖᖓ ᑕᐅᕗᖓᓗᒃᑖᖅ ᐅᑭᐅᖅᑕᖅᑑᑉ ᐃᒪᕕᖓᓄᑦ. ᐊᖅᑯᑎ ᐊᒥᓱᒐᓚᖕᓄᑦ ᐱᐅᔪᒧᑦ ᐱᕙᓪᓕᐊᔾᔪᑕᐅᔪᖅ ᓄᓇᖓᓄᑦ, ᓴᖅᑮᓪᓗᓂᓗ ᓄᑖᓂᒃ ᐊᑐᓗᐊᖅᑕᐃᓕᓂᕐᒧᑦ ᐊᒃᓱᕈᕐᓇᖅᑐᓂᒃ.

ᐃᓄᕕᐊᓗᐃᑦ ᓂᕆᐅᓚᐅᖅᑐᑦ ᐊᒥᓲᓂᖅᓴᐃᑦ ᑕᐅᕗᙵᕈᓐᓇᖅᓯᑎᓪᓗᒋᑦ ᑕᓯᕐᓄᑦ ᐊᒃᑐᐃᓂᕐᓗᖕᓂᖃᑐᐃᓐᓇᕆᐊᖃᕐᓂᖓᓂᒃ ᐃᖃᓗᐃᑦ ᐅᓄᕐᓂᖏᓐᓄᑦ, ᓇᔪᒐᖏᓐᓄᑦ ᐊᒻᒪᓗ ᐱᖅᑯᓯᒃᑯᑦ ᐱᓕᕆᓂᐅᕙᒃᑐᑦ ᑖᒃᑯᓄᖓ ᐊᑐᖅᑕᐅᕙᒃᑐᑦ. ᐱᓕᕆᖃᑎᖃᖅᖢᑎᒃ ᐃᖃᓗᓕᕆᓂᕐᒧᑦ ᑲᑐᔾᔭᐅᔪᓂ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᓂᒃ (FJMC), ᑲᒪᖃᑎᒌᖕᓂᕐᒧᑦ ᑎᒥᐅᔪᖅ ᓴᖅᑭᑕᐅᓯᒪᔪᖅ ᐊᑐᖅᖢᑎᒃ ᓄᓇᑖᕈᑎᖏᓐᓂᒃ, ᖃᓂᒋᔭᖓᓃᑦᑐᑦ ᓄᓇᓖᑦ ᐱᕙᓪᓕᐊᑎᑦᑎᓯᒪᔪᑦ ᓄᓇᓕᖕᓄᑦ ᐃᖃᓕᕆᕝᕕᖕᒥᒃ ᐋᖅᑭᒃᓯᕙᒃᑐᑦ ᓇᖕᒥᓂᖅ ᑭᒡᓕᖃᖅᑎᖢᑎᒃ ᐊᒻᒪᓗ ᑭᒡᓕᓕᐅᖅᓯᒪᓪᓗᑎᒃ ᐃᖃᓗᒐᓱᖕᓂᕐᒧᑦ ᐱᓕᕆᐊᓂᒃ. ᑐᒃᓯᕋᖅᓯᒪᔪᑦ ᓴᖅᑮᖁᔨᓪᓗᑎᒃ ᑲᒪᔨᖃᕐᓂᕐᒧᑦ ᐱᓕᕆᐊᒃᓴᒥᒃ ᒪᓂᓴᐃᔪᒪᓪᓗᑎᒃ ᐸᕐᓇᐅᑎᒥᒃ ᐊᒻᒪᓗ ᖃᐅᔨᓴᐃᓐᓇᕐᓂᕐᒧᑦ ᒪᓕᑦᑎᐊᕐᓂᕐᓄᑦ.

image is described by the caption

ᐃᒪᐃᓪᓚᑦᑖᖁᓪᓗᒋᑦ ᑲᔪᓰᓐᓇᕈᓐᓇᖅᑐᒥᒃ ᐃᖃᓗᒐᓱᒃᐸᒡᓗᑎᒃ ᐃᖣᕋᕐᓂᒃ ᐊᒻᒪᓗ ᐊᓯᖏᓐᓂᒃ ᐃᖃᓗᖕᓂᒃ, ᓄᓇᓖᑦ ᐃᖃᓗᓕᕆᕝᕕᖓᑦ ᐋᖅᑭᒃᓯᓯᒪᔪᑦ ᓇᖕᒥᓂᖅ ᑭᒡᓕᖃᖅᑎᖢᑎᒃ ᐃᖃᓗᒐᓱᖕᓂᕐᒧᑦ ᐱᓕᕆᐊᖑᕙᒃᑐᓄᑦ.

ᓄᓇᓕᖕᓂᑦ−ᑐᙵᕕᓕᒃ ᐊᑐᖅᑕᐅᓇᓱᐊᖅᑐᖅ ᐱᓗᐊᖅᑕᐃᓕᓂᕐᒧᑦ

ᐃᖃᓗᓕᕆᓂᕐᒧᑦ ᑲᑐᔾᔭᐅᔪᓂ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᑦ ᐱᓕᕆᖃᑎᖃᖅᖢᑎᒃ ᓄᓇᓕᖕᓂᑦ ᐊᖑᓇᓱᒃᑐᓕᕆᔨᒃᑯᓐᓂᑦ ᐊᒻᒪ ᒥᑭᒋᐊᕐᓂᐊᖅᑏᑦ ᑲᑎᒪᔨᐊᓛᖏᓐᓂᒃ ᐊᒻᒪᓗ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥᑦ ᓴᖅᑮᓯᒪᔪᑦ ᐃᒪᕐᔪᒃ ᖃᐅᔨᓴᐃᓐᓇᕐᓂᕐᒧᑦ ᐱᓕᕆᐊᒃᓴᒥᒃ. ᑐᕌᒐᖃᖅᑐᖅ ᑕᒪᓐᓇ ᐱᓕᕆᐊᒃᓴᖅ ᓴᐳᔾᔨᓯᒪᓇᓱᒃᖢᑎᒃ ᐊᒻᒪᓗ ᐱᓗᐊᖅᑕᐃᓕᓂᕐᒧᑦ ᓄᓇᒋᔭᖓᑦᑕ ᐃᖃᓗᓕᕆᓂᖓᓂᒃ, ᐊᒃᑐᐊᔪᑦ ᓄᓇᓕᖕᓄᑦ ᐊᑐᖅᑕᐅᔪᑦ, ᐊᒻᒪᓗ ᐱᖅᑯᓯᕐᒥᑎᒍᑦ ᐱᓕᕆᓂᐅᕙᒃᑐᑦ ᖃᓂᒋᔭᖓᓂᑦ ᓄᑖᖅ ᐊᖅᑯᑎᑯᑖᒃ ᐊᒻᒪᓗ ᖃᓂᒋᔭᖏᓐᓂᑦ ᓄᓇᐅᔪᓂᑦ.

ᐃᒪᕐᔪᒃ ᖃᐅᔨᓴᐃᓐᓇᕐᓂᕐᒧᑦ ᐱᓕᕆᐊᒃᓴᖅ ᐃᖅᑲᓇᐃᔭᖅᑎᑦᑎᔪᖅ ᐊᕐᕕᓂᓕᖕᓂᒃ ᖃᐅᔨᓴᐃᓐᓇᖅᑎᓂᒃ ᖃᐅᔨᓴᕈᑕᐅᔪᒥᒃ ᐊᕐᕌᒍᒥᑦ: ᐊᑕᖏᖅᖢᑎᒃ ᐃᓄᕕᐊᓗᖕᓂᑦ ᓄᓇᖃᖅᑐᑦ ᑕᐅᕙᙵᑦ ᑐᒃᑑᔮᖅᑐᒥᒃ ᐊᒻᒪᓗ ᐃᓅᕕᖕᒥᑦ. ᐃᖅᑲᓇᐃᔭᖃᑦᑕᖅᑐᑦ ᐅᓪᓗᓕᒫᖅ, ᐱᓕᕆᖃᑎᖃᖅᓗᑎᒃ ᑭᒃᑯᑐᐃᓐᓇᕐᓂᒃ ᐃᓕᓐᓂᐊᖅᑎᑦᑎᓪᓗᑎᒃ, ᖃᐅᔨᓴᐃᓐᓇᖅᖢᑎᒃ ᐃᖃᓗᓕᕆᓂᕐᒥᒃ ᐊᒻᒪᓗ ᐊᒃᑐᐃᓂᕐᓂᒃ ᐃᖃᓗᐃᑦ ᓇᔪᒐᖏᓐᓂᒃ, ᐊᒻᒪᓗ ᓄᐊᑦᑎᓪᓗᑎᒃ ᐱᖅᑯᓯᒃᑯᑦ ᐊᒻᒪᓗ ᑭᒡᓕᓯᓂᐊᕐᓂᒃᑯᑦ ᑎᑎᖅᑲᖁᑎᓂᒃ ᐊᑕᖏᖅᑐᓂᒃ ᐃᓂᓂᑦ ᐊᒃᑐᐊᔪᓂᑦ ᐊᖅᑯᑎᑯᑖᒧᑦ ᐊᒻᒪᓗ ᐃᒪᕐᔪᒃ ᑕᓯᕐᒥᑦ.

ᓴᙱᔪᒻᒪᕆᖕᒥᒃ ᐃᑲᔪᖅᓯᖅᑕᐅᓪᓗᑎᒃ ᑕᐃᒃᑯᓇᓂ ᐃᓄᕕᐊᓗᐃᑦ ᓄᓇᓕᖏᓐᓂᑦ ᑲᔪᓯᓗᑎᒃ ᐊᒻᒪᓗ ᓴᙱᓕᖅᑎᒋᐊᕐᓗᒍ ᐱᓕᕆᐊᖅ ᐊᕐᕌᒍᓂᑦ ᖃᐃᔪᓂᑦ. ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥᑦ ᐊᖏᖅᓯᒪᔪᑦ ᐃᑲᔪᕐᓗᓂᔾᔪᒃ ᐱᓕᕆᖃᑎᒋᔭᖏᑦ ᑐᖄᖅᑕᖏᓐᓄᑦ ᑎᑭᒃᑐᓐᓇᖁᓪᓗᒋᑦ ᐱᓗᐊᖅᑕᐅᓕᒪᓂᕐᒧᑦ, ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᐱᓗᐊᙱᓪᓗᑎᒃ ᐊᖑᓇᓱᖕᓂᕐᒧᑦ ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓄᑦ ᑭᖑᕚᑦᑎᓐᓄᑦ.

image is described by the caption

ᐃᒪᕐᔪᒃ ᖃᐅᔨᓴᐃᓐᓇᕐᓃᑦ ᖃᑎᖅᓱᐃᔪᑦ ᑎᑎᖅᑲᖁᑎᓂᒃ ᐊᒻᒪᓗ ᐱᔪᒥᓴᐃᓪᓗᑎᒃ ᒪᓕᑦᑎᐊᕐᓂᕐᒥᒃ ᓄᓇᓕᖏᑦᑕ ᐃᖃᓗᓕᕆᓂᕐᒧᑦ ᐸᕐᓇᐅᑎᖏᓐᓂᒃ.

ᐊᑖᑕᒪ ᐊᐅᓪᓚᕈᑎᕙᓚᐅᖅᐹᖓ, ᐅᐃᕙᖅᖢᖑ ᑕᓯᖅ ᐊᒻᒪᓗ ᐅᓪᓗᓕᒫᖅ ᐃᖏᕐᕋᓪᓗᑕ ᐊᔾᔨᒌᙱᑦᑐᓄᑦ ᐃᖃᓗᒐᓱᒡᕕᖕᓄᑦ ᐊᑖᑕᖓᑕ ᑕᑯᑎᓚᐅᖅᓯᒪᔭᖏᓐᓄᑦ, ᐃᒻᒪᖄᑦ ᐊᕐᕌᒍᐃᑦ 70 ᐊᕐᕌᒍᐃᑦ ᐱᑕᖃᓚᐅᙱᑎᓪᓗᖓ. ᑕᐃᒪᐃᓕᐅᕈᒪᔪᖓ ᕿᑐᕐᖓᓐᓄᑦ, ᐊᒻᒪᓗᑦᑕᐅᖅ ᐃᕐᖑᑕᓐᓄᑦ.

ᓵᒥ ᓚᓂ ᐊᖏᔪᖅᑲᐅᑎᐅᓂᖅᓴᖅ ᖃᐅᔨᓴᐃᓐᓇᖅᑎ