Oceans North Board of Directors

Mary Simon

Chair

ᒥᐊᓕ ᓴᐃᒪᓐ ᐊᖓᔪᖅᑳᕆᔭᐅᓂᑰᔪᖅ ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑲᓇᑕᒥ ᐃᓄᓐᓄᑦ ᑲᑐᔾᔨᖃᑎᒌᖑᔪᑦ ᑕᐃᑲᓂ ᓯᕗᓕᖅᑎᐅᓚᐅᖅᑐᖅ 2006-ᒥ 2012-ᒧᑦ. ᐃᓄᐃᑦ ᑲᓇᑕᒥ ᑕᐱᕇᒃᑯᓐᓃᕆᖅᑎᓪᓗᒍ, ᐃᒃᓯᕙᐅᑕᕆᔭᐅᓚᐅᖅᑐᖅ ᑲᓇᑕᒥ ᑲᑎᒪᔨᕋᓛᓄᑦ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐱᓕᕆᐊᒃᓴᖃᖅᑎᑕᐅᓪᓗᑎ ᐊᑐᓕᖅᑎᑦᑎᓂᕐᒥᑦ ᑲᓇᑕᒥ ᐸᕐᓇᐅᑎᒥ ᐱᐅᓯᕚᓪᓕᖅᑎᑦᑎᓂᕐᒥᑦ ᐃᓄᐃᑦ ᐃᓕᓐᓂᐊᖅᐸᓐᓂᖏᓐᓄᑦ ᒪᓕᒋᐊᓕᖕᓂ ᐊᒻᒪ ᑎᑭᐅᒪᔭᐅᔪᓂ. 2016-ᒥ, ᑎᓕᔭᐅᓚᐅᖅᑐᖅ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᒥᓂᔅᑕᖓᓐᓄᑦ ᑭᐊᕈᓚᓐ ᐸᓇᑦ ᒥᓂᔅᑕᐅᑉ ᑭᒡᒐᖅᑐᐃᔨᒋᓪᓗᓂᐅ ᐃᑲᔪᖁᔭᐅᓪᓗᓂ ᐋᖅᑭᒃᓱᐃᓂᕐᒥᑦ ᓄᑖᒥ ᐊᑐᖅᑕᐅᖃᑎᒌᓂᐊᖅᑐᒥ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᕐᒧᑦ ᐆᒃᑑᑎᒥ ᓴᓇᔭᐅᓪᓗᓂ ᐊᖏᕈᑕᐅᓯᒪᔪᓂ ᒥᐊᓕᒐᕐᓂ−ᑲᓇᑕᒥ ᑲᑐᔾᔨᖃᑎᒌᓂᕐᒧᑦ ᐅᖃᐅᓯᕆᔭᐅᔪᒥ ᓯᓚᓕᕆᓂᕐᒧᑦ, ᐆᒻᒪᖅᑯᑎᓄᑦ ᐊᒻᒪ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᕐᒧᑦ. ᖃᐅᔨᓚᐅᖅᑕᖏᑦ ᓴᖅᑮᓚᐅᖅᑕᖏᑦ ᑭᖑᓪᓕᖅᐹᖅᓯᐅᑎᒥ ᐅᓂᒃᑳᒥ ᒫᑦᓯ 2017-ᒥ. 40 ᐊᕐᕌᒍᐃᑦ ᐅᖓᑖᓄᑦ ᖁᑦᑎᕆᐊᖅᑎᕆᓚᐅᖅᑐᖅ ᐃᓅᓯᕐᒧᑦ, ᑮᓇᐅᔾᔭᓂᕐᒧᑦ ᐊᒻᒪ ᐃᓄᐃᑦ ᐱᔪᓐᓇᐅᑎᖏᓐᓂ ᐃᓱᒫᓘᑎᒋᔭᐅᔪᓂ ᑲᓇᑕᐅᑉ ᐃᓄᖏᓐᓄᑦ ᐊᕕᒃᑐᖅᓯᒪᔪᓂ, ᑲᓇᑕᒥ ᐊᒻᒪ ᓯᓚᑖᓂ. ᐊᒥᓱᓂᑦ ᖁᑦᑎᓂᖅᓴᓂ ᓯᕗᓕᖅᑎᐅᓂᑰᔪᖅ ᐃᓚᒋᓪᓗᓂᐅᒃ ᐊᖓᔪᖅᑳᖑᓂᑯ ᒪᑭᕕᒃ ᑯᐊᐳᕇᓴᒃᑯᓐᓄ, ᓄᓇᑖᓂᕐᒧᑦ ᑲᑐᔾᔨᖃᑎᒌᖑᔪᑦ ᓄᓇᕕᒻᒥ, ᐊᖓᔪᖅᑳᖑᒧᓂ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ ᐊᒻᒪ ᑲᓇᑕᒥ ᑭᒡᒐᖅᑐᐃᔨᒻᒪᕆᐅᓚᐅᖅᑐᖅ ᐅᑭᐅᖅᑕᖅᑐᓕᕆᓂᕐᒨᖓᔪᓂ ᐊᒻᒪ ᑭᒡᒐᖅᑐᐃᔨᒻᒪᕆᐅᓂᑰᓪᓗᓂ ᑖᓐᒫᒃᒧᑦ. ᑲᓇᑕᒥᐅᑦ ᐋᔩᖃᑎᖃᖅᑎᓪᓗᒋᑦ ᓴᖅᑮᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔨᓂ ᓯᕗᓕᖅᑎᐅᓚᐅᖅᑐᖅ ᑕᐃᑲᓂ 1990 ᕿᑎᑉᐸᓯᐊᓂ. ᐱᓕᕆᔨᐅᔪᖅ ᑎᓕᔭᐅᓯᒪᓂᕐᒧᑦ ᑲᓇᑕᒥ, ᑐᓂᔭᐅᓂᑰᔪᖅ ᑲᓇᑕᒥ ᑎᓕᔭᐅᓯᒪᓂᕐᒧᑦ ᑯᐊᐸᒃᒥ, ᒎᓗᒥ ᑎᓕᔭᐅᓯᒪᓂᕐᒧᑦ ᐊᑯᑭᑦᑐᓂ, ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᑎᑭᐅᒪᑦᑎᐊᓯᒪᓂᕐᒧᑦ, ᒎᓗᒥ ᑎᓕᔭᐅᓯᒪᓂᕐᒧᑦ ᑲᓇᑕᒥ ᓄᓇᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂ, ᓴᐃᒪᓐ ᐅᔭᒥᖓᓂ ᐊᒻᒪ ᑯᐃᑉ ᑭᒡᒐᖅᑐᐃᔨᖓᑕ ᐅᑭᐅᖅᑕᖅᑐᒥ ᐃᓕᓴᕆᔭᐅᔾᔪᓯᐊᒥ. ᐃᓚᓕᐅᔾᔭᐅᓯᒪᔪᑦ ᓄᓇᕐᔪᐊᕐᒥ ᐊᕐᓇᓄᑦ ᐃᓕᓴᕆᔭᐅᓂᖅᐹᖑᔪᓄᑦ ᐊᒻᒪ ᐃᓚᒋᔭᐅᓪᓗᓂ ᐅᑭᐅᖅᑕᖅᑐᒥ ᐱᓕᕆᕝᕕᒻᒥ ᓄᐊᔅ ᐊᒥᐊᓕᑲᒥ ᐊᒻᒪ ᕆᐃᔪᓪ ᑲᓇᑕᒥ ᓄᓇᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ. ᐃᓚᒋᔭᐅᓂᑰᔪᖅ ᓴᖅᑮᓂᕐᒥᑦ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ.

Peter Harrison

Vice-Chair

ᓘᒃᑖᖅ ᐲᑕ ᕼᐋᕆᓴᓐ ᐃᓕᓴᐃᔨᒻᒪᕆᐅᔪᖅ ᐃᓕᓐᓂᐊᕐᕕᖕᒥ ᐊᑐᐊᒐᓕᕆᓂᕐᒧᑦ ᑯᐃᓐ ᓯᓚᑦᑐᖅᓯᕐᕕᒡᔪᐊᖓᓂ ᑭᖕᔅᑕᓐ, ᐋᓐᓂᐅᕆᔫᒥ, ᑲᓇᑕᒥ. ᖁᑦᑎᓂᖅᐹᒥ ᐃᓕᓴᕆᔭᐅᔾᔪᓯᐊᓕᒃ ᓄᓇᓕᕆᓂᕐᒧᑦ ᑕᐃᑲᙵ ᐅᐊᓯᖕᑕᓐ ᓯᓚᑦᑐᖅᓯᕐᕕᒡᔪᖓᓂ ᓯᐋᑐ, ᐅᐊᓯᖕᑕᓐᒥ 1973-ᒥ. 30-ᑲᓴᖕᓄᑦ ᐅᑭᐅᓄᑦ ᖁᑦᑎᓂᖅᓴᒥ ᒐᕙᒪᓕᕆᔨᐅᓂᑰᓪᓗᓂ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂ, ᑎᓕᔭᐅᓚᐅᖅᑐᖅ ᒥᓂᔅᑕᐅᑉ ᑐᒡᓕᐊᓄᑦ ᓄᓇᒥᙶᖅᑐᑦ ᑲᓇᑕᒥᒃᑯᓐᓂ ᐊᒻᒪ ᐃᖅᑲᓇᐃᔭᓚᐅᖅᑐᖅ ᐃᒪᕐᒥᐅᑕᓕᕆᔨᒃᑯᓐᓄᑦ, ᖁᑦᑎᓂᖅᓴᒥ ᖃᐅᔨᓴᖅᑎᐅᓚᐅᖅᑐᖅ ᑕᕆᐅᕐᔪᐊᓕᕆᔨᒃᑯᓐᓄᑦ ᑲᓇᑕᒥ ᖃᐅᔨᓴᖅᑎᒃᑯᑦ ᑲᑎᒪᔨᖏᓐᓄᑦ ᑲᓇᑕᒥ ᐊᒻᒪ ᐊᓪᓚᐃᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᓂᖏᓐᓄᑦ ᐋᖅᑭᒃᓱᐃᓇᓱᒃᑎᒃᑯᑦ ᑲᓇᑕᒥ. ᖁᑦᑎᓂᖅᓴᓂ ᐃᖅᑲᓇᐃᔮᖃᖃᑦᑕᕐᓂᑰᖕᒥᔪᖅ ᑮᓇᐅᔭᓕᕆᔨᒃᑯᓐᓂ, ᓄᓇᖃᖅᑳᖅᑐᓕᕆᔨᒃᑯᓐᓂ, ᐄᑲᒪᑖᒃᓯᓕᕆᔨᒃᑯᑦ ᑲᓇᑕᒥ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᕙᓪᓕᐊᑎᑦᑎᓂᕐᒧᑦ ᑲᓇᑕᒥ. ᑎᑎᕋᖅᑎᐅᓂᑰᔪᖅ ᓯᕗᓪᓕᐅᔾᔭᐅᔭᕆᐊᓕᖕᓄᑦ ᐊᒻᒪ ᐸᕐᓇᐃᓂᕐᒧᑦ ᑲᑎᒪᔨᕋᓛᓄᑦ ᒐᕙᒪᑐᖃᒃᑯᑦ ᒥᓂᔅᑕᐅᑎᖏᓐᓄᑦ ᐃᓱᒻᒥᖅᑐᐃᔩᑦ ᑎᑎᕋᕐᕕᖓᓂ, ᐃᑲᔪᓚᐅᖅᑐᖅ ᑲᓇᑕᒃᑯᓐᓂ ᓄᓇᕐᔪᐊᕐᒥ ᐱᓕᕆᔨᓄᑦ ᒪᓕᒐᕐᒧᑦ ᑕᕆᐅᕐᒧᑦ ᐊᒻᒪ ᑕᑯᓚᐅᖅᑐᖅ ᑮᓇᐅᔭᕐᓂᒃ ᐊᑐᖅᑕᐅᔪᓂ $150 ᒥᓕᔭᓐᓂᒃ ᓄᓇᕐᔪᐊᕐᒥ ᓯᓚᕐᔪᐊᕐᒥ ᐅᑭᐅᖅᑕᖅᑐᓕᕆᓂᕐᒧᑦ ᐊᕐᕌᒍᖓᓂ (IPY). 2012-ᒥ, ᓘᒃᑖᖅ ᕼᐋᕆᓴᓐ ᐃᒃᓯᕙᐅᑕᐅᓚᐅᖅᑐᖅ ᓄᓇᕐᔪᐊᕐᒥ ᓯᓚᕐᔪᐊᕐᒥ ᐅᑭᐅᖅᑕᖅᑐᓕᕆᓂᕐᒧᑦ ᐊᕐᕌᒍᖓᓂ (IPY) ᑲᑎᒪᓂᐅᔪᒥ “ᖃᐅᔨᒪᓂᕐᒥᑦ ᐱᓕᕆᐊᖃᓂᕐᒧᑦ” ᒪᓐᑐᕆᔮᒥ.

Chris Mills

ᑮᓇᐅᔭᓕᕆᔨ

ᑯᕆᔅ ᒥᓪᔅ ᑮᓇᐅᔭᓕᕆᓂᕐᒧᑦ ᐅᖃᐅᔾᔨᔨᐅᔪᖅ ᕋᐃᒪᓐ ᔭᐃᒻᔅ ᕚᓐᑰᕙᒥ. ᐱᕈᖅᓴᓚᐅᖅᑐᖅ ᕗᐃᓂᐸᐃᒡᒥ, ᒫᓂᑑᐸ ᐱᓇᓱᐊᕐᓂᖃᓚᐅᖅᑎᓐᓇᒍ ᕼᐊᑭᓂᕐᒧᑦ ᐃᓕᓐᓂᐊᓂᕐᒧᑦ ᓯᓚᑦᑐᓴᕐᕕᒃᔪᐊᒥᑦ ᓂᐅ ᔪᐊᒃ ᐱᔭᕇᖅᓯᓚᐅᖅᑐᖅ ᓇᓗᓇᐃᒃᑯᑖᖅᑐᓂ ᑮᓇᐅᔭᓕᕆᓂᕐᒧᑦ ᐊᒻᒪ ᓵᑕᖅᑕᐅᓯᒪᔪᓄᑦ ᐊᐅᓚᑦᑎᔨ. ᕚᓐᑰᕙᒥ, ᐃᓚᒋᔭᐅᔪᖅ ᕚᓐᑰᕙᒥ ᑲᑎᒪᔨᓄᑦ ᑕᐅᖅᓰᓂᕐᒧᑦ ᐊᒻᒪ ᐊᑭᓕᖅᓱᖅᑕᐅᒐᓂ ᐃᑲᔪᕐᓂᑰᔪᖅ ᐱᒍᒪᔭᒥᓂ ᐱᒍᒪᓂᕐᒧᑦ ᑲᓇᑕᒥ ᐊᒻᒪ ᐊᖑᑏᑦ ᕿᓕᖅᓯᓇᒐᒍᑦ ᑳᓐᓱᓕᕆᔨᒃᑯᑦ ᐳᕆᑎᔅ ᑲᓚᒻᐱᔭᒥ.

Scott Highleyman

ᑎᑎᕋᖅᑎ

ᓯᑳᑦ ᕼᐊᐃᓕᒪᓐ 30-ᓄᑦ ᐅᑭᐅᓄᑦ ᐅᖓᑖᓄᑦ ᓯᕗᓕᖅᑎᐅᓂᑰᔪᖅ ᐅᑭᐅᖅᑕᖅᑐᓕᕆᓂᕐᒧᑦ ᓄᐊᔅ ᐊᒥᐊᓕᑲᒥ. ᐊᖓᔪᖅᑳᑉ ᑐᒡᓕᒋᔭᖓ ᐱᐅᖅᓱᐊᕐᓂᕐᒧᑦ ᐊᑐᐊᒐᓕᕆᖤᕐᒧᑦ ᐊᒻᒪ ᐱᓕᕆᐊᒃᓴᓄᑦ ᑕᕆᐅᕐᔪᐊᓕᕆᓂᕐᒧᑦ ᐱᐅᖅᓱᐊᓕᕆᔨᒃᑯᓐᓂ ᓯᕗᓕᖅᑎᐅᔪᖅ ᐅᑭᐅᖅᑕᖅᑐᒥ ᐱᓕᕆᐊᖑᔪᒧᑦ. 2009-ᒥ 2016-ᒧᑦ, ᐋᖅᑭᒃᓱᐃᓚᐅᖅᑐᖅ ᐊᒻᒪ ᐊᐅᓚᑦᑎᓪᓗᓂ ᓄᓇᕐᔪᐊᓕᒫᒥ ᐅᑭᐅᖅᑕᖅᑐᒥ ᐱᓕᕆᐊᒥ ᐴ ᑮᓇᐅᔭᕐᓂᒃ ᐱᕈᐃᓕᕆᔨᒃᑯᓐᓂ. ᐴᒃᑯᓐᓄ ᐃᓚᒋᔭᐅᓕᓚᐅᙱᑎᓪᓗᒍ, ᓯᑳᑦ ᐱᐅᖅᓱᐊᓂᕐᒧᑦ ᓯᕗᓕᖅᑎᐅᓚᐅᖅᑐᖅ ᐊᓛᔅᑲᒥ ᓇᐹᖅᑐᑯᑖᓕᖕᓄᑦ ᐊᒻᒪ ᐃᒪᕐᒥᐅᑕᓂᑦ ᓴᐳᔾᔨᓂᕐᒧᑦ ᐊᒻᒪ ᐱᒋᐊᖅᑎᐅᓂᑰᔪᖅ ᐅᐊᐃᔪᓪᕼᐊᐃᕙᓐᔅᒥ, ᐸᕐᓇᐅᓂᕐᒧᑦ ᓇᖕᒥᓂᕆᔭᐅᔪᖅ ᐸᓕᖕᕼᐋᒻ, ᐅᐊᓯᖕᑕᓐᒥ, ᐊᒥᓱᐊᓗᓐᓂ ᐱᓕᕆᐊᒃᓴᓂᑦ ᑲᒪᓚᐅᖅᑐᑦ ᑲᑐᔾᔨᖃᑎᒌᓄᑦ ᐊᒻᒪ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᓄᑦ. ᓯᑳᑦ ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᕌᓂᒍᓯᐊᓕᒃ ᐅᐃᓕᔭᒻ ᓯᓚᑦᑐᖅᓴᕐᕕᖓᓂ ᐊᒻᒪ ᖁᑦᑎᓂᖅᐹᖅ ᓯᕗᓂᐊᓂ ᐃᓕᓐᓂᐊᕌᓂᒍᓯᐊᒥ ᓯᓚᑦᑐᖅᓯᕐᕕᒡᔪᐊᒥ ᐅᐃᔅᑳᓐᓯᓐ ᒪᓕᒐᓕᐅᖅᑎᐅᓂᕐᒧᑦ ᐃᓕᓐᓂᐊᕐᕕᖓᓂ ᒫᑎᓴᓐᒥ. ᐃᓚᒋᔭᐅᔪᖅ ᐊᓛᔅᑲᒥ ᒪᓕᒐᓕᐅᖅᑏᑦ ᑲᑐᔾᔨᖃᑎᒌᒃᑯᓐᓄᑦ ᐊᒻᒪ “ᓇᐃᑦ”−ᖑᓂᕋᖅᑕᐅᔪᖅ ᖃᐅᔨᓴᕐᓂᕐᒧᑦ ᐊᒻᒪ ᑎᑎᖅᑲᓕᕆᓂᕐᒧᑦ ᕋᓴᐅᑉ ᐃᓕᓐᓂᐊᕐᕕᖓᓂ ᓄᓇᓕᕆᓂᕐᒧᑦ ᖃᐅᔨᓴᕐᓂᕐᒥᑦ. ᐸᓕᖕᕼᐋᒻᒥᐅᑕᐅᔪᖅ ᓴᓕᔅ ᑕᕆᐅᖓᓂ.

Hilu Tagoona

Board Member

Hilu Tagoona is from the inland Inuit community of Baker Lake, Nunavut, in the Canadian Arctic. Her people are known as the Caribou Inuit. She is a member of Nunavummiut Makitagunarngningit (or Makita for short) which means “the people of Nunavut can rise up,” an independent non-governmental organization formed in 2009 to inform Nunavut residents about the impacts of uranium mining. Hilu represented Makita in the final review process regarding the French mining company Areva’s proposal to establish the Kiggavik uranium mine 80 kilometres from her home community. The Nunavut Impact Review Board rejected the mine that would have posed a threat to caribou herds in the region. She is also a member of MiningWatch Canada since 2018. Hilu is a mother of two young adults, and has her B.A from Carleton University.