ᐊᑦᓛᓐᑎᒃ ᑲᓇᑕ ᐅᑯᐊᖑᔪᑦ ᓂᐅ ᐳᓚᓐᔅᕕᒃ, ᓄᕙ ᓯᑯᓯᐊ,ᓂᐅᕙᐅᓐᓛᓐᑦ ᐊᒻᒪ ᓛᐸᑐᐊ, ᐳᓕᓐᔅ ᐃᑦᕗᑦ ᐊᐃᓚᓐ ᑕᕆᐅᖏᓪᓗ. ᐅᒪᔪᖃᕐᕕᐅᔪᖅ ᐊᒻᒪᓗ ᓴᒃᕙᓯᒃᑐᒥ ᑕᕆᐅᖓᓂ ᐊᑐᕐᑕᐅᓪᓚᕆᒃᑐᖅ ᐃᓅᓯᖏᓐᓄᑦ ᐃᓄᖏᓐᓄᑦ ᐃᖃᓇᐃᔭᕐᕕᐅᓪᓗᓂᓗ ᐊᑦᓛᓐᑎᒃ ᑲᓇᑕᒥᐅᑕᓄᑦ, ᐊᒻᒪᓗ ᐱᓗᐊᕐᑐᒥᒃ ᒥᒃᒪᒃ, ᕗᓚᔅᑐᕿᔨᒃ, ᐃᓄ ᐊᒻᒪ ᐃᓄᐃᑦ, ᓄᓇᖃᖅᑳᖅᓯᒪᔪᑦ.

ᓯᒃᔭᕐᐸᓯᖕᒥ ᓄᓇᓖᑦ

ᓂᒃᓚᓱᒃᓂᕐᓴᐅᓂᖓ ᐅᐊᖕᓇᖓᓂ ᐊᑦᓛᓐᑎᒃ ᑕᕆᐅᖓ ᐊᕙᑖᓃᑦᑐᖅ ᐊᑦᓛᓐᑎᒃ ᓄᓇᖃᐅᕐᑐᓄᑦ ᐊᔾᔨᒋᖏᑦᑐᓂᒃ ᐊᑐᕐᑕᐅᔪᖅ ᐃᓄᖃᐅᕐᖢᓂᓗ. ᐅᒪᔪᖃᕐᕕᐅᔪᑦ ᑕᕆᐅᖓ ᑭᖑᓂᑦᑎᓐᓂ ᐊᑐᕐᑕᐅᖃᑦᑕᕐᓯᒪᔪᖅ ᐊᓐᓇᐅᒪᔾᔪᑕᐅᓪᓗᑎᒃ ᓄᓇᖃᖅᑳᖅᓯᒪᔪᓄᑦ ᐅᓄᕐᑐᓂᒃᓗ ᐃᖃᓗᒃᓂᒃ ᐳᐃᔨᓂᒃ ᐅᒪᔪᓂᒃᓗ ᐱᕕᐅᖃᑦᑕᕐᖢᓂ, ᐅᐸᒃᑕᐅᖃᑦᑕᓕᕐᓂᑯᓪᓗᓂᓗ ᓄᓇᑖᕆᐊᕐᑐᕐᑐᓄᑦ ᓂᐅᕕᐊᒃᓴᓕᒃᓄᓪᓗ. ᐅᓪᓗᒥ, ᑕᕆᐅᖓ ᓱᓕ ᐊᑐᕐᑕᐅᔪᖅ ᑮᓇᐅᔭᒃᓴᕐᕕᐅᓪᓗᓂ ᐃᓕᖁᓯᖏᓐᓄᓪᓗ, ᐃᖃᓗᓕᕆᓂᒃᑯᑦ ᐊᒻᒪᓗ ᐅᓯᑲᕐᑕᕐᓂᒃᑯᑦ ᐅᒥᐊᕐᔪᐊᒃᑯᑦ ᐃᕿᐊᖑᐃᔭᓗᒃᕕᐅᓪᓗᓂᓗ.

ᐃᒪᕐᒥᐅᑕᓕᕆᔨᒃᑯᑦ ᑲᓇᑕ (DFO) ᑲᒪᒋᔭᖃᕐᑐᖅ ᐊᐅᓚᑦᑎᓂᕐᒥᒃ ᐊᑦᓛᓐᑎᒃ ᑲᓇᑕ ᑕᕆᐅᖓᓂᒃ ᐃᖃᓗᓕᕆᓂᕐᒧᓪᓗ. ᒐᕙᒪᑐᖃᒃᑯᑦ ᐱᓇᓱᒃᕕᖏᑦ ᑎᓴᒪᐅᓕᕐᖃᔪᑦ ᑎᑎᕋᕐᕕᖏᑦ: ᑯᐱᒃ, ᒐᓪᕝ, ᒪᐃᕈᑕᐃᒻᔅ ᐊᒻᒪᓗ ᓂᐅᕙᐅᓐᓛᓐᑦ. ᓄᓇᖃᐅᕐᑐᑦ ᑲᒪᒋᔭᖃᕐᑐᑦ ᒪᓕᒐᓕᐅᕐᓂᕐᒥᒃ ᐃᖃᓗᓕᕆᓂᕐᒧᑦ ᑐᓚᒃᑕᕐᕕᒃᒧᐊᕌᖓᑦ.

ᐊᖏᓂᕐᓴᐅᔪᒥᒃ ᓄᓇᖃᖅᑳᖅᓯᒪᔪᑦ ᓱᓕ ᓄᓇᖁᑎᑖᕐᓯᒪᖏᑦᑐᑦ ᐊᑦᓛᓐᑎᒃ ᑲᓇᑕ, ᓄᓇᖁᑎᒋᔭᖏᓪᓗ ᓱᓕ ᐊᖏᕈᑕᐅᓯᒪᖏᑦᑐᑦ. ᐊᒻᒪᓗᑦᑕᐅᖅ, ᑕᕆᐅᖓᓂ ᑰᖏᓐᓂᓗ, ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖃᕐᑐᑦ ᓄᓇᖃᖅᑳᖅᓯᒪᓂᕐᒥᓄᑦ ᐃᖃᓗᒐᓱᒍᓐᓇᕐᖢᑎᒃ, ᐃᓄᓯᖏᓐᓄᑦ ᐊᒻᒪᓗ ᖁᕕᐊᓲᑎᖃᕐᓗᑎᒃ ᐅᒪᔾᔪᑎᒋᓂᖏᓐᓄᑦ. ᐃᓚᖏᑦ ᓄᓇᓖᑦ ᑮᓇᐅᔭᒃᓴᐅᑎᓂᒃ ᐃᖃᓗᓕᕆᓂᒃᑯᑦ ᐱᔪᓐᓇᐅᑎᑖᕐᓯᒪᔪᑦ ᒐᕙᒪᑐᖃᒃᑯᑦ ᐊᐅᓚᑕᖏᓐᓂᑦ.

ᑕᕆᐅᕐᒥ ᐊᓯᓪᓕᕐᓃᑦ

ᐊᑦᓛᓐᑎᒃ ᓯᒃᔭᖓᓂ ᑕᕆᐅᖓᓂᓗ ᐊᕙᑖᓂ ᐃᖃᓗᒐᓱᒃᕕᐅᖃᑦᑕᕐᓯᒪᓪᓚᕆᒃᒪᑦ ᐃᖃᓗᓕᕆᓂᒃᑯᓪᓗ ᐱᕙᓪᓕᐊᓯᒪᒃᒪᑦ.

ᑭᖑᓂᑦᑎᓐᓂ ᐃᖃᓗᓗᐊᖃᑦᑕᓚᐅᕐᓂᖏᓐᓄᑦ ᐅᓄᕈᓐᓃᕈᑕᐅᖕᒪᑕ ᐃᖃᓗᒃᓄᑦ ᒫᓐᓇᓗ ᐅᓄᖏᑦᑐᒻᒪᕆᐅᓕᕐᖢᑎᒃ, ᐃᖃᓗᒑᓲᑎᑦ ᓄᑖᖑᔪᑦ ᐊᖏᓂᕐᓴᓂᒃ ᐱᖃᑦᑕᓕᕐᑎᓪᓗᒋᑦ ᐊᓯᖏᓐᓂᒃᓗ ᐃᖃᓗᒐᓱᒃᑕᐅᖏᑦᑐᓂᒃ ᐱᖃᑦᑕᕐᑎᓪᓗᒋᑦ ᓱᕋᐃᔾᔪᑕᐅᖕᒪᑦ ᑕᕆᐅᕐᒥᐅᑕᓄᑦ ᐊᕙᑎᖓᓄᓪᓗ. ᐅᕐᓱᐊᓗᒃᓯᐅᕐᑐᑦ ᒐᓯᒥᒃᓗ ᓯᕘᕋᓇᕈᑕᐅᖕᒪᑦ ᕿᓂᕐᑎᓪᓗᒋᑦ ᐊᒻᒪᓗ ᐅᓗᕆᐊᓇᕐᓂᖓᓄᑦ ᑯᕕᔪᖃᕐᓂᕈᓂ. ᐊᑦᓛᓐᑎᒃ ᓯᒃᔭᕐᐊᓯᐊᓂ ᐃᓂᒋᔭᐅᖕᒥᖕᒪᑦ ᐅᓄᕐᑐᓄᑦ ᐅᒥᐊᔪᐊᓄᑦ ᐊᖁᑕᐅᓪᓗᓂᓗ: ᑖᒃᑯᐊ ᐅᒥᐊᕐᔪᐊᑦ ᓂᐱᖃᖃᑦᑕᕐᒪᑕ, ᐃᓗᐊᕆᔭᐅᒐᔭᕐᓇᑎᒃᓗ ᐳᐃᔨᓄᑦ ᐅᒪᔪᓄᓪᓗ, ᐊᒻᒪᓗ ᑐᓗᕐᓯᖃᑦᑕᕐᒪᑕ ᐃᓛᓐᓂᕐ ᐊᕐᕕᖕᓂᒃ ᑐᖁᔾᔪᑕᐅᕙᒃᖢᓂ – ᐱᖃᓯᐅᑎᓪᓗᒋᑦ ᐅᓗᕆᐊᓇᕐᑐᒦᑦᑐᑦ ᐅᒪᔪᑦ ᐅᐊᖕᓇᖓᓂ ᐊᑦᓛᓐᑎᒃ ᐊᕐᕕᑦ.

ᓯᓚᐅᑦ ᐊᓯᓪᓕᕐᐸᓪᓕᐊᓂᖓ ᐱᐅᖏᑦᑐᓄᑦ ᐃᒃᐱᖕᓇᐅᑎᕙᓪᓕᐊᖕᒥᒃᒪᑦ ᐊᑦᓛᓐᑎᒃ ᑕᕆᐅᖓᓂ. ᐅᒃᑐᑎᒋᓪᓗᒍ, ᐊᓯᓪᓕᕐᑐᑦ ᓯᑯ ᐊᐅᖃᑦᑕᕐᓂᖓ ᓯᑯᖃᑦᑕᕐᓂᖓᓗ ᐃᒃᐱᖕᓇᐅᑎᓯᒪᔪᖅ ᐅᒪᔪᓄᑦ ᓂᕿᒋᔭᐅᔪᓄᑦ, ᐅᓄᕈᓐᓃᕐᐸᓪᓕᐊᓪᓗᑎᒃᓗ, ᐊᒻᒪᓗ ᐅᖁᓯᕙᓪᓕᐊᓂᖓ ᑕᕆᐅᖓ ᐃᖁᑎᑦ ᐃᕈᕐᑐᑦ ᐅᓄᕈᓐᓃᕐᐸᓪᓕᐊᓪᓗᑎᒃ, ᐃᓂᒋᔭᐅᓪᒪᕿᒃᒪᑕ ᐃᖃᓗᖕᓄᑦ. ᐱᔾᔪᑕᐅᓪᓚᕆᖕᒥᔪᖅ ᐅᓄᕐᓯᕙᓪᓕᐊᓇᓈᕈᑕᐅᓪᓗᓂ ᐅᓄᕐᑐᓄᑦ ᐃᖃᓗᖕᓄᑦ. ᑕᕆᐅ ᒐᓪᕝ ᓴᐃᓐᑦ ᓗᐊᕆᓐᔅ ᐊᓂᕐᑎᕆᔭᑦᑎᓐᓂ ᐃᓚᒃᓴᐅᑎᖓ ᓄᖑᐸᓪᓕᐊᖕᒪᑦ ᐊᒻᒪᓗ ᐅᖁᓯᕙᓪᓕᐊᓪᓗᓂ ᑕᕆᐅᖓ ᓱᑲᓛᖑᓪᓗᓂ ᓄᓇᕐᔪᐊᒥ. ᑕᐃᒪᐃᑎᓪᓗᒍ, ᒧᓱᕈᕐᓇᕐᑐᖃᕐᓂᖓ ᐊᖏᓕᕙᓪᓕᐊᑎᓪᓗᒍ ᐱᐅᖏᑦᑐᒧᑦ ᐃᒃᐱᖕᓇᐅᑎᓂᐊᕐᒪᑦ ᑎᓯᔪᓂᒃ ᐅᕕᓗᕐᓂᒃ ᐅᒪᔪᓄᑦ, ᑕᕆᐅᕐᒥᐅᑕᓄᑦ ᐊᒻᒪ ᑕᕆᐅᕐᒥᐅᑕᐃᑦ ᓂᕿᖏᓐᓄᑦ.

ᐱᑕᖃᐃᓐᓇᕐᑎᑦᑎᓂᕐᒧᑦ ᓯᕗᓂᒃᓴᒥ

ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᖃᓇᐃᔭᖃᑎᖃᕐᑐᑦ ᓄᓇᓕᖕᓂ ᐃᓄᖏᓐᓂᒃ ᐃᕈᕐᓴᐃᓪᓗᑎᒃ ᐃᖃᓗᖕᓂᒃ ᐊᒻᒪᓗ ᐱᑕᖃᐃᓐᓇᕐᑎᑦᑎᓇᓱᒃᑐᑦ ᐅᒪᔪᖃᕐᕕᐅᔪᓂᒃ ᐊᒻᒪᓗ ᐃᓕᖁᓯᖓᒍᑦ ᐊᒃᑐᐊᔪᓂᒃ ᑲᔪᓯᖁᓪᓗᒋᑦ ᓯᕗᓂᒃᓴᒥ ᐱᑕᖃᐃᓐᓇᕐᑎᑕᐅᓇᓱᒃᓗᑎᒃ ᐊᒻᒪᓗ ᑕᕆᐅᕐᒥᐅᑕᐃᑦ ᑲᔪᓯᔪᓐᓇᕐᖁᓪᓗᒋᑦ ᐊᓯᓪᓕᕐᐸᓪᓕᐊᒐᓗᐊᕐᑎᓪᓗᒋᑦ ᐊᕙᑎᖓ ᑕᕆᐅᕐ.

ᐃᖃᓇᐃᔭᖃᑎᒋᔭᕗᑦ ᐃᖃᓗᓕᕆᔨᐅᔪᑦ, ᓯᒃᔭᕐᐸᓯᖕᒥ ᓄᓇᓕᐅᔪᑦ, ᓄᓇᖃᖅᑳᖅᓯᒪᔪᑦ, ᐊᑐᕐᑎᐅᔪᑦ ᑕᕆᐅᖓᓂ ᐊᒻᒪᓗ ᖃᐅᔨᓴᕐᕕᐅᔪᑦ ᐱᖃᓯᐅᑎᓪᓗᒋᑦ ᑭᒐᕐᑐᐃᔪᑦ ᐊᕕᒃᑐᕐᓯᒪᔪᓂ ᓄᓇᖃᕐᑐᑦ ᐊᒻᒪᓗ ᒐᕙᒪᐅᔪᑦ. ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᑭᒐᕐᑐᕐᑕᐅᔪᑦ ᐊᓄᕐᑐᓄᑦ ᑲᑎᒪᔨᐅᔪᓄᑦ ᐃᖃᓗᓕᕆᓂᕐᒧᑦ ᐃᓗᐊᓂ ᐊᑦᓛᓐᑎᒃ ᑲᓇᑕ, ᐱᑎᑦᑎᓇᓱᖃᑦᑕᕐᑐᒍᑦ ᑭᒃᓕᓯᓂᐊᕐᓂᒃᑯᑦ ᐋᕿᒃᓱᐃᓪᓗᑕ ᓯᕗᓂᑦᑎᓐᓂ ᐃᖃᓗᓕᕆᓂᖅ ᐅᓄᕐᓯᒋᐊᕈᑕᐅᖁᓪᓗᒋᑦ ᐊᒻᒪᓗ ᑕᕆᐅᖓᓂ ᐅᒪᔪᑦ ᐊᕙᑎᖓᓂ. ᐊᒻᒪᓗᑦᑕᐅᖅ, ᐃᑲᔪᖃᑦᑕᕐᑐᒍᑦ ᐸᕐᓇᐅᑎᒃᑯᑦ ᐃᑲᔫᑕᐅᓂᐊᕐᒪᑕ ᐅᓄᕈᓐᓃᓕᕐᑐᓄᑦ ᐅᓄᕐᓯᒋᐊᕈᑕᐅᓂᐊᕐᑐᓂᒃ.

ᐃᑲᔪᕐᑐᐃᒧᒍᑦ ᐱᔪᓐᓇᐅᑎᖏᓐᓂᒃ ᐃᖃᓗᒐᓱᒃᑎᐅᔪᑦ ᐊᑦᓛᓐᑎᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐊᒻᒪᓗ ᐅᒃᐱᕈᓱᒃᑐᒍᑦ ᐱᑕᖃᐃᓐᓇᕐᑎᑦᑎᓂᕐᒥᒃ, ᐃᒻᒥᓂᕐᓱᕐᑐᒥᒃ ᐃᖃᓗᓕᕆᓂᒃᑯᑦ ᐱᓪᓚᕆᐅᓂᖏᓐᓂᒃ ᓄᓇᓕᖃᑦᑎᐊᕋᓱᒃᓗᓂ ᐊᑦᓛᓐᑎᒃ ᑕᕆᐅᖓᓂ ᐊᕙᑎᖓᓂ. ᐃᓚᒋᔭᖓ ᐱᓕᕆᐊᕆᔭᑦᑕ, ᐃᑲᔪᖃᑦᑕᕐᑐᒍᑦ ᑭᒃᓕᓯᓂᐊᕐᓂᒃᑯᑦ ᖃᐅᔨᓴᕐᓂᕐᒥᒃ ᐊᒻᒪᓗ ᓄᓇᓕᖕᓂ ᖃᐅᔨᓴᕐᓂᖅ ᐊᑦᓛᓐᑎᒃ ᑕᕆᐅᖓᓂ ᐊᕙᑎᖓᓂ.

ᐊᕋᒍᖓᓂ 2019, ᐃᑲᔪᕐᑐᐃᓪᓗᑎᒃ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐊᒻᒪᓗ ᐊᓯᖏᑦ ᑎᒥᐅᔪᑦ, ᒐᕙᒪᑐᖃᒃᑯᑦ ᐱᖁᔭᓕᐅᓚᐅᕐᑐᑦ ᓄᑖᖑᕆᐊᕐᑕᐅᓪᓗᑎᒃ ᐃᖃᓗᓕᕆᓂᕐᒧᑦ ᒪᓕᒐᖓᓐᓂ – ᑲᓇᑕᒥ ᐱᑐᖃᐅᓛᖑᖕᒪᑕ ᐱᖁᔭᖏᓐᓂ – ᓄᑕᖑᕆᐊᕐᑕᐅᓪᓗᑎᒃᓗ ᑕᕆᐅᕐᔪᐊᒧᑦ ᒪᓕᒐᕐᒧᑦ. ᑕᒪᕐᒥᒃ ᑕᒃᑯᐊ ᐱᖁᔭᐃᑦ ᐃᒃᐱᖕᓇᐅᑎᓂᐊᕐᒪᑕ ᑕᕆᐅᖓᓂ ᐱᑕᖃᐃᓐᓇᕐᑎᑦᑎᓂᕐᒧᑦ ᐊᑦᓛᓐᑎᒃ ᑲᓇᑕ ᐅᖓᑖᓂᓗ. ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᖃᓇᐃᔭᖃᑎᖃᕐᓗᑎᒃ ᒐᕙᒪᐅᔪᓂᒃ ᐊᓯᖏᓐᓂᒃᓗ ᐃᑲᔪᕐᑎᐅᔪᓂᒃ ᐱᖁᔭᐃᑦ ᐊᑐᓕᕐᑎᑕᐅᕙᓪᓕᐊᑎᓪᓗᒋᑦ.

ᐊᑐᖅᑕᐅᔪᓐᓇᖅᑐᑦ ᐃᓚᒋᔭᐅᔪᑦ

Atlantic Canada Public Opinion Study

Oceans North, the Conservation Council of New Brunswick and the New Brunswick chapter of Canadian Parks and Wilderness Society were interested in better understanding how Atlantic Canadians (residents of Nova Scotia, New Brunswick, Newfoundland and Labrador, and Prince Edward Island) perceive the state of the oceans. This report contains the results of polling that was conducted over the summer of 2019. The survey was supported by The Ocean Foundation.

Download

Atlantic Canada Environmental DNA Workshop Report

This report details the outcomes of the first Atlantic Canada Environmental DNA Workshop, held at the Bedford Institute of Oceanography in Dartmouth, Nova Scotia and hosted by Fisheries and Oceans Canada, the Nova Scotia Salmon Association and Oceans North. It includes recommendations for future work, summaries of the presentations given and a map of past, current and future research projects involving environmental DNA in Atlantic Canada.

Download