ᑲᓇᑕᐅᑉ ᐅᑭᐅᖅᑕᖅᑕᖓᓂ ᐃᒪᕐᒥᐅᑕᓂᑦ ᓄᓇᙳᐊᖅ, ᓴᖅᑭᑕᐅᓚᐅᖅᑐᖅ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐊᒻᒪ ᑲᑐᔾᔨᖃᑎᒌᖏᑦ, ᐊᑐᐃᓐᓇᐅᑎᑦᑎᓲᑦ ᕿᒥᕐᕈᓂᕐᒥᑦ ᐳᐃᔨᓂ, ᑕᕆᐅᕐᒥᐅᑕᓂ ᑎᖕᒥᐊᓂ, ᐃᖃᓗᖕᓂ ᐊᒻᒪ ᐃᓯᖏᓐᓂ ᐆᒪᔪᓂ ᐅᑭᐅᖅᑕᖅᑑᑉ ᐃᒪᖓᓂ ᐆᒪᑦᑎᐊᖅᑐᓂ − ᐊᒻᒪ ᑕᑯᒃᓴᐅᑎᑦᑎᓪᓗᓂ ᐱᒻᒪᕆᐅᓂᖓᓂ ᐆᒪᑦᑎᐊᕆᑦᑐᒥ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐃᓄᖁᑎᒋᔭᐅᔪᓄᑦ ᑖᕙᓂᕐᒥᐅᑕᐅᔪᓄᑦ.

ᐱᒋᐊᕐᓂᖓ ᐅᑭᐅᖅᑕᖅᑐᒥ ᐃᒪᕐᒥᐅᑕᓂᑦ ᐊᕙᑎᒧᑦ

ᑲᓇᑕᐅᑉ ᐅᑭᐅᖅᑕᖅᑕᖓᓂ ᐃᒪᕐᒥᐅᑕᓂᑦ ᓄᓇᙳᐊᖅ, ᓴᖅᑭᑕᐅᔪᔪᖅ ᑲᑐᔾᔨᖃᑎᖃᕐᓂᕐᒥᑦ ᒥᑎᕐᓄᑦ ᑲᑐᔾᔨᖃᑎᒌᖑᔪᓄᑦ ᑲᓇᑕᒥ ᐊᒻᒪ ᓄᓇᕐᔪᐊᒥᒃ ᓂᕐᔪᑎᑦ ᑮᓇᐅᔭᖏᓐᓄᑦ ᑲᓇᑕᒥ, ᐊᑐᐃᓐᓇᐅᑎᑦᑎᔪᖅ ᑕᐅᑐᑦᑎᐊᕐᓂᕐᒥᑦ ᐊᕙᑎᒥ ᐊᒃᓱᕐᔪᐊᕌᓗᒃ ᐊᓯᔾᔨᖅᐸᓪᓕᐊᔪᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ.

ᑐᙵᕕᖃᖅᖢᑎᒃ ᓄᑖᖑᓂᖅᐹᓂ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ, ᓄᓇᙳᐊᖅ ᑕᑯᒃᓴᐅᑎᑦᑎᔪᖅ ᐆᒪᔪᑦ ᓇᔪᒐᖏᑦᑕ ᓯᓚᑎᖏᑕᓗ ᖃᓄᐃᑦᑑᓂᖏᓐᓂᑦ ᑕᒫᓂ, ᑕᕆᐅᓕᕆᓂᕐᒧᑦ ᐆᒪᔪᓕᕆᓂᕐᒧᑦ, ᐃᓄᐃᑦ ᑲᓲᒪᓂᕆᔭᖓᓐᓂ ᓄᓇᕐᔪᐊᕐᒥ ᓱᕐᕋᑕᐅᓚᐅᙱᑎᓪᓗᒍ.

ᓄᓇᙳᐊᖅ ᕿᒥᕐᕈᐊᕈ:

ᑖᒃᑯᐊ ᐊᕕᒃᑐᖅᓯᒪᔪᑦ ᑕᑯᒃᓴᐅᑎᑦᑎᔪᑦ ᐊᑐᓂ ᓇᒡᒍᕐᓂ ᓄᓇᙳᐊᒥ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ

ᐊᓯᐅᔨᕐᔪᐊᕐᓂᖓ ᐅᑭᐅᖅᑕᖅᑑᑉ ᑕᕆᐅᖓᑕ ᓯᑯᖓᓂ ᐊᒃᓱᐊᓗᒃ ᑕᑯᒃᓴᒻᒪᕆᐅᕗᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᖃᓄᖅ ᐊᒃᑐᐃᓂᖃᕐᒪᖔᖅ ᐅᑭᐅᖅᑕᖅᑐᒥ. ᐱᒻᒪᕆᐅᔪᓂ ᐆᒪᔪᓂ ᐊᔾᔨᒌᙱᑦᑐᓂ ᐅᓗᕆᐊᓇᖅᑐᒦᑎᑦᑎᔪᖅ ᓲᕐᓗ ᐊᐃᕕᕐᓂ ᐊᒻᒪ ᕿᓚᓗᒐᕐᓂ ᑐᙵᕕᖃᖅᐸᒃᑐᓂ ᓯᑯᒥ ᐊᒻᒪ ᓂᒡᓚᓱᒃᑐᒥ, ᑕᐃᒪᐃᓐᓂᖓᓄᑦ ᓱᖏᐅᑎᔭᕆᐊᖃᓕᓲᑦ ᐊᒻᒪ ᓄᑖᓂᑦ ᐆᒪᔪᓂ ᑖᒃᑯᓂᖓ ᓂᕆᕙᒃᑐᓂ ᑎᑭᑦᑐᖃᓲᖑᓕᖅᑐᓂ ᑕᒪᐅᙵ.

ᐊᑕᐅᑦᑎᒃᑯᑦ, ᐆᓇᔪᒃᐸᓪᓕᐊᓕᕐᓂᖓ ᓯᓚᐅᑉ ᐊᓯᔾᔩᕙᓪᓕᐊᔪᖅ ᐅᑭᐅᖅᑕᖅᑐᒥ ᓂᕆᖃᑦᑕᐅᑎᔪᓂ ᓇᐅᒃᑯᓕᒫᖅ, ᒥᑭᓂᖅᐹᓂ ᐃᒪᕐᒥᐅᑕᐃᑦ ᐱᕈᖅᑐᑦ ᐊᑦᑕᑎᖃᙱᑦᑐᓂ ᐆᒐᖅᑐᓲᖑᔪᓂ, ᓇᓄᕐᓄᑦ ᐃᖃᓗᒃᑐᓲᖑᔪᓄᑦ. ᐊᑐᓗᐊᖅᑕᐃᓕᒪᓂᕐᒧᑦ ᐊᒃᓱᕉᑕᐅᔪᑦ ᓱᖏᐅᑎᔪᓐᓇᖅᑐᒥ ᐅᑭᐅᖅᑕᖅᑐᒥ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ. ᐆᒪᑦᑎᐊᕆᑦᑐᒥ ᐃᒪᕐᒥᐅᑕᓂᑦ ᐊᕙᑎᒥ ᐱᒻᒪᕆᐅᔪᖅ ᓄᓇᖃᖅᑐᑐᖃᕐᓄᑦ ᐳᐃᔨᓂ ᐊᒻᒪ ᐃᖃᓗᖕᓂ ᓂᕿᒃᓴᖃᑦᑎᐊᖅᐸᒃᑐᓄᑦ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᐅᑭᐅᖅᑕᖅᑐᒥ ᐃᖃᓗᐃᑦ ᓂᕆᖃᑦᑕᐅᑎᕙᒃᑐᓂ ᑕᑯᒃᓴᐅᑎᑦᑎᔪᖅ ᐆᒪᓂᐅᔪᖅ ᐊᐅᓚᓂᖓ ᐅᑭᐅᖅᑕᖅᑐᒥ ᐃᒪᕐᒥᐅᑕᓂᑦ ᐊᒻᒪ ᑰᖕᓄᑦ ᐅᑎᓲᓄᑦ ᕿᑐᙱᐅᕆᐊᖅᑐᖅᖢᑎᒃ ᐃᖃᓗᐃᑦ ᐊᔾᔨᒌᙱᑦᑐᑦ ᐊᒻᒪ ᖃᓄᖅ ᐊᑐᓂ ᐆᒪᔪᐃᑦ ᐊᔾᔨᒌᖕᓂᖏᑦᑐᑦ ᑲᓲᒪᖃᑦᑕᐅᑎᒻᒪᖔᑦ.

ᐃᓄᐃᑦ ᐊᒻᒪ ᐊᕙᑎ

ᓄᓇᖃᖅᑐᑐᖃᐃᑦ 85-ᐳᓴᓐᑎᒥ ᐃᓄᖁᑎᒋᔭᐅᔪᑦ 60,000 ᐃᓄᖕᓂ ᑲᓇᑕᐅᑉ ᓯᒡᔭᖅᐸᓯᖓᓂ ᐅᑭᐅᖅᑕᖅᑐᕐᒥᐅᑕᐅᔪᓂ. ᐃᓄᐃᑦ ᑕᒫᓂᕐᒥᐅᑕᐃ, ᖃᐅᔨᒪᔭᐅᓪᓗᓂ ᐃᓄᐃᑦ ᓄᓇᖓᓂ, ᐊᖑᓇᓱᒃᐸᒃᑐᑦ, ᐃᖃᓗᒐᓱᒃᐸᒃᑐᑦ, ᐊᒻᒪ ᐱᓇᓱᒃᐸᒃᖢᑎᒃ ᓄᓇᒥᓪᓗ ᑕᕆᐅᕐᒥᓪᓗ. ᐱᔾᔪᑕᐅᓪᓗᓂ ᐅᓪᓗᒥᓯᐅᑏᑦ ᓄᓇᑖᓂᕐᒧᑦ ᐊᖏᕈᑎᑦ, ᓄᓇᖃᖅᑐᑐᖃᐃᑦ ᐊᐅᓚᑦᑎᖃᑕᐅᓲᑦ ᓄᓇᓕᖓᑕ ᑮᓇᐅᔾᔭᒃᓴᐅᑎᖏᓐᓂ ᐊᒻᒪ ᓄᓇᒥᙶᖅᑐᓂ ᐃᑲᔪᕈᑎᒃᓴᐅᔪᓂᑦ. ᑭᓯᐊᓂ ᓯᑯᐃᖅᐸᓪᓕᐊᓕᖅᑎᓪᓗᒍ ᓴᓇᕕᐊᓗᐃᑦ ᐊᑐᐃᓐᓇᖃᕐᕕᐅᓕᖅᑎᓪᓗᒋᑦ ᐅᑭᐅᖅᑕᖅᑐᒥ, ᐅᓯᑲᑦᑕᓂᕐᒧᑦ ᑕᐃᑰᓇ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓᓂ ᐅᔭᕋᓐᓂᐊᕐᓂᕐᒧᑦ ᐊᒻᒪ ᑭᓂᖅᑐᓂ ᐱᕙᓪᓕᐊᑎᑦᑎᓂᕐᒧᑦ, ᐊᑐᓗᐊᖅᑕᐃᓕᒪᓂᕐᒧᑦ ᖃᓄᐃᓕᐅᕈᑎᓂ ᐋᖅᑭᒃᓯᔭᕆᐊᓖᑦ ᓴᐳᔾᔨᓂᕐᒧᑦ ᐃᒪᕐᒥᐅᑕᓂᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐊᒃᓱᕈᒃᑲᓐᓂᖁᓇᒋᑦ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᓄᓇᙳᐊᖑᔪᖅ ᐃᓄᐃᑦ ᓄᓇᖓᓂ, ᐃᓄᐃᑦ ᓄᓇᖁᑎᒋᔭᖓ ᑲᓇᑕᒥ.

image is described by the caption

ᖃᒧᑏᒃ ᐊᑐᖅᑕᐅᔪᑦ ᐅᓯᓂᕐᒧᑦ ᐃᓄᖕᓂ ᓱᓇᒃᑯᑖᓂᓪᓗ.

ᓴᖅᑭᔮᕐᓂᖓ ᑕᕆᐅᕐᔪᐊᓕᕆᓂᖅ

ᐅᑭᐅᖅᑕᖅᑑᑉ ᑕᕆᐅᕐᔪᐊᖓ ᐊᑐᐃᓐᓇᐅᑎᑦᑎᔪᖅ ᓇᔪᖅᑕᐅᔪᓄᑦ ᐆᒪᔪᓄᑦ ᐃᒪᕐᒥᐅᑕᓂᑦ ᐆᒪᔪᓄᑦ, ᓂᕐᔪᑎᓂ ᐃᖃᓗᖕᓄ ᐅᒪᔪᕋᓛᓄᑦ ᑕᑯᒃᓴᐅᖏᑦᑐᓂ ᓂᕆᖃᑦᑕᐅᑎᔪᓂ ᐊᓪᓕᖅᐹᖓᓃᑦᑐᓂ. ᐅᓄᖅᑐᑦ ᐃᑉᐱᒋᔭᐅᔪᑦ ᐊᒃᑐᐃᓂᓖᑦ ᑖᔅᓱᒥᖓ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ, ᑖᒃᑯᐊᓗ ᐃᒪᐅᑉ ᐆᓇᕐᓂᖓ, ᑎᕆᐅᖅᑐᓂᖓ, ᐃᑎᓂᖓ, ᒪᓖᑦ, ᐅᓕᓐᓃᑦ ᑎᓂᓐᓃᑦ, ᐊᒻᒪ ᓯᑯᖃᕐᓂᖓ ᐅᕝᕙᓘᓐᓃᑦ ᓯᑯᖃᙱᓐᓂᖓ, ᐃᖅᑲᐅᑉ ᑭᓱᖃᕐᓂᖓ ᐊᒻᒪ ᐃᖅᑲᙳᐊᓕᕆᓂᖅ. ᑖᓐᓇ ᐃᓚᖓ ᓇᓗᓇᐃᕆᕗᖅ ᑭᓱᑦ ᐊᒃᑐᐃᓂᖃᕐᒪᖔᑦ ᓱᒻᒪᓪᓗ ᐱᒻᒪᕆᐅᒻᒪᖔᑦ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᓄᓇᙳᐊᖅ ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᖅᑲᖓᓂ ᑐᙵᕕᖃᖅᑐᖅ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ ᐆᒃᑐᕋᐃᓂᖓᓂ ᐃᒪᐅᑉ ᐃᑎᓂᖓᓂ ᓇᓗᓇᐃᔭᖅᓯᒪᔪᓂ ᑕᕆᐅᕐᔪᐊᓂ (GEBCO).  

ᓂᕆᖃᑦᑕᐃᑎᔪᑦ ᐊᓪᓕᖅᐹᖓ

ᐆᒪᔪᐃᑦ ᐊᔾᔨᒌᖕᓂᖏᑦ ᑐᙵᕕᒋᔭᐅᔪᑦ ᐃᒪᕐᒥᐅᑕᓂᑦ ᓂᕆᖃᑦᑕᐅᑎᔪᓂ ᐊᒻᒪ ᓴᖅᑮᓲᑦ ᐱᒻᒪᕆᐅᔪᒥ ᐃᖅᑲᕐᒥ ᓇᔪᖅᑕᐅᔪᓄᑦ ᐆᒪᔪᓄᑦ ᐃᓚᖃᖅᑐᖅ ᑕᒪᒃᑯᓂᖓ ᐃᒪᕐᒥᐅᑕᐃᑦ ᐱᕈᖅᑐᑦ ᐊᑦᑕᑎᖃᙱᑦᑐᑦ, ᖁᐱᕐᕈᐊᕐᔪᐃᑦ ᐃᒪᕐᒥᐅᑕᐃᑦ, ᐃᖂᑕᐅᔭᐃᑦ, ᑎᓯᔪᑦ ᑯᒪᐅᔭᐃᑦ ᑲᑎᓯᒪᔪᑦ, ᐊᕿᑦᑐᑦ ᑯᒪᐅᔭᐃᑦ ᑲᑎᓯᒪᔪᑦ ᐊᒻᒪ ᐱᕈᖅᑑᕐᔫᔮᖅᑐᓂ. ᑕᒪᕐᒥ ᐱᒻᒪᕆᐅᔪᓂ ᐊᑐᕐᓂᖃᐅᖅᑐᑦ ᐆᒪᔪᓂᑦ ᓴᖅᑮᒃᑲᓐᓂᓂᕐᒧᑦ. ᐅᑭᐅᖅᑕᖅᑐᖅ ᐆᓇᔪᒃᓯᕙᓪᓕᐊᑎᓪᓗᒍ, ᑖᒃᑯᐊ ᐆᒪᔪᐃᑦ ᐊᔾᔨᒌᖕᓂᖏᑦ ᐊᒃᑐᖅᑕᐅᓴᕋᐃᑦᑐᑦ ᐆᓇᔪᖕᓂᖓᑕ ᐊᓯᔾᔨᕐᓂᖓᓄᑦ, ᑎᕆᐅᑉ ᑎᕆᐅᖅᑯᖅᑐᓂᖓᓄᑦ ᐊᒻᒪ ᐆᒪᑦᑎᐊᕆᓐᓇᖅᑐᓂ ᓄᓇᒥᙶᖅᑐᓂ ᐊᒻᒪ ᓂᐅᕐᕈᑎᖃᕐᓂᕐᒧᑦ ᐃᖅᑲᖓᓂ ᐃᖃᓗᒐᓱᖕᓂᐅᔪᒥ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᒃᑯᐊ ᑲᑎᙵᐅᖅᑐᑦ ᓄᓇᙳᐊᑦ ᑕᑯᒃᓴᐅᑎᑦᑎᔪᑦ ᑕᖅᑭᑕᒫᑦ ᖃᓄᑎᒋ ᐳᕈᖅᑐᑦ ᐳᕈᕈᑖᓂ ᐃᓚᖃᕐᒪᖔᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑐᙵᕕᖃᕐᓗᑎ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᔾᔨᓕᐅᖅᑕᐅᔪᓂ ᑕᐃᑲᙵ NASA ᑕᕆᐅᕐᔪᐊᕐᒥ ᐆᒻᒪᔪᓂ ᐱᕙᓪᓕᐊᑎᑦᑎᓲᓂ ᐱᓕᕆᔨᐅᖃᑎᒌᖑᔪᓂ ᑕᕆᐅᕐᔪᐊᑉ ᑕᖅᓴᖏᓐᓂ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ.

image is described by the caption

ᐃᒪᕐᒥᐅᑕᐃᑦ ᐱᕈᖅᑐᑦ ᐊᑦᑕᑎᖃᙱᑦᑐᑦ ᑐᙵᕕᐅᔪᑦ ᑕᕆᐅᕐᔪᐊᕐᒥ ᓂᕆᖃᑦᑕᐅᑎᕙᒃᑐᓂ.

ᐃᒪᕐᒥᐅᑕᑦ ᐊᒻᒪ ᑰᖕᓄᑦ ᐅᑎᓲᓄᑦ ᕿᑐᙱᐅᕆᐊᖅᑐᖅᖢᑎᒃ ᐃᖃᓗᐃᑦ ᐅᑭᐅᖅᑕᖅᑐᒥ

ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᒪᖏᑦ ᐊᖏᕐᕋᕆᔭᐅᔪᑦ 222-ᓄᑦ ᐃᖃᓗᖕᓄ ᐆᒪᔪᐃᑦ ᐊᔾᔨᒌᖕᓂᖏᓐᓄᑦ, ᐃᓚᖃᖅᖢᓂ 20-ᓂ ᑰᖕᓄᑦ ᐅᑎᓲᓄᑦ ᕿᑐᙱᐅᕆᐊᖅᑐᖅᖢᑎᒃ, ᐅᕝᕙᓘᓐᓃᑦ ᐅᑎᖅᑕᖅᐸᒃᑐᑦ ᐃᒪᑦᑎᐊᕙᖕᒥ ᑕᕆᐅᕐᒧᑦ. ᐃᖃᓗᐃᑦ ᐱᒻᒪᕆᐅᖃᑕᐅᔪᑦ ᓂᕿᒃᓴᕆᔭᐅᓪᓗᑎ ᑎᖕᒥᐊᓄᑦ ᐆᒪᔪᓄᓪᓗ. ᐃᓄᐃᑦ ᓄᓇᓕᖏᑦ ᐃᖃᓗᒐᓱᒃᐸᑐᑦ ᓂᕿᒃᓴᕐᒧᑦ ᐊᒻᒪ ᐃᖃᓗᒐᓱᓐᓂᕐᒧᑦ. ᑭᓯᐊᓂ ᑕᕆᐅᑉ ᓯᑯᐃᕙᓪᓕᐊᓕᕐᓂᖓ ᐊᒻᒪ ᐃᒪᐃᑦ ᐆᓇᔪᓕᕐᓂᖏᑦ ᐊᓯᔾᔩᕙᓪᓕᐊᓕᖅᑐᑦ ᐃᒪᕐᒥᐅᑕᓂᑦ ᓇᔪᖅᑕᐅᔪᓄᑦ ᐆᒪᔪᓄᑦ, ᑖᒃᑯᐊ ᐃᖃᓗᒐᓱᒡᕕᐊᓗᐃᑦ ᐊᒻᒪ ᐅᓄᕐᓂᖅᓴᐅᓕᖅᖢᑎ ᐱᒻᒪᕆᐅᔪᑦ ᐃᖃᓗᒐᓱᖕᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᑦ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᓄᓇᙳᐊᖅ ᑕᑯᒃᓴᐅᑎᑦᑎᔪᖅ ᐃᒡᓕᒐᑦ ᓇᒦᒋᐊᒃᓴᖏᓐᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐃᓚᖃᖅᑐᓂᓗ ᐃᒡᓕᒐᑦ ᓇᒥ ᖃᐅᔨᓴᖅᑕᐅᓂᑰᖕᒪᖔᑦ. ᐃᓂᒋᔭᐅᔪᑦ ᓇᓗᓇᐃᒃᑯᑕᖃᙱᑦᑐᖅ ᑕᑯᒃᓴᐅᑎᑦᑎᔪᑦ ᐊᒥᒐᕐᓂᖏᓐᓂ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ ᑭᓯᐊᓂ ᐆᒪᔪᐃᑦ ᐊᔾᔨᒌᖕᓂᖏᓐᓂᖏᑦ ᐱᑕᖃᑐᐃᓐᓇᕆᐊᖃᕐᒥᔪᑦ.

image is described by the caption

ᑕᕆᐅᑉ ᓯᑯᐊ ᐱᒻᒪᕆᐅᔪᖅ ᓇᔪᖅᑕᐅᔪᓄᑦ ᐆᒪᔪᓄᑦ ᑎᕿᓐᓂᖅᓴᓄᑦ ᐆᒐᕐᓄᑦ, ᐊᑐᐃᓐᓇᐅᑎᑦᑎᓲᑦ ᓂᕿᓂ (ᓲᕐᓗ ᑕᕆᐅᕐᒥ ᐆᔭᐅᔭᕐᓂ) ᐊᒻᒪ ᓴᐳᔾᔨᕙᒃᑐᑦ ᓂᕆᔭᐅᓇᓱᓐᓂᕐᒧᑦ.

image is described by the caption

ᑖᓐᓇ ᐊᔾᔨᙳᐊᖅ ᓴᖅᑭᔮᖅᑎᑦᑎᔪᖅ ᐊᔾᔨᒌᙱᑦᑐᓂ ᐆᒪᓂᐅᔪᓂᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᒪᖏᓐᓂ, ᒥᑭᑦᑑᑎᓂ ᐃᒪᕐᒥᐅᑕᐃᑦ ᐱᕈᖅᑐᑦ ᐊᑦᑕᑎᖃᙱᑦᑐᓂ ᐊᖏᔫᑎᓄᑦ ᐊᕐᕕᓄ ᑕᐃᒃᑯᓄᖓ ᐃᒪᕐᒥ ᐊᖑᓇᓱᒃᐸᒃᑐᓂ ᐊᒻᒪ ᓂᕿᒃᓴᖅᓯᐅᖅᐸᒃᑐᓂ.

ᓯᒡᔭᖅᐸᓯᖓᓂ ᐊᒻᒪ ᐃᒪᕐᒥᐅᑕᑦ ᑎᖕᒥᐊᑦ ᐅᑭᐅᖅᑕᖅᑐᒥ

ᐃᒪᕐᒥᐅᑕᑦ ᑎᖕᒥᐊᑦ ᓇᓗᓇᐃᒃᑯᑕᐅᕗᑦ ᖃᓄᐃᙱᑦᑎᐊᕐᓂᖏᓐᓄᑦ ᐅᑭᐅᖅᑕᖅᑐᒥ ᐃᒪᕐᒥᐅᑕᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ, ᑕᑯᒃᓴᐅᑎᑦᑎᔪᑦ ᐊᓯᔾᔨᕐᓂᐅᔪᓂ ᓂᕆᖃᑦᑕᐅᑎᔪᓂ, ᓂᕆᓇᓱᒃᐸᒃᑐᑦ ᓇᒦᓐᓂᖏᓐᓂ ᐊᒻᒪ ᓱᕈᓐᓇᖅᑐᑦ ᑲᑎᑉᐸᓪᓕᐊᓂᖏᓐᓂ. ᐃᓕᖅᑯᓯᕐᒧᑦ ᐱᒻᒪᕆᐅᒋᔭᐅᔪᑦ ᓄᓇᖃᖅᑐᑐᖃᕐᓄᑦ ᐊᒻᒪ ᐱᒻᒪᕆᐅᒋᔭᐅᔪᑦ ᓂᕆᔭᒃᓴᑦᑎᐊᕙᐅᓂᖏᓐᓄᑦ. ᑭᓯᐊᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐅᓗᕆᐊᓇᖅᑐᒦᑎᑦᑎᔪᖅ ᐅᑭᐅᖅᑕᖅᑐᒥ−ᕿᑐᕐᖏᐅᖅᐸᒃᑐᓂ ᑎᖕᒥᐊᓂ ᓇᔪᖅᑕᐅᔪᓄᑦ ᐆᒪᔪᓄᑦ ᐊᓯᐅᔨᕙᓪᓕᐊᓂᖏᓐᓂ ᐊᒻᒪ ᑕᕆᐅᑉ ᑕᕆᐅᖅᑯᖅᑐᓕᖅᐸᓪᓕᐊᓂᖓᓄᑦ, ᐅᓄᕐᓂᐊᖅᓴᐅᓪᓗᑎᓗ ᓂᕆᓇᓱᒃᐸᒃᑐᑦ ᐆᒪᔪᓂᑦ, ᓯᓚᐅᑉ ᖃᓄᐃᑦᑑᓂᖓ ᐊᓯᔾᔨᕐᔪᐊᓕᖅᖢᓂ ᐊᒻᒪ ᒪᑉᐱᖓᓕᖅᑎᑦᑎᔪᖅ ᓂᐅᕐᕈᑎᖃᕐᓂᕐᒧᑦ ᖃᓄᐃᓕᐅᕐᓂᐅᔪᓄᑦ ᓱᕈᐃᕙᓪᓕᐊᕈᓐᓇᖅᑐᓂ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᓄᓇᙳᐊᖅ ᑕᑯᒃᓴᐅᑎᑦᑎᔪᖅ ᓇᔪᖅᑕᐅᔪᓄᑦ ᐆᒪᔪᓄᑦ ᐃᓂᒋᔭᐅᔪᓂᑦ ᐊᒻᒪ ᐱᒻᒪᕆᐅᔪᓂ ᑎᖕᒥᐊᖃᕐᕕᖕᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ.

image is described by the caption

ᓇᐅᔭᖅ ᖃᖓᑕᔪᖅ ᓯᓈᖓᓂ.

ᐳᐃᔩᑦ ᐅᑭᐅᖅᑕᖅᑐᒥ

ᑲᓇᑕᐅᑉ ᐅᑭᐅᖅᑕᖅᑐᖓᑕ 21 ᐆᒪᔪᐃᑦ ᐊᔾᔨᒌᖕᓂᖏᑦ ᐳᐃᔨᐅᔪᑦ ᐱᒻᒪᕆᐅᔪᒥ ᐊᑐᕐᓂᖃᖅᑐᑦ ᓇᒥᓕᒫᖅ ᓂᕆᖃᑦᑕᐅᑎᔪᓂᑦ, ᖁᑦᑎᓂᖅᐹᒦᓐᓂᕐᒧᑦ ᓂᕆᕙᒃᑐᓂ ᐊᓯᖏᓐ ᐳᐃᔨᓂ ᐊᒻᒪ ᐃᖃᓗᖕᓂ, ᒥᑭᑦᑐᓂᑦ ᓂᕆᖃᑦᑕᓂᕐᒧᑦ ᑕᖏᖃᖅᑰᔨᖏᑦᑐᓂ. ᐊᖑᓇᓱᒃᑕᐅᓲᑦ ᐊᕐᕌᒍᓕᒫᖅ, ᐳᐃᔩᑦ ᐱᒻᒪᕆᐅᖃᑕᐅᔪᑦ ᓂᕆᔭᐅᖏᓐᓇᐅᔭᖅᑐᓂ ᐊᒻᒪ ᐃᓕᖅᑯᓯᕐᒧᑦ ᐱᒻᒪᕆᐅᒋᔭᐅᔪᑦ ᓄᓇᖃᖅᑐᑐᖃᕐᓄᑦ. ᑭᓯᐊᓂ ᑕᕆᐅᑉ ᓯᑯᖃᕈᓐᓃᖅᐸᓪᓕᐊᓂᖓ ᒥᒃᖠᒋᐊᖅᓯᒪᔪᖅ ᓇᔪᖅᑕᐅᔪᓄᑦ ᐆᒪᔪᓄᑦ ᐊᒻᒪ ᓄᑖᓂ ᐅᓗᕆᐊᓇᕈᑎᓂ ᓴᖅᑮᓯᒪᓪᓗᓂ, ᓂᐱᖃᓗᐊᕐᓂᕐᒧᑦ ᑭᓂᖅᑐᑦ ᑯᕕᓂᑯᖏᓐᓄᑦ ᐊᒻᒪ ᐅᒥᐊᕐᔪᐊᑦ ᑐᓗᖃᑦᑕᕐᓂᖏᑦ ᐊᒻᒪ ᐊᓯᖏᓐᓂ ᐅᓚᕕᓴᐅᑎᓂ.

ᕿᒥᕐᕈᐊᕆᑦ PDF ᑖᔅᓱᒧᖓ ᓇᒡᒍᕐᒧ »

image is described by the caption

ᑖᓐᓇ ᓄᓇᙳᐊᖅ ᑕᑯᒃᓴᐅᑎᑦᑎᔪᖅ ᐃᓂᒋᔭᐅᔪᓂ ᐳᐃᔨᓄᑦ, ᑖᒃᑯᐊᓗ ᐊᕐᕖᑦ, ᑑᒑᓖᑦ, ᐊᐃᕖᑦ ᐊᒻᒪ ᓇᑦᑏᑦ ᐅᓄᖅᑐᐊᓘᖃᑦᑕᕐᓂᖏᓐᓂ.

image is described by the caption

ᐊᕐᕕᒃ ᐳᐃᔪᖅ ᐊᑭᐊ ᖃᓂᒋᔮᓂ ᓯᕐᒥᓕᒃ ᒥᕐᖑᐃᖅᓯᕐᕕᖓᓂ, ᓄᓇᕗᒻᒥ.

image is described by the caption

ᑖᓐᓇ ᐅᑭᐅᖅᑕᖅᑐᒥ ᐳᐃᔩᑦ ᓂᕆᖃᑦᑕᐅᑎᕙᒃᑐᓂ ᑕᑯᒃᓴᐅᑎᑦᑎᔪᖅ ᐆᒪᓂᐅᔪᖅ ᐊᐅᓚᓂᖓ ᐃᒪᕐᒥᐅᑕᓂᑦ ᐳᐃᔨᓂ ᐊᒻᒪ ᖃᓄᖅ ᐊᑐᓂ ᐆᒪᔪᐃᑦ ᐊᔾᔨᒌᖕᓂᖏᑦᑐᑦ ᑲᓲᒪᖃᑦᑕᐅᑎᒻᒪᖔᑦ.

ᐃᑲᔪᕈᑎᒃᓴᖅ ᑭᒃᑯᓕᒫᓄᑦ

ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᓱᒪᔪᑦ ᑖᓐᓇ ᑲᓇᑕᐅᑉ ᐅᑭᐅᖅᑕᖅᑕᖓᓂ ᐃᒪᕐᒥᐅᑕᓂᑦ ᓄᓇᙳᐊᖅ ᐃᑲᔫᑎᒃᓴᑦᑎᐊᕙᐅᓗᓂ ᐊᒻᒪ ᑲᔪᖏᖅᓴᐅᑕᐅᓗᓂ ᐃᑲᔪᕐᓂᕐᒥᑦ ᓴᐳᔾᔨᓂᕐᒥ ᓄᓇᐅᑉ ᐃᒪᐅᓪᓗ ᖃᓄᐃᓐᓂᖓᓂ ᑖᕙᓂ ᓯᕗᓂᒃᓴᒥ ᑭᖑᕚᒃᓴᕆᔭᐅᔪᓄᑦ.

ᓄᓇᙳᐊᑉ ᒥᒃᓵᓄᑦ ᖃᐅᔨᒋᐊᒃᑲᓐᓂᕆᑦ ᐅᕙᓂ ᐱᕙᓪᓕᐊᔪᑦ ᓴᖅᑭᑕᐅᔪᓂ ᐊᒻᒪ ᑎᑎᕋᖅᑕᐅᕙᓪᓕᐊᔪᓂᑦ ᓴᖅᑭᑕᐅᔪᓂ.

ᕿᒥᕐᕈᐊᕆᑦ PDF ᑕᒪᐃᓐᓂ ᓄᓇᙳᐊᒧᑦ »