ᐅᐱᕐᖓᒃᓵᑕᒫᑦ ᑕᐃᒪᙵᓂ 2016-ᒥ, ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᓕᓯᖃᑦᑕᖅᓯᒪᔪᑦ ᒪᕐᕉᖕᓂᒃ ᓱᒃᑲᓕᒋᐊᑎᑕᐅᓯᒪᔪᓂ ᐊᔾᔨᓕᐅᕈᑎᓂ ᐃᒐᕐᔪᐊᕐᒥ ᑕᓯᐅᔭᐅᑉ ᖁᓛᓂ, ᓄᓇᕗᒻᒥ, ᓇᐅᑦᑎᖅᓱᕐᓂᕐᒧᑦ ᑕᕆᐅᑉ ᓯᑯᖓᑕ ᖃᓄᐃᓐᓂᖓᓂ ᓯᑯᐃᓚᐅᙱᑎᓪᓗᒍ, ᓯᑯᐃᓕᖅᑎᓪᓗᒍ ᐊᒻᒪ ᓯᑯᐃᓯᒪᓕᖅᑎᓪᓗᒍ.

ᒫᓐᓇᐅᔪᖅ ᓯᑰᑉ ᖃᓄᐃᓕᖓᓂᖓ

ᐊᔾᔨᓕᐅᕈᑎᕗᑦ ᓴᖅᑭᔮᖅᑎᑦᑎᓲᑦ ᐊᔾᔨᙳᐊᓂ ᐃᕐᖐᓐᓇᖅ ᖃᓄᐃᑦᑑᓪᓚᑦᑖᓂᖓᓂ ᑕᕆᐅᑉ ᓯᑯᖓᑕ ᖃᓄᐃᓕᖓᓂᖓ ᓄᓇᓕᖕᒥᐅᓄᑦ ᐊᒻᒪ ᐃᑲᔪᓲᖑᓪᓗᓂ ᖃᐅᔨᓴᖅᑎᓂ ᖃᐅᔨᓴᖅᑎᓪᓗᒋᑦ ᓄᓇᒧᑦ ᐊᑕᔪᒥ ᓯᑯᒥᑦ ᓯᑯᐃᓂᕆᔭᖓᓂ, ᖃᐅᔨᓴᕐᓂᕐᒥᓪᓗ ᐊᒃᑐᐃᓂᐅᔪᓂ ᓯᑯᒥ ᓱᕋᑦᑎᕆᓂᕐᒥᑦ ᐊᒻᒪ ᐅᒥᐊᕐᔪᐊᒃᑰᖅᑎᑦᑎᓂᕐᒥᑦ ᐃᓂᒋᔭᐅᔪᒥ.

ᓯᓈᖓ ᖃᐅᔨᔭᐅᓂᖅᓴᐅᔪᒪᔪᖅ, ᑕᐃᑲᓂ ᐃᓂᐅᔪᒥ ᓄᓇᒧᑦ ᐊᑕᔪᒥ ᓯᑯ ᐊᒃᑐᐊᖕᒪᑦ ᐃᒪᕐᒧᑦ ᐊᒻᒪ ᐊᒃᓱᕐᔪᐊᕐᒪᕆᐊᓗᒃ ᐆᒪᔪᖃᕐᕕᐅᓪᓗᓂ. ᖃᐅᔨᓴᖅᓯᒪᔪᒍᑦ ᑕᐃᒪᙵᓂ 2015-ᒥ ᐊᔾᔨᒌᙱᑐᓂ ᐃᓂᓂ ᑕᓯᐅᔭᐅᑉ ᖃᓂᒋᔮᓂ ᐊᒻᒪ ᓯᓈᖓᓂ.

ᓄᑖᖑᓂᖅᐹᑦ ᐊᔾᔨᙳᐊᑦ

ᐊᔾᔨᓕᐅᕈᑏᑦ ᐋᖅᑭᒃᓯᓯᒪᔪᑦ ᐃᑲᕐᕋᑦ ᒪᕐᕉᒃ ᐊᓂᒍᕌᖓᑦ ᓇᒃᓯᐅᔾᔨᕙᒃᑐᑦ, ᖃᕋᓴᐅᔭᒃᑰᕈᑎ ᖃᓄᐃᓕᖓᓂᖓ ᐱᔾᔪᑕᐅᕙᒃᖢᓂ. ᐊᑖᓃᑦᑐᑦ ᐃᕐᖐᓐᓇᖅ ᓄᑖᙳᕆᐊᖅᑎᑕᐅᕙᒃᑐᑦ ᓄᐊᑕᐅᓯᒪᔪᑦ ᓄᑖᖑᓂᖅᐹᑦ 12 ᐊᔾᔨᙳᐊᑦ. ᐊᑯᓂᐊᓗᒃ ᐊᑯᓐᓂᖅᓱᒃᐸᒃᑐᑦ ᐊᔾᔨᙳᐊᓂ ᓇᒃᓯᐅᔾᔭᐅᑎᓐᓇᒋᑦ ᐃᓗᐃᑦᑑᓗᑎ ᐅᕝᕙᓘᓐᓃᑦ ᓇᒃᓯᐅᔾᔭᐅᙱᑦᑎᐊᒻᒪᕆᒃᑎᓪᓗᒋᑦ. ᐊᐳᑎᓗ ᓂᓚᓪᓗ ᐊᔾᔨᓕᐅᕈᑎᒥ ᐃᓛᓐᓂᒃᑯᑦ ᐊᔾᔨᙳᐊᑦᑎᐊᕙᐅᑎᑦᑎᖃᑦᑕᖏᑦᑐᑦ. ᐊᔾᔨᙳᐊᑦ ᑭᖑᓕᕇᒃᑐᑦ ᓴᐅᒥᐊᓂ ᑕᓕᖅᐱᐊᓄᑦ, ᓄᑖᖑᓂᐹᑦ ᓴᐅᒥᖓᓃᑦᑐᑦ.

ᓄᑖᖑᓂᖅᐹᑦ ᐊᔾᔨᙳᐊᑦ ᐱᐅᔪᓐᓃᖅᑎᑕᐅᓯᒪᑎᓪᓗᒋᑦ ᓯᓚ ᐱᔾᔪᑎᒋᓪᓗᒍ, ᑕᐅᓄᖓᕐᓗᑎ ᒪᑉᐱᖅᑐᒐᐅᑉ ᐃᓱᐊᓄᑦ ᑕᑯᓂᐊᕐᓗᒍ ᐊᔾᔨᓕᐅᕈᑎᐅᑉ ᑕᑯᒃᓴᐅᑎᑕᖓᓂ ᓯᓚᖅᑭᑎᓪᓗᒍ.

Time-Lapse Video

For the 2018 field season, our cameras ran from June 1st to September 19th before powering down in the face of extreme weather and limited daylight. Below is a time-lapse video created from images taken by our FloeCam during that period.

ᐊᔾᔨᓕᐅᕈᑏᑦ ᖃᓄᖅ ᐊᐅᓚᓲᖑᒻᒪᖔᑦ

ᓱᒃᑲᓕᒋᐊᑎᑕᐅᓯᒪᔪᑦ ᐊᔾᔨᓕᐅᕈᑏᑦ ᐊᔾᔨᓕᐅᕆᓲᑦ ᓯᓈᖓᓂ ᐊᒻᒪ ᑕᓯᐅᔭᕐᒥᑦ ᐃᑲᕐᕋᑦ ᒪᕐᕉᒃ ᐊᓂᒍᕌᖓᑦ.

ᐊᑐᓂ ᐊᔾᔨᓕᐅᕈᑎᒧᑦ ᐊᐅᓚᔪᓐᓇᐅᑎᑦ ᐃᓚᖃᖅᑐᖅ ᓯᓚᒧᑦ ᖃᓄᐃᔾᔭᐃᒃᑯᑎᒥ ᐊᔾᔨᓕᐅᕈᑎᒃᑯᕕᐅᓪᓗᑎ, ᓱᒃᑲᓕᒋᐊᑎᑦᑎᓂᕐᒧᑦ ᐊᐅᓚᐅᑎᓂ ᐊᒻᒪ ᓴᙱᔪᓂ ᐹᑕᓖᓂ, ᑕᒪᐃᓐᓂ ᐆᒻᒪᒃᓴᖅᑕᐅᓲᑦ 20-ᐅᐊᑦᓂᒃ ᓴᙱᓂᖃᖅᑐᓂ ᓯᕿᓂᕐᒧᑦ ᐆᒻᒪᒃᓴᐅᑎᓄᑦ.

ᐊᔾᔨᙳᐊᑦ ᓇᒃᓯᐅᔾᔨᓲᑦ ᐊᔾᔨᙳᐊᓂ ᑕᕆᐅᕐᔪᐊᓕᕆᔨᒃᑯᓐᓄ ᐅᑭᐅᖅᑕᖅᑐᒥ ᐅᖄᓚᐅᑎᕋᓛᓄᑦ ᖃᕋᓴᐅᔭᒃᑰᕈᑎᒃᑯᑦ ᐊᑐᖅᑐᑎ ᖃᕋᓴᐅᔭᕐᒧᑦ (USB) ᐅᖄᓚᐅᑎᕋᓛᓄᑦ ᑐᖅᑯᖅᑕᐅᓯᒪᔪᒃᑯᕕᖕᓂ. ᑕᐃᒫᒃ ᐱᕕᖃᖅᑎᑦᑎᓲᖅ ᐊᔾᔨᙳᐊᑦ ᑕᑯᔭᐅᔪᓐᓇᕐᓂᐊᕐᒪᑕ ᐃᕐᖐᓐᓇᖅ ᓄᓇᓕᐅᔪᒥ ᒥᑦᑎᒪᑕᓕᖕᒥ, ᖃᐅᔨᓴᖅᑎᓄᑦ ᐊᒻᒪ ᐅᑭᐅᖅᑕᖅᑐᒥ ᖃᐅᔨᕚᓪᓕᕈᒪᔪᓄᑦ. ᐊᔾᔨᙳᐊᑦ ᓴᖅᑭᔮᖅᑐᑦ ᑕᒡᕙᓂ ᐃᑭᐊᖅᑭᕕᖕᒥ ᐊᒻᒪ ᑕᕐᕆᔭᐅᑎᒃᑯᑦ ᐊᑦᑐᖅᑕᐅᔪᓐᓇᖅᑐᒧᑦ ᑕᐃᑲᓂ ᓇᑦᑎᓇᒃ ᐳᓚᕋᕐᕕᖓᓂ ᒥᑦᑎᒪᑕᓕᖕᒥ. ᐱᓕᕆᐊᕆᔭᕗᑦ ᑲᔪᓯᑎᑕᐅᕙᒃᑐᖅ ᐃᑲᔪᖅᑕᐅᓪᓗᑕ ᐊᖑᓇᓱᒃᑎᓄᑦ ᐊᓯᖏᓐᓄᓪᓗ ᒥᑦᑎᒪᑕᓕᖕᒥ ᐊᒻᒪ ᐱᔪᓐᓇᖅᑎᑕᐅᓯᒪᔪᖅ ᓄᓇᕗᒻᒥ ᖃᐅᔨᓴᕐᕕᖕᒧᑦ.

ᐅᖓᓯᒃᑐᒥ ᐱᓕᕆᐊᖃᖅᑎᓪᓗᑕ ᐊᒃᓱᕈᓐᓇᖃᑦᑕᕐᒥᔪᖅ. ᐊᔾᔨᙳᐊᑦ ᓱᓇᒃᑯᑖᖏᑦ ᐊᒃᓱᕈᖃᑦᑕᖅᑐᑦ ᓯᓚᐅᑉ ᖃᓄᐃᓕᖓᓂᖓᓄᑦ ᐃᒐᓚᐅᔭᖏᑦ ᖁᐊᖃᑦᑕᖅᑐᑦ, ᐊᒻᒪ ᐊᔾᔨᙳᐊᑦ ᓇᒃᓯᐅᔾᔭᐅᓂᖏᑦ ᐃᓛᓐᓂᒃᑯᑦ ᐱᔭᕇᖃᑦᑕᖏᑦᑐᑦ ᐅᕝᕙᓘᓐᓃᑦ ᐊᓯᐅᔨᔭᐅᓲᑦ ᐅᖄᓚᐅᑎᕋᓛᒃᑯᑦ ᑲᓲᒪᑦᑎᐊᖏᓐᓂᕐᒧᑦ. ᐊᐃᑦᑖᖑᒐᓗᐊᖅ ᐃᓕᔭᐅᓂᖓᑕ ᐃᓂᖓ ᐅᖓᓯᓗᐊᕐᒪ ᐋᖅᑭᐅᒪᑎᑦᑏᓐᓇᐅᔭᓂᕐᒧᑦ ᐊᐅᓚᔪᓐᓇᐅᑎᖏᓐᓄᑦ, ᐅᐸᒃᑕᐅᕙᒃᑑᒐᓗᐊᑦ ᐅᐱᕐᖓᒃᓵᒃᑯᑦ ᐅᑭᐊᒃᓵᒃᑯᓪᓗ.

ᐊᔾᔨᓕᐅᕈᑏᑦ ᐋᖅᑭᒃᓯᒪᓂᖏᑦ

ᒪᕐᕉᒃ ᐊᔾᔨᓕᐅᕈᑏᒃ, ᑕᒡᕙᓂ ᑕᑯᔭᐅᔫᒃ ᐋᖅᑭᒃᓯᒪᔪᑦ ᐃᒐᕐᔪᐊᕐᒥ, ᓵᖓᔫᒃ ᑕᓯᐅᔭᕐᒧᑦ ᐱᖓᓐᓇᖓᓄᑦ ᐊᒻᒪ ᓯᓈᖓᓄᑦ ᑲᓇᖕᓇᒥ.

ᐋᖅᑭᒃᓯᓂᕐᒥᑦ ᐊᔾᔨᓕᐅᕈᑎᓂ ᐊᒃᓱᕈᕐᓇᖅᑐᖅ ᑭᓱᑐᐃᓐᓇᐃᑦ ᐋᖅᑭᑦᑎᐊᖅᓯᒪᖁᒧᑦ. 20 ᐅᐊᑦᓂᒃ ᓴᙱᓂᖃᖅᑐᑦ ᓯᕿᓂᕐᒧᑦ ᐆᒻᒪᒃᓴᐅᑏᑦ ᐋᖅᑭᒃᓯᒪᔪᑦ ᐊᑐᓂ ᐊᔾᔨᓕᐅᕈᑏᑦ ᑐᙵᕕᖏᓐᓄᑦ ᐆᒻᒪᒃᓴᕐᓂᐊᖅᑐᑦ ᐊᐅᓚᔪᓐᓇᐅᑎᓂ ᐊᐅᔭᒃᑯᑦ ᐅᑭᐊᒃᓴᒧᑦ.

ᑖᓐᓇ ᓲᕐᓗ ᑎᖕᒥᐊᒧᑦ ᑕᐅᑐᒃᑕᐅᓪᓗᓂ ᑕᑯᒃᓴᐅᑎᑦᑎᔪᖅ ᐊᔾᔨᙳᐊᖅ ᐃᓂᒋᔭᖏᓐᓂ ᓄᓇᒧ ᓴᖅᑭᔮᖅᑐᒧᑦ.

ᓱᒃᑲᓕᒋᐊᑎᑦᑎᓂᕐᒧᑦ ᐊᔾᔨᓕᐅᕈᑎᑦ ᖄᖓᓃᑉᐸᓯᒃᑐᑦ ᐃᒐᕐᔪᐊᕐᒥ, 17 ᑭᓛᒥᑕᓂ ᐱᖓᓐᓇᖓᓂ ᒥᑦᑎᒪᑕᓕᐅᑉ. ᐊᔾᔨᓕᐅᕈᑎ ᐊᐃᑉᐸᖓ ᑐᕌᖓᔪᖅ ᑲᓇᖕᓇᒧᑦ ᓯᓈᖓ ᒥᒃᓵᓄᑦ, ᐊᐃᑉᐸᖓ ᐱᖓᓐᓇᖅᐸᓯᖕᒨᖓᔪᖅ (WNW), ᓵᖓᓪᓗᓂ ᑕᓯᐅᔭᐅᑉ ᑲᓇᖕᓇᖓᓄ. ᖁᖅᓱᖅᑕᑦ ᓇᓗᓇᐃᒃᑯᑕᑦ ᐊᒻᒪ ᑕᑯᒃᓴᐅᓗᐊᙱᑦᑐᑦ ᖃᑯᖅᑕᑦ ᐄᙳᐊᑦ ᓄᓇᙳᐊᒥ ᑕᑯᒃᓴᐅᑎᑦᑎᔪᑦ ᐊᔾᔨᓕᐅᕈᑎᐅᑉ ᓇᒦᒋᐊᒃᓴᖏᓐᓂ ᓇᒧ ᓵᖓᓂᖏᓐᓂ. (ᐊᔾᔨᙳᐊᖓ ᑐᓂᔭᐅᔪᖅ ᓄᓇᒥᙶᖅᑐᑦ ᑲᓇᑕᒥ)

ᐋᖅᑭᒃᓯᓂᕐᒥᑦ ᐊᔾᔨᓕᐅᕈᑎᓂ

ᐱᓕᕆᔨᕗᑦ ᐅᓯᖃᑦᑕᖅᑐᑦ ᓱᓇᒃᑯᑖᓂ ᐃᓂᒋᔭᐅᔪᓄᑦ ᖃᒧᑕᐅᔭᒃᑯᑦ ᐊᒻᒪ ᒥᓱᒃᖢᑎ ᒪᐃ ᐃᓱᐊᓂ ᐅᕝᕙᓘᓐᓃᑦ ᔫᓂ ᐱᒋᐊᓕᓵᕐᓂᖓᓂ. ᐅᑭᐊᒃᓵᒃᑯᑦ, ᐊᔾᔨᓕᐅᕈᑏᑦ ᐊᐃᔭᐅᒐᔪᓲᑦ ᐅᒥᐊᒃᑯᑦ ᐊᒻᒪ ᐱᓱᒃᖢᑎ. 2018-ᒥ, ᐊᔾᔨᓕᐅᕈᑏᑦ ᕿᒪᒃᑕᐅᓛᖅᑐᑦ ᐅᑭᐅᒃᑯᑦ ᐊᔾᔨᓕᐅᕆᔪᒪᓪᓗᑎ ᓄᓇᒧᑦ ᐊᑕᔪᒥ ᓯᑯᒥᑦ. ᓱᓇᒃᑯᑖᑦ ᖃᒥᓛᖅᑐᑦ ᐅᑭᐅᖅᑕᖅᑐᒥ ᖃᐅᒪᑯᑖᖃᑦᑕᕈᓐᓃᕈᓂ ᕚᑕᓖᖏᑦ ᐆᒻᒪᒃᓴᕈᓐᓃᖅᐸᑕ.

ᐋᖅᑭᒃᓯᓂᕐᒥᑦ ᐊᔾᔨᓕᐅᕈᑎᓂ ᐊᒃᓱᕈᕐᓇᖅᑐᖅ ᑭᓱᑐᐃᓐᓇᐃᑦ ᐋᖅᑭᑦᑎᐊᖅᓯᒪᖁᒧᑦ. 20 ᐅᐊᑦᓂᒃ ᓴᙱᓂᖃᖅᑐᑦ ᓯᕿᓂᕐᒧᑦ ᐆᒻᒪᒃᓴᐅᑏᑦ ᐋᖅᑭᒃᓯᒪᔪᑦ ᐊᑐᓂ ᐊᔾᔨᓕᐅᕈᑏᑦ ᑐᙵᕕᖏᓐᓄᑦ ᐆᒻᒪᒃᓴᕐᓂᐊᖅᑐᑦ ᐊᐅᓚᔪᓐᓇᐅᑎᓂ ᐊᐅᔭᒃᑯᑦ ᐅᑭᐊᒃᓴᒧᑦ.

ᓇᓗᓇᔭᖅᓯᒪᑦᑎᐊᖅᑐᒧᑦ ᐅᓂᒃᑳᒧᑦ ᐋᖅᑭᒃᓯᓂᕐᒧᑦ ᓂᐅᕐᕈᓂᑦᑎᓐᓂ 2018-ᒥ, ᑕᑯᒋᐊᕐᓗᒍ ᑎᑎᕋᖅᑕᐅᕙᓪᓕᐊᔪᑦ ᐅᓂᒃᑳᑦ.

ᖃᐅᔨᓴᕐᓂᕐᒧᑦ ᑲᑐᔾᔨᖃᑎᒋᔭᕗᑦ

ᑕᒪᓐᓇ ᖃᐅᔨᓴᕐᓂᖅ ᑲᔪᓯᑎᑕᐅᔪᖅ ᑲᑐᔾᔨᖃᑎᖃᖅᖢᑎᒃ ᓘᒃᑖᖅ ᑖᓂ ᑐᒫᑦᒥ ᑯᐊᐸᒃ ᕆᒪᐅᔅᑭ ᓯᓚᑦᑐᖅᓴᕐᕕᒡᔪᐊᖓᓂ. ᑐᒫᑦ ᑕᐱᖏᑦ ᖃᐅᔨᓴᖅᑐᓕᕆᓂᕐᒧᑦ ᖃᐅᔨᓴᕐᕕᖕᒥ ᕆᒪᐅᔅᑭᒥ (Institut des sciences de la mer de Rimouski, ISMER) ᐸᕐᓇᓯᒪᔪᑦ ᐊᔾᔨᙳᐊᓂ ᐊᑐᕐᓗᑎ ᖃᖓᑦᑕᖅᑎᑕᐅᓯᒪᔪᒥᓪᓗ ᐊᒻᒪ ᐊᕙᑎᓕᕆᓂᕐᒧᑦ ᑎᑎᖅᑲᓄᑦ ᖃᐅᔨᓴᕐᓂᕐᒧᑦ ᓄᓇᒧᑦ ᐊᑕᔪᒥ ᓯᑯᒥᑦ ᓴᕋᒃᑎᑉᐸᓐᓂᖓᓂ ᑖᕙᓂ ᐃᓂᒋᔭᐅᔪᒥ. ᖃᖓᙳᖅᐸ, ᑖᒃᑯᐊ ᑐᑭᓯᒋᐊᕈᑎᑦ ᐊᑐᖅᑕᐅᑦᑎᐊᕈᒪᔪᑦ ᓇᓚᐅᑦᑖᓂᕐᒧᑦ ᓯᑯᐃᖃᑦᑕᕐᓂᖓᓄ ᑖᕙᓂ, ᐅᐊᖕᓇᒃᐸᓯᒃᑲᓐᓂᖓᓂᓗ. ᖃᐅᔨᔭᐅᔪᑦ ᐅᖃᐅᓯᐅᓛᖅᑐᑦ ᓄᓇᓕᖕᒧᑦ ᐊᑐᐃᓐᓇᐅᓕᕈᑎ.

ᓯᓚᖅᑭᑎᓪᓗᒍ ᓴᖅᑭᔮᖅᑐᑦ ᐊᑐᓂ ᐊᔾᔨᓕᐅᕈᑎᒥ

ᓴᖅᑭᔮᖅᑐᖅ ᑕᓯᐅᔭᕐᒧᑦ ᓵᖓᔪᒧᑦ ᐊᔾᔨᓕᐅᕈᑎᒥ ᓯᓚᖅᑭᑎᓪᓗᒍ (ᔪᓂ 14, 2018).

ᓴᖅᑭᔮᖅᑐᖅ ᓯᓈᖓᓄᑦ ᓵᖓᔪᒧᑦ ᐊᔾᔨᓕᐅᕈᑎᒥ ᓯᓚᖅᑭᑎᓪᓗᒍ (ᔪᓂ 11, 2018).