ᐱᓕᕆᔨᕗᑦ

Louie Porta

ᐃᓱᒻᒥᖅᑐᐃᔨ

ᐱᓕᕆᓂᑰᒻᒪᕆᒃᖢᓂ ᐅᑭᐅᖅᑕᖅᑐᕐᒥᐅᑕᐅᓂᑰᓪᓗᓂᓗ ᑲᓇᑕᒥ, ᓗᐃ ᐳᐊᑕ ᐱᔨᑦᑎᖅᑐᖅ ᑐᑭᒧᐊᖅᑎᑦᑎᔨ ᑕᕆᐅᕐᔪᐊᓕᕆᓂᕐᒧᑦ ᐅᑭᐅᑕᖅᑐᒥ. ᓗᐃ ᑲᓇᑕᒥᐅᑕᐅᓪᓗᓂ ᐃᓚᒋᔭᐅᔪᖅ ᐊᒻᒪ ᐃᔅᓯᕙᐅᑕᖅ ᑲᑎᓐᖓᔪᓂᑦ ᐃᓄᓐᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓄᑦ, ᐅᖃᐅᔾᔨᒋᐊᖃᑦᑕᖅᑐᑦ ᓯᓚᕐᔪᐊᒥᑦ ᐱᓕᕆᔩᑦ ᐊᕙᑎᓕᕆᓂᕐᒧᑦ ᑯᐊᐳᕇᓴᓐ. ᑭᖑᓂᑦᑎᓐᓂ ᐱᔨᑦᑎᕋᓚᐅᖅᑐᑦ ᒪᓕᒐᓕᕆᓂᕐᒧᑦ ᐅᖃᐅᔾᔨᔨᐅᓪᓗᓂ ᒥᐊᓕ ᓴᐃᒪᓐᒧᑦ ᑎᒃᑯᐊᖅᑕᐅᓯᒪᑎᓪᓗᒍ ᒥᓂᔅᑕᐅᑉ ᑭᒡᒐᖅᑐᐃᔨᖓᓄᑦ ᐅᑭᐅᖅᑕᖅᑐᒧᑦ ᓯᕗᓕᖅᑎᐅᓂᕐᒧᑦ. ᓗᐃ ᒫᓐᓇᕈᓘᔪᔪᖅ ᑎᒃᑭᐊᖅᑕᐅᔪᔪᖅ ᑲᓇᑕᒥ ᐅᖃᐅᔾᔨᔨᐅᔪᓄᑦ ᐊᑐᓕᖁᔭᐅᔪᓂᒃ ᐋᖅᑭᒃᓱᐃᓲᓂᒃ ᑲᓇᑕ ᖃᓄᖅ ᑎᑭᐅᒪᑦᑎᐊᕈᓐᓇᕐᒪᖔᖅ ᓯᓚᕐᔪᐊᓕᒫᒥ ᐱᐅᖅᓱᐊᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ. ᐅᖃᐅᔾᔨᔨᐅᖕᒥᔪᖅ ᐃᓕᓐᓂᐊᖅᑏᑦ ᓯᑯᒦᑦᑐᑦ ᑲᑐᔾᔨᖃᑎᒌᓄᑦ,ᐊᖏᔪᖅᑳᖅ ᐱᓕᕆᔨ ᐅᑯᓄᖓ ᓯᓚᕐᔪᐊᒥᑦ ᐱᓕᕆᕕᒃ ᒪᒃᒪᑎᑕᔅᓴᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ, ᒐᕙᒪᓕᕆᔨᓄᑦ ᑲᑎᒪᔨᐅᖃᑕᐅᔪᖅ ᑕᕆᐅᕐᔪᐊᓕᕆᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᒌᒍᑎᓂᑦ ᐊᒻᒪ ᑲᑎᒪᔨᐅᖕᒥᔪᖅ ᖃᐅᔨᓴᖅᑏᑦ ᑲᑎᒪᔨᕋᓛᖏᓐᓄᑦ ᔨᓅᒻ ᑲᓇᑕ ᖃᐅᔨᓴᖅᑎᒃᑯᑦ ᐅᖅᓱᐊᓗᖕᒥᑦ ᑯᕕᔪᓂᒃ ᑲᒪᒋᔭᐅᔾᔪᓯᖏᓐᓂᒃ ᐅᑭᐅᖅᑕᖅᑐᒥ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᑖᓪᕼᐊᐅᓯᐅᑉ ᓯᓚᑦᑐᖅᓯᕐᕕᒡᔪᐊᖓᓐᓂ ᐱᔾᔪᑎᒃᓴᓄᑦ ᐊᒻᒪ ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ, ᕼᐊᓕᕚᒃᔅ, ᓅᕙ ᓯᑰᓯᐊᒥᐅᑕᐅᓪᓗᓂ, ᓂᓗᐊᖓᓗ ᕿᑐᕐᖓᖏᓪᓗ ᐱᖓᓱᑦ.

Trevor Taylor

ᐊᖓᔪᖅᑳᑉ ᑐᒡᓕᐊ, ᐱᐅᖅᓱᐊᕐᓂᕐᒧᑦ

ᐱᕈᐃᔭᐅᓂᑰᓪᓗᓂ ᒐᓄᔅ ᑰᕝ, ᓂᐅᕙᓐᓛᓐᒥ, ᑐᕋᕗ ᑕᐃᓗ ᐅᑭᐅᖅᑕᖅᑐᒥ ᐆᒐᕐᓂᒃ ᐃᖃᓪᓕᐊᖅᑎᐅᓂᑰᔪᖅ, ᐊᖓᔪᖅᑳᕆᔭᐅᓂᑰᔪᖅ ᐊᒻᒪ ᑲᑎᒪᔨᐅᖃᑕᐅᓂᑰᔪᖅ ᐃᖃᓗᓕᕆᓂᕐᒧᑦ, ᓂᕿᓕᕆᓂᕐᒧᑦ ᐊᒻᒪ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᓐᓄᑦ, ᐃᖃᓗᒐᓱᓐᓂᕐᒧᑦ ᐱᐅᖅᓱᐊᕐᓂᕐᒧᑦ ᑲᑎᒪᔨᖏᓐᓄᑦ ᐊᒻᒪ ᑲᓇᑕᒥ ᐱᓕᕆᕝᕕᐅᔪᖅ ᐃᖃᓗᒐᓱᓐᓂᕐᒧᑦ ᓄᑖᙳᖅᑎᕆᔨᒃᑯᓐᓄᑦ. ᑕᐃᑲᙵᓂ 2000-ᒥᑦ 2009-ᒧᑦ, ᒥᓂᔅᑕᕆᔭᐅᓚᐅᖅᑐᖅ ᒪᓕᒐᓕᐅᕐᕕᖕᒥᑦ ᓂᐅᕙᓐᓛᓐᒥ ᓛᐸᑐᐊᒥᓪᓗ ᐊᑕᐅᑦᑎᒃᑰᖏᑦᑐᖅ ᒥᓂᔅᑕᕆᔭᐅᓚᐅᖅᑐᖅ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᓕᕆᓂᕐᒧᑦ, ᒥᓂᔅᑕᕆᔭᐅᓚᐅᖅᑐᖅ ᓛᐸᑐᐊᒧᑦ ᐊᒻᒪ ᓄᓇᖃᖅᑳᖅᓯᒪᔪᓕᕆᖤᕐᒧᑦ, ᒥᓂᔅᑕᕆᔭᐅᓚᐅᖅᑐᖅ ᓄᑖᙳᖅᑎᕆᓂᕐᒧᑦ, ᒥᓂᔅᑕᕆᔭᐅᓚᐅᖅᑐᖅ ᑕᐅᖅᓰᓂᕐᒧᑦ ᐊᒻᒪ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᒥᓂᔅᑕᕆᔭᐅᓚᐅᖅᑐᖅ ᐃᖏᕐᕋᔪᓕᕆᓂᕐᒧᑦ, ᐃᓚᒋᔭᐅᓚᕐᒥᔪᖅ ᓂᐅᕙᓐᓛᓐᒥ ᓛᐸᑐᐊᒥᓪᓗ ᐃᒡᓗᓕᕆᔨᕐᔪᐊᒃᑯᖏᓐᓄᑦ. ᐃᖃᓗᐃᑦ, ᓄᓇᕗᒻᒥ ᐃᖅᑲᓇᐃᔭᖅᑐᖅ.

Christopher Debicki

ᐊᖓᔪᖅᑳᑉ ᑐᒡᓕᐊ, ᐊᑐᐊᒐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ, ᐊᒻᒪ ᒪᓕᒐᓕᕆᓂᕐᒧᑦ

ᐊᕙᑎᓕᕆᔨᒻᒪᕆᐅᓪᓗᓂ ᓯᓚᒥᓗ ᖃᐅᔨᓴᖅᑎᒻᒪᕆᐅᓪᓗᓂ, ᑯᕆᔅ ᑕᐱᑭ ᐱᓕᕆᖃᑎᖃᓲᖅ ᐃᓄᐃᑦ ᓄᓇᓕᖏᓐᓂᒃ ᓴᐳᔾᔨᓇᓱᓐᓂᕐᒧᑦ ᐅᓗᕆᐊᓇᖅᑐᒦᑦᑐᓂᒃ ᐅᑭᐅᖅᑕᖅᑐᒥ ᐃᒪᕐᒥᐅᑕᓂᑦ ᓇᔪᖅᑕᐅᔪᓄᑦ ᐆᒪᔪᓄᑦ ᐃᓂᐅᔪᓂᒃ ᓲᕐᓗ ᑕᓪᓗᕈᑎᐅᑉ ᐃᒪᖓᓐᓂᒃ ᐊᒻᒪ ᖃᑯᖅᑕᑦ ᕿᓚᓗᒐᑦ ᐃᓂᒋᔭᖏᓐᓂᒃ ᐱᖓᓐᓇᖅᐸᓯᖓᓂ ᑲᖏᖅᓱᐊᓘᑉ ᐃᓗᐊᓂ. ᐃᑲᔪᖅᓱᓚᐅᖅᑐᖅ ᓴᖅᑮᓂᕐᒥᑦ ᐅᐊᓐᓇᖓᓂ ᐃᒪᕐᒥ ᓴᕐᕙᖅ ᑲᑎᒪᔨᖏᓐᓂᒃ, ᒪᕐᕉᓐᓄᒃ ᓄᓇᓕᕐᔪᐊᕐᓄᑦ ᐃᒪᖁᑎᒋᔭᐅᔪᖅ ᑲᑐᔾᔨᖃᑎᒌᔭᐅᓪᓗᓂ ᐃᓄᖕᓄᑦ ᑲᓛᖦᓖᑦ ᓄᓈᓐᓂ ᐊᒻᒪ ᓄᓇᕗᒻᒥᐅᓂᑦ ᓱᕈᕐᔭᐃᖅᓯᒪᓪᓗᑎ ᑖᔅᓱᒥᖓ ᐃᒪᐅᔪᒥ. ᐃᓚᒋᔭᐅᓕᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ, ᐱᓕᕆᖃᑎᖃᓚᐅᖅᑐᖅ ᑖᒃᑯᓂᖓ ᕗᕆᑦᑖᕝ ᓇᓐᓴᓐ ᖃᐅᔨᓴᕐᕕᖓᓐᓂ ᓄᐊᕙᐃᒥ ᑕᕆᐅᕐᔪᐊᓕᕆᓂᕐᒧᑦ ᑲᓛᖦᓖᑦ ᓄᓈᓐᓂ ᐊᒻᒪ ᐅᒥᐊᖅᑐᓚᐅᖅᑐᖅ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᐊᖅᑯᑎᖓᒍᑦ ᐅᔾᔨᕈᓱᓕᖅᑎᑦᑎᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᕆᔭᖓᓄᑦ ᐊᒃᑐᐃᓂᕆᔭᖓᓐᓂ ᐃᓄᐃᑦ ᓄᓇᓕᖏᓐᓂᒃ. ᑐᑭᒧᐊᒃᑎᑦᑎᔨᒻᒪᕆᐅᓚᐅᕐᒥᔪᖅ ᒪᓕᒐᕐᓂᒃ ᑐᑭᓯᓂᐊᕐᕕᖕᒧᑦ, ᓄᓇᕗᒻᒥ ᒪᓕᒐᓕᕆᓂᕐᒧᑦ ᐃᑲᔪᖅᑐᐃᕕᖕᒥᑦ ᑲᑐᔾᔨᖃᑎᒌᖑᔪᑦ ᐱᔨᑦᑎᕋᖅᐸᒃᑐᑦ ᐅᑭᐅᖅᑕᖅᑑᑉ ᑲᓇᖕᓇᖓᓂ. ᒪᓕᒐᓕᕆᔨᐅᓂᕐᒧᑦ ᓇᓗᓇᐃᒃᑯᑕᖃᖅᐳᖅ ᒥᒋᐅᓪ ᓯᓚᑦᑐᖅᓯᕐᕕᒡᔪᐊᖓᓐᓂ ᐊᒻᒪ ᐃᖅᑲᓇᐃᔭᖅᐸᒃᑐᖅ ᐅᐃᓂᐱᒡ, ᒫᓂᑑᐸᒥ.

Susanna Fuller

ᐊᖓᔪᖅᑳᑉ ᑐᒡᓕᐊ, ᐊᐅᓚᑦᑎᓂᕐᒧᑦ ᐊᒻᒪ ᐱᓕᕆᐊᒃᓴᓄᑦ

ᓲᓵᓇᐅᑉ ᑲᔪᖏᖅᓯᒪᓂᖓ ᐃᒪᕐᒥ ᐱᐅᖅᓱᐊᓂᕐᒧᑦ ᓴᖅᑭᓚᐅᖅᓯᒪᔪᖅ ᑭᖑᓪᓕᖅᐹᖓᓂ ᐊᕐᕌᒍᖓᓂ ᐃᓕᓐᓂᐊᕐᕕᐊᓗᒻᒥ ᐊᕐᕕᓂᓕᓐᓂᑦ ᑕᖅᑭᓂᑦ ᐅᒥᐊᕐᔪᐊᒦᓚᐅᖅᑎᓪᓗᒍ ᑕᕝᕙᓂᔅᓴᐃᓐᓇᐅᑎᓪᓗᒍ ᐅᑭᐅᑕᖅᑐᒥᑦ ᐆᒐᐃᑦ ᑲᑕᔅᓯᒪᑎᓪᓗᒋᑦ ᐊᑦᓛᓐᑎᒃ ᑲᓇᑕᒥ. ᐃᖅᑲᓇᐃᔮᕆᔭᖓ ᐱᓕᕆᐊᖃᓗᐊᓕᖅᑐᖅ ᑎᑭᑦᑎᓂᕐᒥᑦ ᐃᑉᐱᒋᔭᐅᑦᑎᐊᖏᑦᑐᓂᑦ ᐱᐅᖅᓱᐊᓂᕐᒧᑦ ᓄᖑᓴᐃᖏᑎᑦᑎᓂᕐᒧᑦ ᐃᖃᓗᓕᕆᓂᕐᒧᑦ ᐊᒻᒪ ᓇᔪᖅᑕᖏᓐᓂᑦ ᐱᐅᖅᓱᐊᓂᕐᒧᑦ ᐊᑦᓛᓐᑎᒃ ᑲᓇᑕᒥ ᐊᒻᒪ ᐅᑭᐅᑕᖅᑐᒥᑦ, ᐊᒻᒪᓗᑦᑕᐅᖅ ᐱᓕᕆᐊᖑᔪᑦ ᓴᐳᒻᒥᓗᒋᑦ ᐃᒪᐃᓐᓇᕐᒥᑦ ᐊᒥᓱᑦ ᐊᔾᔨᒌᑦᑐᑦ ᐆᒪᔪᐃᑦ. ᐱᔭᕇᓚᐅᖅᑕᖓ Ph.D. ᑕᐅᕼᐅᓯ ᓯᓚᑦᑐᓴᕐᕕᒃᔪᐊᒥᑦ, ᐱᖃᓯᐅᑎᓪᓗᓂ ᖃᐅᔨᓴᕐᓂᖅ ᐅᐊᓐᓇᖓᓂ ᐊᑦᓛᓐᑎᒃ ᐃᒪᕐᒥ ᐃᖅᑲᒥᐅᑕᓂᑦ ᐆᒪᔪᓂᑦ, ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔪᖅ ᖁᓕᓂᑦ ᑕᓪᓕᒪᓂᓪᓗ ᐊᕐᕌᒎᓕᖅᑐᓂᑦ ᖃᐅᔨᓴᓂᕐᒧᑦ−ᐊᑐᐊᒐᓕᐅᓂᕐᒧᑦ ᑲᓇᑕᒥ ᐊᒻᒪ ᓯᓚᕐᔪᐊᒧᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᓂᑦ ᓴᐳᒻᒥᔾᔨᓂᕐᒧᑦ. ᐃᓚᐅᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒧᑦ, ᓯᕗᓕᖅᑎᐅᓚᐅᖅᑐᖅ ᐃᒪᕐᒥ ᖃᐅᔨᓴᖅᑎᓂᑦ ᐊᕙᑎᒥᑦ ᖃᓄᐃᓕᓯᒋᐊᓂᕐᒧᑦ ᐱᓕᕆᕕᖓᓂ ᕼᐊᐹᒃᔅᒥ ᓄᓇᖃᕐᕕᖓᓂ.

Erin Abou-Abssi

ᑐᑭᒧᐊᒃᑎᑦᑎᔨ ᐊᑐᐊᒐᓕᕆᓂᕐᒥ

ᑐᕌᒐᖃᖅᑐᓂ ᐊᔾᔨᒌᙱᑦᑐᓂ ᐊᑐᐊᒐᓕᕆᓂᕐᒧᑦ ᐋᖅᑭᒋᐊᕈᑎᒃᓴᓂᑦ, ᐃᐊᕆᓐ ᐊᐴ−ᐊᑉᓯ ᐱᓕᕆᓲᖅ ᑲᒪᒋᔭᖃᕐᓂᕐᒧᑦ ᐊᑲᐅᙱᓕᐅᕈᑎᓂ ᑐᕌᖓᔪᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒻᒪ ᓴᓇᕕᖕᓄᑦ ᓂᐅᕕᖅᑎᐅᔪᓄᓪᓗ ᐊᒃᓱᕈᓐᓂᕆᔭᐅᔪᓂᒃ ᐅᑭᐅᖅᑕᖅᑐᒥ. ᐱᓕᕆᐊᖃᕐᓂᑰᔪᖅ ᓇᖕᒥᓂᖃᕐᓂᒃᑯᑦ ᐊᒻᒪ ᑮᓇᐅᔭᓕᕆᓂᕐᒧᑦ ᖃᐅᔨᓴᖅᑎᕐᔪᐊᕐᒧᑦ ᑲᓇᑕᒥ, ᐊᓪᓚᐃᑦ ᐳᕆᑎᔅ ᑲᓚᒻᐱᔭᒥ ᐊᒻᒪ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑭᒡᒐᖅᑐᐃᔨᖓᓐᓂ ᑲᓇᑕᒥ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᓄᓇᒥᙶᖅᑐᓂᒃ ᐊᑐᖅᑕᐅᕙᓪᓕᐊᔪᓂ ᐊᐅᓚᑦᑎᓂᕐᒧᑦ ᐊᒻᒪ ᐊᕕᒃᑐᖅᓯᒪᓂᐅᔪᓂ ᐸᕐᓇᐃᓂᕐᒧᑦ ᓴᐃᒪᓐ ᕗᕋᐃᓱ ᓯᓚᑦᑐᖅᓯᕐᕕᒡᔪᐊᒥ ᐊᒻᒪ ᐅᔭᕋᙳᖅᓯᒪᔪᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖃᐅᔨᓴᕐᓂᕐᒥᑦ. ᐋᑐᐊ, ᐊᓐᑎᐅᕆᔫᒥ ᐃᖅᑲᓇᐃᔭᖅᑐᖅ.

Paul Labun

ᐊᑐᐊᒐᕐᓄᑦ ᐅᖃᐅᔾᔨᔨ

ᖃᐅᔨᒪᓂᖃᑦᑎᐊᖅᑐᓂ ᐃᑲᔪᕋᓱᐊᕐᓂᕐᒧᑦ ᐊᒻᒪ ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ, ᐹᓪ ᓚᕗᓐ ᒐᕙᒪᒃᑯᓐᓄᑦ ᐊᒻᒪ ᓄᓇᓕᖕᓄᑦ ᐃᑲᔪᕋᓱᐊᕐᓂᕐᒧᑦ ᐋᑐᐊᒥ, ᒫᓂᑑᐸᒥ ᐊᒻᒪ ᓄᓇᑦᓯᐊᕐᒥ. ᐃᓚᒋᔭᐅᓕᓚᐅᙱᑎᓪᓗᒍ ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ, ᐸᕐᓇᐃᓂᕐᒧᑦ ᐅᖃᐅᔾᔨᔨᐅᓚᐅᖅᑐᖅ ᒫᓂᑑᐸᐅᑉ ᒐᕙᒪᒃᑯᖏᓐᓄᑦ ᐊᒻᒪ ᒫᓂᑑᐸᐅᑉ ᐆᒻᒪᖅᑯᑎᓕᕆᔨᒃᑯᖏᓐᓄᑦ ᐊᕐᕌᒍᐃᑦ ᖁᓖᑦ ᐅᖓᑖᓄᑦ. ᑐᑭᓕᐅᕆᔨᐅᓚᐅᕐᒥᔪᖅ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓄᑦ ᐊᑲᐅᙱᓕᐅᕈᑎᖃᓚᐅᙱᑎᓪᓗᒋᑦ ᐹᔅᓂᔭᒥ. ᐅᐃᓂᐸᒡᒥ ᐱᕈᖅᓴᓚᐅᖅᑐᖅ ᐊᔭᓂ ᐅᓄᖅᑐᓂ ᒪᒃᑯᒃᖢᓂ ᓯᓚᒃᑯᑦ ᐊᐅᓪᓚᐅᔾᔨᔨᐅᓪᓗᓂ ᑲᓅᒃᑯᑦ ᑕᓯᕐᒥ ᓇᐹᖅᑐᓕᖕᒥ ᐋᓐᑎᐅᕆᔫᑉ ᐅᐊᖕᓇᖓᓂ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᑲᓇᑕᐅᑉ ᖃᓄᐃᑦᑑᓂᑐᖃᖓᓄᑦ ᑯᐃᓐᔅ ᓯᓚᑦᑐᖅᓯᕐᕕᒡᔪᐊᒥ. ᐋᑐᐊ, ᐊᓐᑎᐅᕆᔫᒥ ᐃᖅᑲᓇᐃᔭᖅᑐᖅ.

Jennie Knopp

ᓄᓇᓕᖕᒥ ᐊᒻᒪᓗ ᖃᐅᔨᓇᓱᐊᕐᓂᕐᒧᑦ ᑐᑭᒧᐊᒃᑎᑦᑎᔨ

ᖃᐅᔨᒪᔨᑕᐅᓪᓗᓂ ᓄᓇᓕᖕᓂ−ᑐᙵᕕᖃᖅᑐᓂ ᖃᐅᔨᓴᐃᓂᕐᒧᑦ, ᔭᓂ ᓈᑉ ᐱᓕᕆᐊᖃᓲᖅ ᐱᓕᕆᐊᒃᓴᓂᑦ ᑐᕌᖓᔪᓂ ᐊᖑᓇᓱᓐᓂᕐᒧᑦ, ᐱᐅᖅᓱᐊᓂᕐᒧᑦ ᓇᐅᑦᑎᖅᓱᕐᓂᕐᒥᓪᓗ ᐃᓄᕕᐊᓗᖕᒥᑦ, ᕿᑎᕐᒥᐅᓂ ᓄᓇᕕᖕᒥᓪᓗ. ᐅᑭᐅᓄᑦ ᖁᓖᑦ ᐅᖓᑖᓄᑦ ᐱᓕᕆᓂᑰᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᑐᔾᔨᖃᑎᖃᕐᓂᒃᑯᑦ ᓄᓇᓕᐅᔪᓂ, ᓄᓇᓕᖕᓂ ᖃᐅᔨᒪᔨᑕᕐᓂ, ᑲᑐᔾᔨᖃᑎᒌᒃᑐᓂ ᐊᐅᓚᑦᑎᓂᕐᒧᑦ ᑲᑎᒪᔨᓂ, ᖃᐅᔨᓴᖅᑐᓂ, ᓄᓇᑖᓂᕐᒧᑦ ᑲᑐᔾᔨᖃᑎᒌᓂ ᐊᒻᒪ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂ. ᓘᒃᑖᖑᓂᕐᒧᑦ ᓇᓗᓇᐃᒃᑯᑕᖅᑖᕐᓂᑰᔪᖅ ᑐᕋᓐᑦ ᓯᓚᑦᑐᖅᓯᕐᕕᒡᔪᐊᒥ, ᖃᐅᔨᓴᓚᐅᖅᑐᖅ ᐃᓚᓕᐅᔾᔨᓂᕐᒥᑦ ᐃᓄᐃᓪᓗ ᖃᓪᓗᓈᓪᓗ ᖃᐅᔨᒪᔭᖏᓐᓂᒃ ᑐᑭᓯᐊᒪᓂᖅᓴᐅᓂᕐᒧᑦ ᓄᓇᓕᖕᓂ−ᑐᙵᕕᖃᖅᑐᓂ ᓇᐅᑦᑎᖅᓱᕐᓂᕐᒧᑦ ᓄᓇᓕᐅᔪᓂ ᓂᕿᒃᓴᕆᔭᐅᔪᓂ. ᐋᑐᐊ, ᐊᓐᑎᐅᕆᔫᑉ ᓯᓚᑖᓂᕐᒥᐅᑕᐅᔪᖅ.

Kristin Westdal

ᐅᑭᖅᑕᖅᑐᕐᒥ ᓄᓇᒥ ᖃᐅᔨᓇᓱᐊᕐᓂᕐᒧᑦ ᑐᑭᒧᐊᒃᑎᑦᑎᔨ

ᐃᒪᕐᒥᐅᑕᓂᑦ ᐳᐃᔨᓕᕆᔨᒻᒪᕆᐅᓪᓗᓂ, ᑯᕆᔅᑎᓐ ᐅᐊᔅᑕᓪ ᐱᓕᕆᓯᒪᖕᒪᕆᒃᑐᖅ ᖃᐅᔨᓴᕐᓂᕐᒥᑦ ᑑᒑᓕᖕᓂᒃ, ᖃᐅᓪᓗᖅᑕᐅᓂ ᕿᓚᓗᒐᕐᓂᒃ ᐊᒻᒪ ᐋᕐᓗᖕᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᓇᖕᓇᒥ, ᐃᓚᒋᖃᖅᖢᓂᒡᓗ ᑲᑐᔾᔨᖃᑎᖃᕐᓂᕐᒥᑦ ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ. ᓇᖕᒥᓂᖁᑎᖃᓚᐅᕐᒥᔪᖅ ᐊᐅᓚᑦᑎᓪᓗᓂᓗ ᖃᔭᖅᑐᓂᕐᒧᑦ ᐊᐅᓚᑦᑎᕕᖕᒥ ᑲᖏᖅᓱᐊᓘᑉ ᐃᓗᐊᓂ 2001-ᒥᑦ 2005-ᒧᑦ ᖁᙱᐊᕆᐊᕙᒃᖢᑎᒃ ᖃᑯᖅᑕᓂ ᕿᓚᓗᒐᕐᓂᒃ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ ᒫᓂᑑᐸᐅᑉ ᓯᓚᑦᑐᖅᓯᕐᕕᒡᔪᐊᒥ, ᖃᐅᔨᓴᓚᐅᖅᑐᖅ ᐊᖅᑲᐅᒪᕙᖕᓂᖏᓪᓗ ᑑᒑᓕᐅᔪᑦ ᑲᖏᖅᓱᐊᓘᑉ ᐃᓗᐊᓂ ᐅᐊᖕᓇᖓᓂ. ᒫᓐᓇᐅᔪᖅ ᓘᒃᑖᖑᓂᕐᒧᑦ ᐱᓕᕆᐊᖃᖅᑐᖅ ᑐᙵᕕᖃᖅᖢᓂ ᐅᐃᓂᐱᒡ, ᒫᓂᑑᐸᒥ.

Olivia Mussells

ᓯᕗᓕᖅᓯᓂᖅ ᐃᒪᕕᖕᒥ ᓄᖑᑕᐅᑎᑦᑎᑕᐅᓕᒪᓂᕐᒧᑦ ᓄᓇᓕᕆᔨᐅᓂᕐᒥ

ᖃᐅᔨᒪᔨᑕᐅᓪᓗᓂ ᐃᓂᐅᔪᓂ ᖃᐅᔨᓴᕐᓂᕐᒥᑦ, ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ ᐊᐅᓚᑦᑎᓂᕐᒥ ᐊᒻᒪ ᓄᓇᙳᐊᓕᐅᕐᓂᕐᒥᑦ, ᐅᓕᕕᐊ ᒪᓱᓪᔅ ᐃᑲᔪᓚᐅᖅᑐᖅ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᓄᓇᙳᐊᓕᐅᕐᓂᕐᒥᑦ ᖃᐅᔨᓴᕐᓂᕐᒥᒡᓗ ᖃᓄᖅ ᐊᓯᔾᔨᕐᓂᐅᔪᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐊᒻᒪ ᐃᓄᖕᓄᑦ ᐊᑐᖅᑕᐅᓂᖏᑦ ᐊᒃᑐᐃᓂᖃᕐᒪᖔᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᓄᓇᓕᕆᓂᕐᒥ ᐋᑐᐊ ᓯᓚᑦᑐᖅᓯᕐᕕᒡᔪᐊᒥ, ᖃᐅᔨᓴᕐᓂᖃᓚᐅᖅᑐᖅ ᑕᕆᐅᑉ ᓯᑯᖓᓐᓂ ᐅᓗᕆᐊᓇᕈᑎᓂ ᐊᒻᒪ ᐅᒥᐊᕐᔪᐊᒃᑰᖅᑎᑦᑎᓂᕐᒥᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐋᑐᐊ, ᐊᓐᑎᐅᕆᔫᒥ ᐃᖅᑲᓇᐃᔭᖅᑐᖅ.

Søren Stach Nielsen

ᑭᖑᕝᕕᐅᑎᓯᒪᔪᖅ ᖃᓛᑦᖠᑦ ᓴᓇᔭᒃᓴᖁᑎᖏᓐᓂ ᑐᑭᒧᐊᒃᑎᑦᑎᔨᐅᓂᕐᒥ

ᓱᕆᓐ ᓯᑕᒃ ᓂᐅᓪᓴᓐ ᖃᓛᑦᖠᒥᐅᑕᐅᓪᓗᓂ ᖃᐅᔨᒪᔨᑕᖅ ᐊᑐᓱᖑᕗᖅ ᐱᓕᕆᔨᐅᓂᕐᒥᓂᑦ ᖃᐅᔨᓇᓱᐊᕐᓂᕐᒥ, ᐊᔪᐃᓐᓇᕈᔾᔨᐅᓂᕐᒥ ᐊᒻᒪᓗ ᐊᐅᓚᑦᑎᓂᕐᒥ ᐃᑲᔪᕐᓗᓂ ᐋᖅᑭᒃᑕᐅᖔᖅᑐᓂ ᐋᖅᑭᒃᓯᔪᑎᓂᑦ ᐱᕚᓪᓕᖅᑎᑦᑎᔪᑎᓂ ᑕᒪᒃᑭᖏᓐᓄᑦ ᐆᒪᔪᕋᓛᖑᖃᑎᒋᒡᕕᐅᔪᒥ ᐊᒻᒪᓗ ᐱᓕᕆᔾᔪᑎᒃᓴᓂᑦ ᐊᑐᖅᐸᒃᑐᓄᑦ. ᐊᒃᓱᑲᓪᓛᓗᒃ ᐱᓕᕆᖃᑦᑕᖅᓯᒪᓪᓗᓂ ᐃᖃᓇᐃᔭᕐᓗᓂ ᑕᕝᕙᖓᑦᖤᐅᑎᒋ ᓄᓇᓕᖕᓂᒥᐅᑕᐅᖃᑕᐅᔪᓄᑦ ᖃᓛᑦᖠᓕᒫᒥ ᐊᒻᒪᓗ ᓄᐊᑦᑎᓪᓗᓂ ᓄᓇᓕᖕᓂᒥᐅᑕᐃᑦ ᖃᐅᔨᒪᓂᖏᓐᓂᑦ ᐃᓕᖅᑯᓯᖓᓂ ᐊᕙᑎᑦᑕ. ᒪᓐᓇᕋᑖᖑᓂᖅᓴᖅ, ᐱᔨᑦᓯᖃᑦᑕᖅᓯᒪᕗᖅ ᖃᓛᑦᖠᓂ ᐊᔾᔨᒌᖏᑦᑐᓂ ᐱᕙᓪᓕᐊᑎᑕᐅᔪᓂ ᐊᒻᒪᓗ ᐊᔪᖏᓕᕇᓂ ᒐᕙᒪᒃᑯᓐᓂ, ᐃᓚᒋᔭᐅᓪᓗᓂ ᑐᖓᓕᕆᔭᐅᓚᐅᖅᓯᒪᓪᓗᓂ ᒥᓂᔅᑕᒧᑦ ᐊᕙᑎᓕᕆᓂᕐᒥ. ᓄᓇᖃᒃᑐᖅ ᓅᒃᒥ.

Chelsey Karbowski

ᐃᖃᓗᓕᕆᓂᕐᒧᑦ ᐅᖃᐅᔾᔨᒋᐊᕈᑦ

ᖃᐅᔨᒪᑎᑕᐅᔪᖅ ᐊᑦᓛᓐᑎᒃ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒧᑦ, ᓯᐅᓪᓯ ᑲᐴᔅᑭ ᐃᖅᑲᓇᐃᔮᖃᓗᐊᖅᑐᖅ ᓄᖑᑉᐸᓪᓕᐊᓯᒪᔪᓂᑦ ᐃᖅᑲᒥᐅᑕᓂᑦ ᐃᖃᓗᓐᓂᑦ ᐆᒪᔪᓂᑦ. ᐃᖅᑲᓇᐃᔭᖃᑎᖃᖃᑦᑕᖅᓯᒪᒻᒪᕆᑦᑐᖅ ᐃᖃᓗᒐᓱᐊᖅᑎᓂᑦ, ᐃᖃᓗᓕᕆᓂᕐᒧᑦ ᐊᐅᓚᑦᑎᔨᓂᑦ ᐊᒻᒪ ᖃᐅᔨᓴᖅᑎᓂᑦ ᐃᑲᔪᖅᑐᓂ ᓄᖑᓴᐃᖏᑦᑐᓂᑦ ᐊᑐᖅᑕᐅᓂᖓᓄᑦ ᐊᑦᓛᓐᑎᒃ ᐃᒪᕐᒥ ᐆᒪᔪᓂᑦ. ᓯᐅᓪᓯ ᐃᖅᑲᓇᐃᔭᖃᑦᑕᖅᓯᒪᒻᒥᔪᖅ ᐃᒪᕐᒥ ᐱᕈᖅᓱᐃᓂᕐᒥᑦ ᐊᒻᒪ ᓇᓗᓇᐃᒃᑯᑎᑖᖅᓯᒪᔪᖅ ᐃᒪᐃᑦ ᑭᓪᓕᖏᓐᓂ ᐊᒻᒪ ᐃᒪᕐᒥᐅᑕᓂᑦ ᐊᐅᓚᑦᑎᓂᕐᒧᑦ ᐅᕙᓐᖓᑦ ᓯᓚᑦᑐᓴᕐᕕᒃᔪᐊᖅ ᐊᑯᕋᐃᔨ ᐊᐃᔅᓚᓐᒥ. ᐱᔭᕇᕐᓂᖓᓄᑦ ᖃᐅᔨᓴᓂᕐᒧᑦ, ᓯᐅᓪᓯ ᐱᓕᕆᐊᖃᓯᒋᐊᓚᐅᖅᑐᖅ ᓯᕗᓪᓕᖅᐹᖓᓂ ᖃᐅᔨᓴᐃᓂᕐᒥᑦ ᓯᑯᓂᑦ ᑯᒪᖏᑦ ᐊᒥᓲᓂᖏᓐᓄᑦ ᐃᓗᐊᓂ ᐊᐃᔅᓚᓐᒥ ᑲᖏᖅᑐᒥᑦ. ᕼᐊᓕᐹᒃᔅᒥᐅᑕᐅᔪᖅ, ᓅᕙ ᓯᑰᓴ.

Colleen Turlo

ᐱᓕᕆᐊᒧᑦ ᐅᖃᐅᔾᔨᒋᐊᖅᑎ

ᑕᐅᑐᓪᓗᐊᑕᖅᖢᑎᒃ ᑕᕆᐅᒥ ᓴᐳᔾᔭᐅᓯᒪᔪᓂᒃ ᐊᑦᓛᓐᑎᒃ ᐃᒪᕕᖓᓂ ᐊᒻᒪᓗ ᐅᑭᐅᖅᑕᖅᑐᒥ, ᑳᓖᓐ ᑑᓘ ᐱᓕᕆᓲᖅ ᓄᓇᓖᑦ ᐊᒻᒪᓗ ᑎᒥᐅᔪᑦ ᐃᑲᔪᖅᓱᐃᔪᑦ ᐃᓚᐅᖅᑎᐊᕋᓗᐊᕐᒪᖔᑕ ᐱᓕᕆᕙᓪᓕᐊᓂᓕᒫᖏᓐᓂᑦ. ᑲᐅᔨᒪᓂᖃᓪᓚᕆᒃᖢᓂ ᐊᒻᒪᓗ ᐱᓕᕆᓕᒪᓪᓗᓂ ᑲᔪᓯᑦᑎᐊᖏᓐᓇᖅᑐᒥᒃ ᐃᒪᕐᒥᐅᑕᓂᒃ ᓂᐅᕐᕈᑎᖃᖃᑦᑕᕐᓂᕐᒧᑦ ᐱᓕᕆᐊᒃᓴᓂᒃ. ᑳᓖᓐ ᓂᕈᐊᕆᔭᖃᖅᓯᒪᔪᖅ ᐃᖅᑲᓇᐃᔮᒥᑦ ᑕᕆᐅᒥ ᐱᓕᕆᐊᖃᑦᑎᐊᕐᓂᕐᒥᒃ ᐃᓚᐅᓪᓗᑎᒃ ᒐᕙᒪᑐᖃᒃᑯᑦ ᐊᑐᐊᒐᖏᓐᓂᒃ ᐊᒃᑐᐊᔪᓂᒃ ᐱᓕᕆᓂᖏᑦ ᐃᒪᕐᒥᐅᑕᓂᒃ ᓂᐅᕐᕈᓯᕐᓃᑦ ᐊᒻᒪᓗ ᐃᖃᓗᓕᕆᓂᕐᒧᑦ ᐊᐅᓚᑦᑎᓃᑦ, ᐃᓕᓐᓂᐊᖅᑎᑦᑎᓂᖅ ᓯᓚᖅᑐᖅᓴᕐᕕᖕᒥ ᐃᓕᓐᓂᐊᒐᒃᓴᓂᒃ, ᖃᐅᔨᓴᐃᓂᖅ ᑕᕆᐅᒥ ᐊᑐᕐᓂᐅᖃᑦᑕᖅᑐᑦ ᐱᓕᕆᓂᐅᖃᑦᑕᖅᑐᑦ ᐸᕐᓇᒃᑕᐅᑎᓪᓗᒋᑦ ᐊᒻᒪᓗ ᐋᖅᑭᒃᓱᐃᓂᖅ ᓄᓇᓕᖕᓂ ᐱᓕᕆᖃᑎᖃᕐᓃᑦ. ᖁᑦᑎᓛᒥᒃ ᐃᓕᓴᕆᔭᐅᔾᔪᑎᑖᖅᓯᒪᔪᖅ ᑕᕆᐅᒥ ᐊᓚᑦᑎᓂᓕᕆᓂᕐᒧᑦ ᑎᐅᕼᐊᐅᓯ ᓯᓚᑦᑐᖅᓴᕐᕕᒡᔪᐊᖓᓂ. ᑳᓖᓐ ᕼᐊᓕᕚᒃᓯᒥ ᑎᑎᕋᕐᕕᖃᖅᖢᓂ ᐱᓕᕆᔪᖅ.

Ann Eastwood

ᖃᐅᔨᓴᕐᕕᐅᔪᒥᑦ ᖃᐅᔨᓴᖅᑎ

ᐱᔪᒪᓂᖃᖅᑐᓂ ᐅᖓᓯᑦᑐᒥᑦ ᖃᐅᔨᓴᓂᕐᒧᑦ ᐃᖅᑲᓇᐃᔭᓂᕐᒥᑦ ᐊᒻᒪ ᐃᒪᓕᕆᓂᕐᒥᑦ ᖃᐅᔨᓴᓂᕐᒥᑦ, ᐊᓂ ᐄᔅᑦᕗᑦ ᐃᖅᑲᓇᐃᔭᖃᑎᖃᖅᑐᖅ ᐅᑭᐅᑕᖅᑐᒦᑦᑐᓂᑦ ᓄᓇᓕᓐᓂᑦ ᐃᑲᔪᖅᑐᓂ ᓴᖅᑭᑎᑦᑎᓪᓗᑎ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᐱᓕᕆᐊᓂᑦ. ᐃᖅᑲᓇᐃᔭᕋᑖᓚᐅᖅᑐᖅ ᖃᐅᔨᓴᓂᕐᒧᑦ ᐱᓕᕆᖃᑕᐅᓪᓗᓂ ᐅᖃᐅᔾᔨᒋᐊᖅᑎᒧᑦ ᑎᒥᐅᔪᒧᑦ, ᖃᐅᔨᓴᖅᑎᐅᓪᓗᓂ ᑰᔾᔪᐊᒥ ᐅᑭᐅᑕᖅᑐᒥ ᐃᓕᓐᓂᐊᓂᕐᒧᑦ ᐃᓕᓐᓂᐊᕐᕕᒃ, ᐊᒻᒪ ᓄᓇᓄᑦ ᖃᑦᑎᕆᐅᓪᓗᓂ. ᐊᓂ ᐱᓯᒪᑦᑎᔪᖅ ᓇᓗᓇᐃᒃᑯᑕᒥᑦ ᓯᓚᑦᑐᓴᕐᕕᒃᔪᐊᒥᑦ ᐊᕙᑎᓕᕆᓂᕐᒧᑦ ᐊᒻᒪ ᓄᓇᒥ ᖃᐅᔨᓴᓂᕐᒧᑦ ᓯᓚᑦᑐᓴᕐᕕᒃᔪᐊᒥᑦ ᒫᓂᑑᐸ. ᐃᑲᔪᖅᑕᐅᓪᓗᓂ ᓄᓇᓕᒻᒥᐅᑕᓄᑦ ᓴᓂᑭᓗᐊᖅ, ᓄᓇᕗᑦ, ᖃᐅᔨᓴᕐᕕᐅᔪᒥᑦ ᖃᐅᔨᓴᕐᓂᖃᓚᐅᖅᑐᖅ ᐃᓕᓐᓂᐊᖅᑕᖓᓄᑦ ᖃᓄᐃᓘᖃᑦᑕᐅᑎᓂᖏᓐᓄᑦ ᐃᒥᑦᑎᐊᕙᐃᑦ ᐊᒻᒪ ᑕᕆᐅᑦ ᐃᒪᖏᓐᓂ ᑲᖏᖅᓱᐊᓘᑉ ᐃᓗᐊᓂ. ᐊᓂ ᐃᖅᑲᓇᐃᔭᖅᑐᖅ ᕗᐃᓂᐸᐃᒡ, ᒫᓂᑑᐸ.

Katie Schleit

ᐊᖏᔪᖅᑲᐅᑎᐅᓂᖅᓴᖅ ᐃᖃᓗᓕᕆᔨᒃᑯᓐᓂᑦ ᐅᖃᐅᔾᔪᐃᒋᐊᖅᑎ

ᐱᓕᕆᓕᒪᓪᓗᓂ ᐃᖃᓗᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪᓗ ᐊᑐᐊᒐᖏᓐᓂᒃ, ᑮᑦ ᔅᓕᑦ ᑐᕌᒐᓕᒃ ᐋᖅᑭᒃᓱᐃᒃᑲᓐᓂᕐᓂᕐᒥᒃ ᐃᖃᓗᐃᑦ ᐅᓄᕐᓂᖏᓐᓂᒃ ᐃᓱᒪᒋᓪᓗᒋᓪᓗ ᐱᔭᐅᔪᒪᓂᖏᓐᓄᑦ ᐃᓄᓄᑦ ᐊᒻᒪᓗ ᐆᒪᓂᖃᕐᕕᐅᕙᒃᑐᓄᑦ. ᑮᑦ ᐃᖅᑲᓇᐃᔭᖃᑦᑕᖅᓯᒪᔪᖅ ᒐᕙᒪᐅᙱᑦᑐᓄᑦ ᑎᒥᐅᔪᓄᑦ ᐊᒻᒪᓗ ᐃᓄᖕᓄᑦ ᐱᔨᑦᑎᕋᖅᑐᓄᑦ ᐊᕐᕌᒍᑦ ᖁᓕᑦ ᐊᓂᒍᖅᑐᓂᑦ, ᐱᓕᕆᖃᑎᖃᖅᖢᓂ ᒐᕙᒪᒃᑯᓐᓂᑦ, ᐃᖃᓗᒐᓱᒃᑎᓂᒃ, ᑭᒡᓕᓯᓂᐊᖅᑎᓂᒃ ᐊᒻᒪᓗ ᐃᓄᓕᒫᓂᒃ ᑕᕆᐅᑉ ᑲᒪᒋᔭᐅᑦᑎᐊᕐᓂᖓᓄᑦ ᐊᒻᒪᓗ ᓱᕋᐅᔭᐃᓗᐊᖅᑕᐃᓕᒪᓂᕐᒧᑦ ᐊᐅᓚᑦᑎᔾᔪᑎᓂᒃ. ᐃᓚᒋᔭᐅᓚᐅᕐᓇᓂ ᓱᓕ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ, ᓯᕗᒃᑲᖅᑕᓚᐅᖅᑐᖅ ᑕᕆᐅᒥᑦ ᐱᔾᔪᑎᓕᖕᓄᑦ ᓂᓪᓕᐊᓂᕐᒥᒃ ᑕᐃᑲᓂ ᐆᒪᓂᓕᖕᓄᑦ ᐱᓕᕆᐊᑦ ᐃᒡᓗᐊᓗᖓᓂᑦ ᐊᒻᒪᓗ ᐃᖅᑲᓇᐃᔭᕐᓂᑰᓪᓗᓂ ᐱᐅ ᑮᓐᓇᐅᔾᔭᒃᓴᓇᓱᐊᙱᑦᑐᓄᑦ ᐱᓕᕆᔪᑦ ᐊᒻᒪᓗ ᐊᒥᐊᓕᒃᑲᓂ ᓴᐃᒪᖃᑎᒌᖕᓂᕐᒧᑦ ᐱᓕᕆᔪᓂᑦ. ᐃᓕᓐᓂᐊᖅᓯᒪᔪᖅ ᖁᑦᑎᖕᓂᖅᐹᒥᑦ ᐃᓕᓴᕆᔭᐅᔾᔪᑎᖃᖅᖢᓂ ᑕᕆᐅᓕᕆᓂᕐᒥᑦ ᓯᓚᑦᑐᖅᓴᕐᕕᒡᔪᐊᖓᓂᑦ ᕗᐊᓯᖕᑕᓐ ᑕᐃᑲᓂᓗ ᖃᐅᔨᓴᕐᓂᖓ ᐃᓚᐅᑎᑦᑎᓚᐅᖅᑐᖅ ᐱᓕᕆᖃᑎᖃᖅᖢᓂ ᓄᓇᓕᖕᓂᑦ ᕕᓕᐲᓐᓯᒥᑦ ᐋᖅᑭᒃᓱᐃᓪᓗᓂ ᐃᒪᖁᑏᑦ ᐃᓂᐅᔪᑦ ᓴᐳᑎᔭᐅᓯᒪᔪᑦ ᐊᐅᓚᑦᑎᔾᔪᑎᒃᓴᓄᑦ ᐸᕐᓇᐅᑎᓂᒃ. ᕼᐊᓕᕚᒃᔅᒥᑦ ᑎᑎᕋᕐᕕᖃᖅᑐᖅ.

Sid Pain

ᐅᑭᐅᖅᑕᖅᑐᕐᒥ ᓴᓇᔭᒃᓴᓂ ᑐᑭᒧᐊᒃᑎᑦᑎᔨ

ᓯᑦ ᐸᐃᓐ ᐱᔭᐅᔪᓐᓇᖅᓯᑎᑦᑎᖕᒪᑦ ᐊᔾᔨᒌᖏᑦᑐᓂᑦ ᐱᓕᕆᔪᓐᓇᕐᓂᕐᓂᑦ ᐃᖃᓇᐃᔮᒥᓄᑦ ᐅᑭᐅᖅᑕᖅᑐᕐᒥ ᓴᓇᔭᒃᓴᓂ ᑐᑭᒧᐊᒃᑎᑦᑎᔨᐅᓂᕐᒥᓂ ᓄᓇᑦᓯᐊᕗᒻᒥ. ᐃᖃᓇᐃᔮᕆᖃᑦᑕᖅᓯᒪᔭᖏᑦ ᐃᓚᖃᕐᒪᑕ ᐅᖓᓯᒋᔭᐅᔪᒥ ᐋᓐᓂᐊᓱᖅᑎᐅᓪᓗᓂ, ᕿᓂᖅᑎᐅᖃᑕᐅᓯᒪᓪᓗᓂ, ᖃᑦᑎᕆᔨᐅᖃᑕᐅᓯᒪᓪᓗᓂ, ᐊᖅᑲᐅᒪᖃᑦᑕᕐᓂᕐᒥ ᐊᒻᒪᓗ ᐱᓕᕆᐊᖁᑎ ᓇᖕᒥᓂᕆᔭᐅᒥ ᐊᐅᓚᑦᑎᓂᕐᒥᑦ. ᑕᐅᕙᙶᕐᓂᑯᓪᓚᕆᐅᓪᓗᓂ ᐋᔅᑐᕆᓕᐊᒻᒥᑦ, ᓯᑦ ᓅᓚᐅᕐᒪᑦ ᓄᓇᑦᓯᐊᕘᒧᑦ ᐱᒋᐊᓕᕋᑖᖅᑎᓗᒋᑦ 1990-ᖏᑦ. ᐱᔾᔪᑎᒋᓪᓗᒍ ᖁᕕᐃᒋᔭᖃᓂᖓ ᐃᒪᕕᖕᒥᑦ, ᐋᖅᑭᒃᓱᐃᓚᐅᕐᒪᑦ ᓇᖕᒥᓂᕆᓪᓗᒍ ᓴᓇᕕᖁᑎᒥᒃ, ᐱᔭᒃᓴᐅᓕᖅᑎᑦᑎᓪᓗᓂ ᑮᓇᐅᔭᓕᐅᕋᓱᐊᕐᓗᓂ ᐊᒻᒪᓗ ᐊᕙᑎᓕᕆᓂᕐᒥ ᐊᖃᐅᒪᖃᑦᑕᕐᓂᕐᒧᑦ ᐱᔨᑦᑎᕈᑎᓂᒃ ᐊᒡᒍᐊᓂ ᓛᐸᑐᐊᑉ ᐱᔨᑦᓯᖅᑕᐅᕙᒃᑐᓄᑦ. ᒫᓐᓇᕋᑖᖅ ᐃᖃᓚᐃᔭᓚᐅᖅᓯᒪᔪᖅ ᑕᓯᐅᔭᕐᔪᐊᑉ ᐅᔭᕋᒡᓂᐊᕐᕕᖓᓂ, ᑕᐃᑲᓂ ᑐᐊᕕᕐᓇᖅᓯᔪᖃᕐᓂᖅᐸᑦ ᐅᐸᓗᖓᐃᖅᓯᒪᖃᑕᐅᓪᓗᓂ ᐊᒻᒪᓗ ᐊᓐᓂᐊᓯᐅᖅᑎᐅᓂᕐᒧᑦ ᐱᔨᑦᓯᕈᑎᓂ ᖃᐅᔨᒪᒋᐊᖅᓯᔨᐅᓪᓗᓂ. ᓯᑦ ᐃᖃᓇᐃᔭᕐᕕᖃᒃᐳᖅ ᓇᐃᓐᒥ, ᓄᓇᑦᓯᐊᕗᑦᒥ.

Alex Ootoowak

ᓄᓇᒥᑦ ᐱᓕᕆᔨᐅᔪᖅ

ᐋᓕᒃᔅ ᐆᒃᑐᕙᒃ ᓯᕗᒃᑲᖅᑕᖅᑎᐅᓪᓗᓂ ᐱᓕᕆᔨᐅᔪᖅ ᓂᕆᓄᑦ ᖃᐅᔨᓴᐃᓐᓇᕐᓂᕐᒧᑦ ᐱᓕᕆᐊᒥᑦ ᑕᐃᑲᓂ ᕿᙳᐊᓂᑦ. ᐃᑲᔪᖃᑦᑕᖅᓯᒪᔪᑦ ᐊᒥᓱᐊᖅᑎᖅᖢᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥᑦ ᐱᓕᕆᐊᖏᓐᓂᑦ ᐊᓂᒍᖅᑐᓂᑦ ᐊᕐᕌᒍᓂᑦ, ᒪᑯᓂᖓ ᐋᖅᑭᒃᓱᐃᓪᓗᓂ ᐊᑯᓚᐃᓕᕇᓂᒃ ᐊᔾᔨᓕᐅᖅᑎᓲᓂᑦ ᐊᔾᔨᓕᐅᕆᓂᕐᓂᒃ ᑕᕆᐅᑉ-ᓯᑯᖓᑕ ᖃᓄᐃᓕᖓᓂᖓᓂᒃ ᒪᓕᒃᖢᑎᒃ ᐅᑭᐅᖅᑕᖅᑐᒥᑦ ᕿᓚᓗᒐᐃᑦ ᑎᑭᑉᐸᒍᓯᖏᓐᓄᑦ ᐊᐅᓪᓚᖅᐸᒍᓯᓂᖏᓐᓄᑦ. ᐋᓕᒃᔅ ᓄᓇᓕᖕᓂᑦ ᑎᓕᔭᐅᓯᒪᓚᐅᖅᑐᖅ ᑕᐃᑲᓂ ᐅᑭᐅᖅᑕᖅᑐᒥᑦ ᐃᒫᓂᑦ ᐊᐅᒃᑲᕐᓂᕐᓄᑦ ᐃᓕᓐᓂᐊᕐᓂᕐᒥᑦ, ᓄᓇᓕᖕᓂᑦ ᐃᓚᒋᔭᐅᔪᑦ ᐅᑭᐅᖅᑕᖅᑐᖓᓂᑦ ᓄᓇᕘᑉ ᐊᒻᒪᓗ ᐊᑯᑭᑦᑐᑦ ᐋᖅᑭᒃᓯᓯᒪᓚᐅᕐᒪᑕ ᐋᖅᑭᒃᓯᒪᓂᖓᑦ ᑖᒃᑯᓄᖓ ᑕᕆᐅᒥᑦ ᓴᐳᔾᔭᐅᓯᒪᔪᓄᑦ ᑕᐅᕙᓂ ᐃᓂᒥᑦ. ᐊᖑᓇᓱᓕᒪᓪᓗᓂ ᐊᒻᒪᓗ ᐃᒐᓯᐅᑎᓄᑦ ᓱᕋᒃᓯᒪᔪᓕᕆᔨᐅᓕᒪᓪᓗᓂ, ᐋᓕᒃᔅ ᐃᒃᐱᒋᔭᐅᑦᑎᐊᖅᑐᖅ ᐊᓐᓇᐅᒪᔪᓐᓇᕐᒧᑦ ᐊᔪᙱᓐᓂᖓᓂᒃ ᐊᒻᒪᓗ ᐃᓱᒪᒐᔾᔫᓂᖓᓄᑦ; ᐋᖅᑭᒃᓯᓚᐅᖅᓯᒪᔪᖅ ᓄᖃᖅᓯᕋᕐᓂᒃ ᓯᕗᓂᕐᓃᑦᑐᓂ ᖃᒧᑕᐅᔭᒧᑦ ᕿᓚᒃᓱᖅᖢᓂᐅᒃ ᑐᒃᑑᑉ ᓂᐅᖓᑕ ᓴᐅᓂᖓ ᑭᖑᕖᑎᓪᓗᓂᐅᒃ ᓱᕋᒃᓯᒪᔪᒧᑦ ᐊᖁᑦᑐᓐᓇᐅᑎᒧᑦ. ᓄᓇᖃᖅᑐᖅ ᒥᑦᑎᒪᑕᓕᖕᒥᑦ, ᓄᓇᕘᒥᑦ.

Amanda Joynt

ᖃᐅᔨᒪᔨᑕᖅ ᐊᑐᐊᒐᓕᕆᓂᕐᒥᑦ ᐅᖃᐅᔾᔨᒋᐊᖅᑎ

ᐱᓕᕆᑦᑎᐊᕈᓐᓇᕐᓗᓂ ᐊᕙᑎᑦᑕ ᐊᒃᑐᖅᑕᐅᓂᖓᓂᑦ ᖃᐅᔨᓴᖅᓯᓂᕐᒥᑦ ᐊᒻᒪᓗ ᐅᑭᐅᖅᑕᖅᑐᕐᒥ ᐆᒪᔪᕋᓛᖑᖃᑎᒋᒡᕕᐅᔪᒥᑦ, ᐊᒪᓐᑕ ᔪᐅᐃᓇᑦ ᐃᖃᓇᐃᔭᖃᑎᖃᓱᖑᒪᑦ ᐃᓄᐃᑦ ᓄᓇᓕᖏᓐᓂᑦ ᐊᒻᒪᓗ ᒐᕙᒪᒃᑯᓐᓂᑦ ᐊᑐᓕᖅᑎᑦᑎᓇᓱᐊᕐᓗᓂ ᐱᓕᕆᔾᔪᑕᐅᖏᓐᓇᕈᓐᓇᖅᑐᒥᑦ ᐃᒪᕕᖕᒥ ᐊᐅᓚᑦᑎᓂᕐᒥᑦ ᐱᓕᕆᒋᐊᕈᑎᓂᑦ. ᐱᓕᕆᐊᕆᖃᑦᑕᖅᓯᒪᔭᖏᑦ ᐆᒪᔪᓕᕆᔨᐅᓂᕐᒥ ᓇᖕᒥᓂᖁᑎᒥ ᐱᓕᕆᐊᖁᑎᒥ ᐊᒻᒪᓗ ᒐᕙᒪᑐᖃᒃᑯᓐᓂ ᑭᒃᑯᓕᒫᓂᑦ ᐱᔨᑦᓯᕈᑎᒥ, ᐊᐅᓚᑦᑎᔨᐅᓂᕐᒥᓄᑦ ᑮᓇᐅᔭᓕᐅᕋᓱᐊᖏᑦᑐᓂ ᐱᓕᕆᐊᖁᑎᒥ, ᐊᒻᒪᓗ 15 ᐊᕐᕌᖑᓂ ᐃᖃᓇᐃᔭᖅᓯᒪᓪᓗᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᓗᑦᑎᖅᓯᖕᒪᑦ ᐱᑦᑕᐃᓕᓕᖅᑎᑦᑎᖃᑦᑕᕐᓂᕐᒥᑦ ᐱᓕᕆᐊᖃᕐᓗᓂ ᐃᖃᓇᐃᔭᖓᓂ. ᐱᔪᓐᓇᖅᓯᓚᐅᖅᓯᒪᓪᓗᓂ ᐊᔪᖏᓛᑉ ᐃᓕᓴᓯᒪᓂᕐᒥᑦ ᓄᓇᕐᔪᐊᒥ ᐱᕙᓪᓕᐊᑎᑦᑎᓂᕐ ᐱᓕᕆᓂᕐᒥᑦ ᐊᒻᒪᓗ ᐱᔭᕇᒃᓯᓕᕆᓪᓗᓂ ᐃᓕᓴᕐᔪᐊᖅᓯᒪᓂᕐᒥᑦ Ph.D. ᓂᕿᒃᓴᖃᑦᑎᐊᕐᓂᕐᒥ ᐊᒻᒪᓗ ᐊᐅᓚᑦᑎᓂᕐᒥᑦ ᓯᓚᑦᑐᖅᓴᕐᕕᒡᔪᐊᖓᓂ ᐃᐊᑐᓘ. ᒫᓐᓇ ᐃᖃᓇᐃᔭᖅᑐᖅ ᐃᐊᑐᓘᒥ, ᐊᓐᑎᐅᕆᔪᒥ.

Brent Dancey

ᑐᑭᒧᐊᒃᑎᑦᑎᔨ ᐃᒪᕕᖕᒥ ᓯᓚᓕᕆᓂᕐᒥ ᐱᓕᕆᒋᐊᕈᑎᒥ

ᐊᑐᕐᓗᒍ ᖃᓂᒋᔭᖏᓐᓃᑦᑐᑦ 15 ᐊᕐᕌᒍᑦ ᐱᓕᕆᐊᕆᓯᒪᔭᖏᑦ ᐃᖃᓇᐃᔭᕐᓗᓂ ᐆᒻᒪᖁᑎᓕᕆᓂᕐᒥ, ᐊᕙᑎᓕᕆᓂᕐᒥ, ᐊᒻᒪᓗ ᓄᓇᖃᖅᑳᒃᓯᒪᔪᓂ ᐱᓕᕆᐊᖑᔪᓂ, ᕗᕆᓐᑦ ᐱᓕᕆᐊᖃᓪᓗᐊᑕᕋᓱᐊᕐᒪᑦ ᓯᕗᒧᐋᒃᐸᓪᓕᐊᓂᖓᓂᑦ ᐃᒪᕕᖕᒥ−ᑐᙵᕕᖃᕐᓗᓂ ᓯᓚᓕᕆᓂᕐᒧᑦ ᐋᖅᑭᒍᑎᒃᓴᓂᒃ. ᓯᕗᓂᖓᒍᑦ ᐃᓚᒋᔭᐅᓕᓚᐅᖏᓐᓂᕐᒥᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ, ᕗᕆᓐᑦ ᐃᖃᓇᐃᔭᖃᓚᐅᕐᒪᑦ ᐊᖓᔪᖄᖑᓪᓗᓂ ᐃᖃᓇᐃᔭᖅᑎᖏᓐᓄᑦ ᒥᓂᔅᑕᐅᑉ ᐊᕙᑎᓕᕆᓂᕐᒧᑦ, ᒥᕐᖑᐃᖅᓯᕐᕕᓕᕆᓂᕐᒧᑦ, ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᐅᓪᕘᑕᒥ, ᑕᐅᕙᓂᓗ ᐃᑲᔪᖃᑦᑕᓚᐅᕐᒪᑦ ᐋᖅᑭᒃᓱᐃᓪᓗᓂ ᐊᒻᒪᓗ ᐊᑐᓕᖅᑎᑦᑎᓪᓗᓂ ᐊᕕᒃᑐᖅᓯᒪᓂᕐᒥ ᓯᓚᓕᕆᓂᕐᒥ ᓯᕗᓕᖅᓯᓪᓗᓂ ᐸᕐᓇᒍᑎᒥᒃ, ᐱᓕᕆᐊᕆᖃᓯᐅᑎᓪᓗᓂᒋᑦ ᐊᔪᖏᓐᓂᖅᓴᐃᑦ ᑲᔪᓯᑦᑎᐊᕈᒪᓂᕐᒧᑦ ᐱᓕᕆᐊᖑᔪᒪᔪᓂ ᓴᕿᑎᑦᑎᔪᒪᓪᓗᓂ ᓄᑖᒥᑦ ᒥᕐᖑᐃᖅᓯᕐᕕᖕᓄᑦ ᐊᒻᒪᓗ ᓴᐳᒻᒥᔭᐅᔪᓂᑦ ᓇᔪᒐᕐᓂᑦ. ᓇᖕᒥᓂᖅ ᐱᕕᖃᓕᑐᐊᕌᖓᒥ, ᓇᓂᔭᐅᔪᓐᓇᕋᔭᖅᑐᖅ ᓇᕈᑎᓪᓗᒍ ᐃᓐᓈᕈᖏᓐᓂ ᓯᐊᕐᕆᔮᖃᑦᑕᖅᑎᓪᓗᒍ ᐅᕝᕙᓗᓂᑦ ᖃᐅᔨᔭᕆᐅᕋᓱᐊᕐᓗᓂᒋᑦ ᑲᓇᑕᐅᑉ ᑰᖏᑦ ᐊᒻᒪᓗ ᑕᓯᖏᑦ. ᐱᓕᕆᐊᕆᔪᒪᓗᐊᙳᐋᖅᑕᖏᑦ ᖃᐅᔨᔭᕆᐅᕈᒪᓪᓗᓂᒋᑦ ᓄᓇᐃᓐᓇᕐᒦᑦᑐᑦ ᐊᒻᒪᓗ ᐱᓕᕆᔪᒪᓪᓚᕆᖕᓂᕆᔭᓂ ᐃᓅᓕᒫᓄᑦ ᐱᔨᑦᓯᕈᑎᓂ ᑲᔪᓯᑦᑎᐊᓕᕈᑎᒋᕙᖕᒪᒋ ᑲᔪᓯᑦᑎᐊᓕᕈᑎᒋᕙᖕᒪᒋᑦ ᐃᑲᔪᕈᒪᓪᓗᓂ ᕿᓚᒻᒥᐅᓂᖅᓴᐅᓕᖅᑎᓪᓗᓂᒋᑦ ᐊᓯᕈᒃᐸᓪᓕᐊᓂᖏᑦ ᐱᑕᖃᕈᓐᓃᖁᓪᓗᒍ−ᔨᐅᓘᓕᕐᓗᓂ ᐳᔪᕐᓗᐋᕿᓂᖅ ᓄᓇᕐᔪᐊᒥ.

Nicole Zanesco

ᓄᓇᕐᔪᐊᓕᒫᒥ ᐊᑐᐊᒐᓕᕆᓂᕐᒥ ᐅᖃᐅᔾᔨᒋᐊᖅᑎ

ᐃᖃᓇᐃᔭᕈᑎᒋᓗᓂᒋᑦ ᐱᓐᓇᕆᓗᐊᒧᑦ ᓄᓇᑐᐃᓐᓇᖅ ᐊᒻᒪᓗ ᐱᔪᒪᓂᖃᒃᑎᐊᖅᖢᓂ ᐊᑐᐊᒐᓕᕆᓂᕐᒥ, ᓂᑯᓕ ᐃᖃᓇᐃᔭᓱᖑᖕᒪᑦ ᓄᓇᕐᔪᐊᓕᒫᒥ ᐊᖏᖃᑎᒋᒍᑎᓂ ᐋᔨᖃᑎᒋᖕᓂᕐᒥ ᐊᒻᒪᓗ ᐊᑐᐊᒐᓕᕆᓂᕐᒥ ᐊᖏᖅᑕᐅᑎᑦᑎᓇᓱᐊᕈᑎᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᑉ. ᐱᔭᐅᑎᑦᑎᖕᒪᑦ ᐱᓕᕆᓯᒪᓂᖓᓄᑦ ᐃᖃᓇᐃᔭᕐᓗᓂ ᑲᑎᒪᓂᕐᒥ ᐃᓕᓐᓂᐊᕐᓂᓕᕆᓂᕐᒥ, ᐊᑐᐊᒐᓕᕆᓂᕐᒥ, ᐊᒻᒪᓗ ᐊᕙᑎᓕᕆᓂᕐᒧᑦ ᖃᐅᔨᓇᓱᐊᕐᓂᕐᒥ, ᐱᔪᒪᔭᖃᓪᓗᐊᑕᕐᓗᓂ ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᓂᕐᓂ. ᐱᓕᕆᐊᖃᕋᑖᓚᐅᖅᓯᒪᓪᓗᓂ, ᓂᑯᓕ ᐃᖃᓇᐃᔭᖃᑦᑕᓚᐅᕐᒪᑦ ᖃᐅᔨᓇᓱᐊᕐᓂᕐᒥᑦ ᐅᖅᑯᐊᓂ ᐋᐳᓕᑲᐅᑉ ᐊᒻᒪᓗ ᐅᑭᐅᖅᑕᖅᑐᖓᓂ ᐊᑖᓂ ᓄᓇᕐᔪᐊᑉ ᐱᓕᕆᐊᖃᓪᓗᐊᑕᕐᓗᓂ ᐊᓯᕈᒃᑎᑕᐅᑦᑕᐃᓕᒪᓂᖓᓂ ᐱᕙᓪᓕᐊᑎᑕᐅᔪᑦ, ᐊᓯᕈᒃᑕᐅᑎᑦᑎᑕᐃᓕᒪᓗᓂ, ᐊᒻᒪᓗ ᓄᓇᕐᔪᐊᓕᒫᒥ ᐊᕙᑎᓕᕆᓂᕐᒧᑦ ᒐᕙᒪᓕᕆᓂᕐᒥ. ᓂᑯᓕ ᐱᔪᓐᓇᖅᓯᓚᐅᖅᓯᒪᓪᓗᓂ ᐊᔪᖏᓛᑉ ᐃᓕᓴᓯᒪᓂᕐᒥᑦ ᓄᓇᕐᔪᐊᓕᒫᒥ ᐱᓕᕆᖃᒌᓂᑦ ᑕᐃᑲᖓᑦ ᓚᓐᑕᓐ ᐃᓕᓐᓂᐊᕐᕕᖓᓂᑦ ᒪᑭᒪᓇᓱᐊᕈᑎᓕᕆᓂᕐᒥᑦ. ᑲᓪᒍᕆᒥᐅᑕᓚᕆᐅᓪᓗᓂ, ᐊᐅᓪᕘᑕ, ᒫᓐᓇ ᓄᓇᖃᒃᑐᖅ ᕼᐊᓕᐹᒃᓯᒥ, ᓄᕙ ᓯᑯᓴᒥ.

John Noksana Jr.

ᓄᓇᓕᖕᓂ ᓴᓇᔭᒃᓴᒥ ᐅᖃᐅᔾᔨᒋᐊᖅᑎ

ᐊᖑᓇᓱᐊᖅᑎᓚᕆᒃ ᑐᒃᑐᔮᖅᑐᕐᒥᐅᑕᖅ, ᓄᓇᑦᓯᐊᕐᒥ, ᔮᓐ ᓄᒃᓴᓇ ᓄᑲᖅᖠᖅ. ᐅᖃᐅᔨᒋᐊᖅᐳᖅ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐊᓯᕈᒃᑕᐅᑎᑦᑎᑕᐃᓕᒪᓂᒧᑦ ᓴᓇᔭᒃᓴᖁᑎᓂ ᐃᓄᕕᐊᓗᐃᑦ ᐊᖏᖃᑎᒋᒍᑎᖓᓂ ᐊᕕᒃᑐᖅᓯᒪᓂᕐᒥ (ISR) ᐊᒻᒪᓗ ᐃᓘᓐᓇᖓᓂ ᐅᑭᐅᖅᑕᖅᑑᑉ. ᐊᓂᒍᖅᑐᓂ 14 ᐊᕐᕌᖑᓂ, ᔮᓐ ᐃᖃᓇᐃᔭᓚᐅᕐᒪᑦ ᓯᕗᓕᖅᑎᐅᓂᕐᒥ ᐃᖃᓇᐃᔭᖃᕐᓗᓂ ᐆᒪᔪᓕᕆᓂᕐᒥ ᐊᐅᓚᑦᑎᔨᐅᖃᑕᐅᓗᓂ ᐱᓕᕆᔾᔪᑎ ᐋᖅᑭᒃᑕᐅᓯᒪᔪᒥ ᓄᓇᑖᕈᑎᓂ ᐊᖏᖃᑎᒋᒍᑎᓂ ᐅᑯᓇᖓᑦ ᐃᓄᕕᐊᓗᐃᑦ ᐊᖏᖃᑎᒋᒍᑎᖓᓂ ᐊᕕᒃᑐᖅᓯᒪᓂᕐᒥ (ISR). ᐃᖃᓇᐃᔭᖅᓯᒪᓪᓗᓂ ᐱᖓᓲᔪᖅᑐᓂ ᐊᕐᕌᖑᓂ ᐃᓄᕕᐊᓗᐃᑦ ᐃᓚᒋᔭᐅᔪᓂ ᐃᖃᓗᓕᕆᓂᕐᒥ ᑲᑐᔾᔨᓗᑎᒃ ᐊᐅᓚᑦᑎᓂᕐᒥ ᑲᑎᒪᔨᕋᓛᓂ, ᐃᓚᒋᔭᐅᓪᓗᓂ ᐅᖃᐅᓯᖅᑕᖓ ᑭᖑᕝᕕᐅᑎᓯᒪᓗᓂ ᐃᒃᓯᕙᐅᑕᕆᔭᐅᓗᓂ. ᔮᓐ ᓯᕗᓕᖅᓯᓚᐅᕐᒪᑦ ᐃᖃᓇᐃᔭᒥᓂ ᓄᓇᓕᖕᓂ ᐊᐅᓚᑦᑎᓂᕐᒥ ᖃᑯᖅᑕᑦ ᕿᓚᓗᒐᐃᑦ ᐊᖑᓇᓱᐊᖅᑕᐅᓂᖏᓐᓂ ᖃᐅᔨᒪᒋᐊᕐᓂᕐᒧᑦ ᐱᓕᕆᔾᔪᑎᓂ ᐊᒻᒪᓗ ᐃᒪᕐᔪᒃ ᖃᐅᔨᒪᒋᐊᖅᓯᓂᕐᒧᑦ ᐱᓕᕆᔾᔪᑎᒥ ᐃᓄᕕᒃ−ᑐᒃᑐᔭᖅᑐᖅ ᐊᖅᑯᑎᕐᔪᖓᓂ ᐊᒻᒪᓗ ᕿᒧᒃᓯᕈᑎ ᕿᒻᒥᖅ ᑕᓯᕐᓂ, ᐊᓯᒋᒐᓗᐊᕐᒥᑎᓪᓗᓂᒋᑦ ᐊᒥᓱᑦ ᐊᓯᖏᑦ ᓴᓇᔭᒃᓴᐃᑦ. ᑭᒡᒐᖅᑐᐃᓯᒪᓪᓗᓂ ᐃᓄᕕᐊᓗᖕᓂᑦ ᑲᓇᑕᓕᒫᒥ ᐊᒻᒪᓗ ᐊᓛᔅᑲᒥ, ᐃᓚᒋᔭᐅᓪᓗᓂ ᐱᔨᑦᓯᕐᓗᓂ ᐃᓚᒋᔭᐅᓂᕐᒥᓄᑦ ᐃᓄᕕᐊᓗᖕᓂᑦ ᐃᓄᑉᐱᐊᑦ ᖃᑯᖅᑕᑦ ᕿᓚᓗᒐᕋᓱᐊᕐᓂᖏᓐᓂ ᐱᓕᕆᖁᔨᔪᑎᓂ. ᔮᓐ ᐱᓯᒪᒃᓯᕐᒥᖕᒪᑦ ᐃᖃᓇᐃᔭᒥᑦ ᐱᖁᑎᓕᕆᓂᕐᒥ ᐊᐅᓚᑦᑎᓂᕐᒥᑦ ᐃᓄᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖑᖅᑎᑕᐅᓯᒪᔪᒧᑦ. ᔮᓐ ᑐᒃᑐᔭᖅᑐᕐᒥᐅᑕᐅᕗᖅ ᓄᓕᐊᖓᓗ ᕿᑐᖓᖏᓪᓗ ᐊᒻᒪᓗ ᐱᕕᖃᕋᓱᐊᓱᖑᓪᓗᓂ ᐊᑐᕐᓂᓕᒫᖓᓂ ᐊᕐᕌᒍ ᐊᖑᓇᓱᐊᖅᐸᒡᓗᓂ, ᐃᖃᓪᓕᐊᖅᐸᒡᓗᓂ ᐊᒻᒪᓗ ᓯᓂᒃᑕᕆᐊᖅᐸᒡᓗᓂ. ᐱᓗᐊᖑᐊᖅᑐᒥᑦ ᖁᕕᐊᒋᔭᖃᕐᒪᑦ ᐱᕕᖃᕐᓂᕐᒥᓂᑦ ᖃᓂᒋᔭᒥᓂ ᐃᒪᕐᔪᒃ (ᕿᒧᒃᓯᕈᑎ ᕿᒻᒥᖅ ᑕᓯᕐᒥ) ᓇᔪᒐᕐᒥ ᐅᐱᕐᖔᒃᑯᑦ ᐱᖃᑎᒋᓗᓂᒋᑦ ᐃᓚᓂ ᐊᒻᒪᓗ ᐱᖃᓐᓇᕆᔭᓂ.

Maude Durand

ᐅᑭᐅᖅᑕᖅᑐᕐᒥ ᓴᓇᔭᒃᓴᒥᑦ ᐱᓕᕆᐊᓪᓗᐊᑕᓕᒃ

ᐱᓕᒪᒃᓴᓯᒪᓪᓗᓂ ᐃᓚᒋᓕᐅᔾᔨᓂᕐᒥ ᐊᕙᑎᓕᕆᓂᕐᒥᑦ ᐊᒻᒪᓗ ᐊᓐᓇᐅᒪᓇᓱᐊᕐᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐅᒥᐊᕐᔪᐊᒥᓂᓕᕆᓂᕐᒥ ᐃᑲᔪᖅᓱᐃᓗᓂ ᐊᒻᒪᓗ ᐊᔪᖏᓐᓂᖅᓴᐅᓕᖅᑎᑦᑎᓗᓂ ᓄᓇᓕᖕᓅᖓᔪᓂᑦ ᓄᖑᑎᑦᑎᑕᐃᓕᒪᓂᕐᒧᑦ ᓴᓇᔭᒃᓴᓂᑦ ᐅᑭᐅᖅᑕᖅᑐᖅ ᐊᕕᒃᑐᖅᓯᒪᓂᖓᓂ. ᐊᔪᖏᓛᑉ ᐃᓕᓐᓂᐊᖅᓯᒪᓂᖃᕐᓗᓂ ᐊᕙᑎᓕᕆᓂᕐᒥ ᓯᓚᑦᑐᖅᓴᕐᕕᒡᔪᐊᖓᓂ ᓱᕐᕗᕈᒃ, ᑕᐃᑲᓂ ᐃᓕᓴᓯᒪᓪᓗᓂ ᐱᓕᕆᐊᖃᓪᓗᐊᑕᕐᓗᓂ ᖃᓄᖅ ᓄᓇᖃᖅᑳᒃᓯᒪᔪᑦ ᓴᐳᒻᒥᔭᐅᓂᖏᓐᓂᑦ ᐊᒻᒪᓗ ᐊᓯᕈᒃᑎᑕᐅᑦᑕᐃᓕᒪᓗᑎᒃ ᓇᔪᒐᐃᑦ (IPCA) ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᕚᓪᓕᕈᑕᐅᔪᓐᓇᕐᒪᑦ ᑕᒪᒃᑭᖏᓐᓄᑦ ᓄᓇᓕᖕᓄᑦ ᐊᒻᒪᓗ ᐃᒪᕕᖕᒥ ᐆᒪᔫᖃᑎᒋᖕᓂᓕᕆᓂᕐᒥ. ᐅᒥᐊᕐᔪᐊᒥᓂᖅ ᐃᓂᖃᒃᑎᑕᐅᖕᒪᑦ ᒪᓐᑐᕆᐋᒥ, ᑯᐱᐊᒃ.

Alex Tesar

ᑐᓴᐅᒪᖃᑦᑕᐅᑎᔾᔪᑎᓂ ᐱᓕᕆᐊᓪᓗᐊᑕᓕᒃ

ᐊᓕᒃᔅ ᑎᓱᕐ ᐊᔪᕈᓐᓃᖅᓴᑎᑕᐅᔾᔪᑎᖓ ᐱᕙᓪᓕᐊᔪᓂᒃ ᑎᑎᖃᒃᑎᐅᓂᕐᒧᑦ ᐊᒻᒪᓗ ᐃᒪᕕᖕᒥ ᐊᑐᐊᒐᕐᓂᒃ ᐃᑲᔪᖅᓱᐃᔨᐅᓪᓗᓂ ᐊᒻᒪᓗ ᑐᓴᖅᑕᐅᑎᑦᑎᕙᒃᖢᓂ ᐃᖃᓇᐃᔭᕆᔭᒥᓂᒃ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᕐᒥ. ᖁᕕᐊᒋᔭᓕᒃ ᖃᐅᔨᓇᓱᐊᕐᓂᕐᒥᒃ ᐊᒻᒪᓗ ᓴᓇᓗᓂ ᐱᔪᒥᓇᕆᔭᐅᔪᒪᕆᐊᓗᖕᒥᒃ, ᖃᐅᔨᓇᓱᐊᕐᓂᕐᒥᒃ ᐅᓂᒃᑳᖅᓯᒪᔪᑦ ᐃᒪᕕᓕᕆᓪᓗᑎᒃ ᐊᒻᒪᓗ ᑕᐃᒃᑯᓂᖓ ᐃᓄᖃᑎᒋᓂᒃ ᑕᑎᖃᒃᑐᓂᒃ ᑕᒪᑐᒥᖓ. ᐃᓚᒋᔭᐅᓕᓚᐅᖅᑎᓐᓇᒍ ᑕᕆᐅᕐᔪᐊᓕᕆᔨᒃᑯᓐᓄᑦ ᐅᑭᐅᖅᑕᖅᑐᕐᒥ, ᐊᓕᒃᔅ ᐃᖃᓇᐃᔭᓚᐅᕐᒪᑦ ᑎᑎᕋᒃᑎᐅᓪᓗᓂ ᐊᒻᒪᓗ ᐱᕙᓪᓕᐊᔪᓕᕆᓯᒪᔪᓕᕆᔨᐅᓪᓗᓂ ᑐᕌᓐᑐᒥ. ᐃᖃᓇᐃᔭᕆᖃᑦᑕᖅᓯᒪᔭᖏᑦ ᐅᖃᓕᒫᒐᓕᐊᖑᓯᒪᔪᑦ ᒪᑯᓇᓂ The Walrus (ᐊᐃᕖᑦ), Nautilus (ᓇᐅᑎᓗᔅ) ᐊᒻᒪᓗ Canadian Encyclopedia (ᑲᓇᑕᒥ ᑐᓴᐅᒪᔪᑎᓕᕆᓯᒪᔪᓂ), ᐊᓯᒃᑲᓐᓂᕆᓘᔭᖏᓐᓂᓗ. ᐱᔪᓐᓇᖅᓯᓐᓂᕐᒥᔪᖅ ᐊᔪᖏᓐᓂᖅᐸᖑᓗᓂ ᓇᓗᓇᐃᑕᐅᔪᑎᒥ ᐃᒪᕕᖕᒥ ᐊᐅᓚᑦᑎᓂᕐᒥ ᑕᐃᑲᙵᑦ Dalhousie University (ᑕᓪᕼᐅᓯ ᓯᓚᑦᑐᖅᓴᕐᕕᒡᔪᐊᖓᓂᑦ), ᑕᐃᑲᖓᑦ ᐃᓕᓴᕕᒋᓚᐅᖅᑕᖓᓂᑦ ᖃᓄᐃᓘᖃᑎᒌᒡᓂᖏᓐᓂᒃ ᑕᒪᒃᑯᐊ ᖃᐅᔨᓇᓱᐊᖅᑎᑦ ᐊᒻᒪᓗ ᐃᓅᖃᑎᒋᑦ. ᐃᖃᓇᐃᔭᖅᑐᖅ ᕼᐅᓕᐸᒃᔅᒥ, ᓄᕙ ᓯᑰᓴᒥ.

Ruth Teichroeb

ᑐᓴᐅᒪᔾᔪᑎᓕᕆᓂᕐᒧᑦ ᑐᑭᒧᐊᖅᑎᑦᑎᔨ

ᐅᓂᒃᑳᕈᒻᒪᐅᓪᓗᓂ ᐆᒻᒪᑎᖓᓂ ᐱᓕᕆᐊᕆᕙᒃᑕᖓ ᕉᑦ ᑕᐃᒃᕈᐊᑉ ᑐᓴᐅᒪᔪᓕᕆᓂᕐᒧᑦ. ᑲᒪᒋᔭᐅᑎᑦᑎᕙᒻᒪᑦ ᐱᕙᓪᓕᐊᔪᓕᕆᓂᕐᒨᖓᔪᓂᑦ, ᐃᓗᓕᖃᒃᑐᓂᒃ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᐱᓕᕆᑦᑎᐊᕋᓱᐊᕐᓂᕐᒥᑦ ᑐᓴᐅᒪᖃᑎᒋᒍᑎᓂ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ. ᐃᖃᓇᐃᔭᕋᑖᓚᐅᖅᓯᒪᓪᓗᓂ ᐃᒪᕕᖕᒥ ᓄᖑᑕᐅᑎᑦᑎᑦᑕᐃᓕᒪᓂᓕᕆᓂᕐᒥ ᐅᑭᐅᖅᑕᖅᑐᕐᒥ ᐱᓕᕆᔾᔪᑎᒥ ᐊᒻᒪᓗ ᐃᒃᓯᕚᕐᕕᒃ ᐃᑲᔪᕋᓲᑕᐅᔪᓄᑦ ᑐᖅᑯᐃᕕᒻᒥᑦ ᐅᑭᐅᖅᑕᖅᑐᕐᒥ ᐱᓕᕆᔾᔪᑎᓂ. ᓯᕗᓂᖓᓂ ᑕᑦᓱᒪ, ᐱᓕᕆᔨᐅᓚᐅᖅᓯᒪᖕᒥᔪᖅ ᐅᖓᑖᓂ ᒪᕐᕉᒃ ᖁᓕᐅᔪᖅᑐᓂ ᐊᕐᕌᒍᓂ ᑐᓂᓯᔭᐅᓂᕐᒥ−ᓵᓚᒃᓴᐅᓯᐊᕈᑎᒥᑦ ᐱᕙᓪᓕᐊᔪᓕᕆᔨᐅᓂᕐᒧᑦ ᐅᖃᓕᒫᒐᖅᑎᒍ ᐱᕙᓪᓕᐊᔪᓕᕆᓂᕐᒥ ᑲᓇᑕᒥ ᐊᒻᒪᓗ ᐊᒥᐊᓕᒃᑲᓂ. ᑎᑎᕋᖅᑎᐅᕗᖅ ᓱᓕᔪᒧᑦ ᐅᖃᓕᒫᒐᕐᒧᑦ ᐊᒻᒪ ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥ ᑎᑎᖅᑐᒐᕐᓂᕐᒥ ᐳᕆᑎᔅ ᑲᓚᒻᐱᔭ ᓯᓚᑦᑐᖅᓯᕐᕕᒡᔪᐊᒥ. ᑲᓇᑕᒥᐅᑕᐅᓪᓗᓂᓗ ᒥᐊᓕᒐᕐᓂᓪᓗ, ᓯᐋᑐ, ᐅᐊᓯᖕᑕᓐᒥ ᐃᖅᑲᓇᐃᔭᖅᑐᖅ.

Debbie Bernhardt

ᐊᐅᓚᑦᑎᓂᕐᒧᑦ ᐊᒻᒪ ᑮᓇᐅᔭᕐᓂᒃ ᐊᐅᓚᑦᑎᔨ

ᐊᕙᑎᓄᑦ ᐅᑭᐅᓄᑦ ᐅᖓᑖᓄᑦ ᐱᓕᕆᓂᑰᓪᓗᓂ ᑮᓇᐅᔾᔭᕋᓱᐊᖅᑐᓄᑦ ᐊᒻᒪ ᑮᓇᐅᔾᔭᕋᓱᐊᙱᑦᑐᓄᑦ ᐃᖅᑲᓇᐃᔭᕐᕕᓐᓂ, ᑎᐊᐱ ᐴᓐᕼᐋᑦ ᐱᓕᕆᔨᒻᒪᕆᐅᕗᖅ ᐊᐅᓚᑦᑎᓂᕐᒥᑦ, ᑮᓇᐅᔭᕐᓂ ᓈᓴᐃᓂᕐᒥ ᐊᒻᒪ ᑮᓇᐅᔭᓕᕆᓂᕐᒥᑦ. ᓇᓗᓇᐃᒃᑯᑕᖃᖅᐳᖅ ᑮᓇᐅᔭᓕᕆᔨᐅᓂᕐᒥᑦ, ᓈᓴᐃᔨᐅᓂᕐᒥ, ᓇᓗᓇᐃᒃᑯᑕᖃᖅᑐᓂᓪᓗ ᐅᓗᕆᐊᓇᖅᑐᒥ ᐊᐅᓚᑦᑎᓂᕐᒥ. ᐋᑐᐊ, ᐊᓐᑎᐅᕆᔫᒥ ᐃᖅᑲᓇᐃᔭᖅᑐᖅ.