Our Team
Mary Simon
ᐃᒃᓯᕙᐅᑕᖅ
ᒥᐊᓕ ᓴᐃᒪᓐ ᐊᖓᔪᖅᑳᕆᔭᐅᓂᑰᔪᖅ ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑲᓇᑕᒥ ᐃᓄᓐᓄᑦ ᑲᑐᔾᔨᖃᑎᒌᖑᔪᑦ ᑕᐃᑲᓂ ᓯᕗᓕᖅᑎᐅᓚᐅᖅᑐᖅ 2006-ᒥ 2012-ᒧᑦ. ᐃᓄᐃᑦ ᑲᓇᑕᒥ ᑕᐱᕇᒃᑯᓐᓃᕆᖅᑎᓪᓗᒍ, ᐃᒃᓯᕙᐅᑕᕆᔭᐅᓚᐅᖅᑐᖅ ᑲᓇᑕᒥ ᑲᑎᒪᔨᕋᓛᓄᑦ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐱᓕᕆᐊᒃᓴᖃᖅᑎᑕᐅᓪᓗᑎ ᐊᑐᓕᖅᑎᑦᑎᓂᕐᒥᑦ ᑲᓇᑕᒥ ᐸᕐᓇᐅᑎᒥ ᐱᐅᓯᕚᓪᓕᖅᑎᑦᑎᓂᕐᒥᑦ ᐃᓄᐃᑦ ᐃᓕᓐᓂᐊᖅᐸᓐᓂᖏᓐᓄᑦ ᒪᓕᒋᐊᓕᖕᓂ ᐊᒻᒪ ᑎᑭᐅᒪᔭᐅᔪᓂ. 2016-ᒥ, ᑎᓕᔭᐅᓚᐅᖅᑐᖅ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᒥᓂᔅᑕᖓᓐᓄᑦ ᑭᐊᕈᓚᓐ ᐸᓇᑦ ᒥᓂᔅᑕᐅᑉ ᑭᒡᒐᖅᑐᐃᔨᒋᓪᓗᓂᐅ ᐃᑲᔪᖁᔭᐅᓪᓗᓂ ᐋᖅᑭᒃᓱᐃᓂᕐᒥᑦ ᓄᑖᒥ ᐊᑐᖅᑕᐅᖃᑎᒌᓂᐊᖅᑐᒥ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᕐᒧᑦ ᐆᒃᑑᑎᒥ ᓴᓇᔭᐅᓪᓗᓂ ᐊᖏᕈᑕᐅᓯᒪᔪᓂ ᒥᐊᓕᒐᕐᓂ−ᑲᓇᑕᒥ ᑲᑐᔾᔨᖃᑎᒌᓂᕐᒧᑦ ᐅᖃᐅᓯᕆᔭᐅᔪᒥ ᓯᓚᓕᕆᓂᕐᒧᑦ, ᐆᒻᒪᖅᑯᑎᓄᑦ ᐊᒻᒪ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᕐᒧᑦ. ᖃᐅᔨᓚᐅᖅᑕᖏᑦ ᓴᖅᑮᓚᐅᖅᑕᖏᑦ ᑭᖑᓪᓕᖅᐹᖅᓯᐅᑎᒥ ᐅᓂᒃᑳᒥ ᒫᑦᓯ 2017-ᒥ. 40 ᐊᕐᕌᒍᐃᑦ ᐅᖓᑖᓄᑦ ᖁᑦᑎᕆᐊᖅᑎᕆᓚᐅᖅᑐᖅ ᐃᓅᓯᕐᒧᑦ, ᑮᓇᐅᔾᔭᓂᕐᒧᑦ ᐊᒻᒪ ᐃᓄᐃᑦ ᐱᔪᓐᓇᐅᑎᖏᓐᓂ ᐃᓱᒫᓘᑎᒋᔭᐅᔪᓂ ᑲᓇᑕᐅᑉ ᐃᓄᖏᓐᓄᑦ ᐊᕕᒃᑐᖅᓯᒪᔪᓂ, ᑲᓇᑕᒥ ᐊᒻᒪ ᓯᓚᑖᓂ. ᐊᒥᓱᓂᑦ ᖁᑦᑎᓂᖅᓴᓂ ᓯᕗᓕᖅᑎᐅᓂᑰᔪᖅ ᐃᓚᒋᓪᓗᓂᐅᒃ ᐊᖓᔪᖅᑳᖑᓂᑯ ᒪᑭᕕᒃ ᑯᐊᐳᕇᓴᒃᑯᓐᓄ, ᓄᓇᑖᓂᕐᒧᑦ ᑲᑐᔾᔨᖃᑎᒌᖑᔪᑦ ᓄᓇᕕᒻᒥ, ᐊᖓᔪᖅᑳᖑᒧᓂ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ ᐊᒻᒪ ᑲᓇᑕᒥ ᑭᒡᒐᖅᑐᐃᔨᒻᒪᕆᐅᓚᐅᖅᑐᖅ ᐅᑭᐅᖅᑕᖅᑐᓕᕆᓂᕐᒨᖓᔪᓂ ᐊᒻᒪ ᑭᒡᒐᖅᑐᐃᔨᒻᒪᕆᐅᓂᑰᓪᓗᓂ ᑖᓐᒫᒃᒧᑦ. ᑲᓇᑕᒥᐅᑦ ᐋᔩᖃᑎᖃᖅᑎᓪᓗᒋᑦ ᓴᖅᑮᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔨᓂ ᓯᕗᓕᖅᑎᐅᓚᐅᖅᑐᖅ ᑕᐃᑲᓂ 1990 ᕿᑎᑉᐸᓯᐊᓂ. ᐱᓕᕆᔨᐅᔪᖅ ᑎᓕᔭᐅᓯᒪᓂᕐᒧᑦ ᑲᓇᑕᒥ, ᑐᓂᔭᐅᓂᑰᔪᖅ ᑲᓇᑕᒥ ᑎᓕᔭᐅᓯᒪᓂᕐᒧᑦ ᑯᐊᐸᒃᒥ, ᒎᓗᒥ ᑎᓕᔭᐅᓯᒪᓂᕐᒧᑦ ᐊᑯᑭᑦᑐᓂ, ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᑎᑭᐅᒪᑦᑎᐊᓯᒪᓂᕐᒧᑦ, ᒎᓗᒥ ᑎᓕᔭᐅᓯᒪᓂᕐᒧᑦ ᑲᓇᑕᒥ ᓄᓇᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂ, ᓴᐃᒪᓐ ᐅᔭᒥᖓᓂ ᐊᒻᒪ ᑯᐃᑉ ᑭᒡᒐᖅᑐᐃᔨᖓᑕ ᐅᑭᐅᖅᑕᖅᑐᒥ ᐃᓕᓴᕆᔭᐅᔾᔪᓯᐊᒥ. ᐃᓚᓕᐅᔾᔭᐅᓯᒪᔪᑦ ᓄᓇᕐᔪᐊᕐᒥ ᐊᕐᓇᓄᑦ ᐃᓕᓴᕆᔭᐅᓂᖅᐹᖑᔪᓄᑦ ᐊᒻᒪ ᐃᓚᒋᔭᐅᓪᓗᓂ ᐅᑭᐅᖅᑕᖅᑐᒥ ᐱᓕᕆᕝᕕᒻᒥ ᓄᐊᔅ ᐊᒥᐊᓕᑲᒥ ᐊᒻᒪ ᕆᐃᔪᓪ ᑲᓇᑕᒥ ᓄᓇᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ. ᐃᓚᒋᔭᐅᓂᑰᔪᖅ ᓴᖅᑮᓂᕐᒥᑦ ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ.
Chris Mills
ᑮᓇᐅᔭᓕᕆᔨ
ᑯᕆᔅ ᒥᒃᐅᔅ ᐱᔭᒃᓴᖃᖅᑐᖅ ᑮᓇᐅᔭᓕᕆᓂᕐᒧᑦ ᖃᐅᔨᑕᐅᓂᕐᒧᑦ ᐃᑲᔪᖃᑦᑕᖅᑐᖅ ᖃᑕᖑᑎᒌᓂᒃ ᐃᓚᒌᓂᒃ ᐊᒻᒪ ᑎᒥᐅᔪᓂᒃ ᑐᑭᓯᐊᑦᑎᐊᖁᓪᓗᒋᑦ ᐊᑐᒃᑐᖅᑕᐅᓂᕐᒧᑦ ᓇᖕᒥᓂᖅ ᑮᓇᐅᔭᓕᐅᕋᓱᒍᑎᖏᓐᓂᒃ ᖄᖓᒍᑦ ᓯᓚᕐᔪᐊᒥ ᐃᓕᖓᔪᑦ ᒪᓕᒃᖢᒋᑦ. ᕿᒥᕐᕈᓇᑦᑎᐊᖅᐸᒃᑐᒋᑦ ᐊᕙᑎᓕᕆᓂᕐᒧᑦ ᐊᒃᑐᐊᔪᑦ (ESG) ᐱᔾᔪᑎᖏᑦ, ᑯᕆᔅ ᐱᓕᕆᖃᑎᒋᔭᖏᓪᓗ ᐃᑲᔪᐃᖃᑦᑕᖅᑐᑦ ᐱᔾᔪᑎᔭᖏᓐᓂᒃ ᐊᑐᕐᓂᕐᒥᑦ ᐊᒃᖢᐃᓕᓴᕈᒪᓂᕐᒥᑦ ᓴᖅᑭᑦᑎᓗᑎᒃ ᓱᓕᔪᓂᒃ ᐊᓯᔾᔨᕐᓂᕐᒧᑦ ᖄᖓᒍᑦ ᑮᓇᐅᔭᓕᐅᕐᓂᕐᒧᑦ ᐱᕈᖅᓴᐃᓗᑎᒃ. ᑯᕆᔅ ᐃᓕᓐᓂᐊᖅᓯᒪᔪᑦ ᐸᐃᑉᐹᖁᑎᓕᒃ ᐃᓕᓐᓂᐊᕌᓂᒍᑎᐊᓂᒃ ᑮᓇᐅᔭᓕᕆᔨᐅᓂᕐᒥᑦ ᐅᑯᓇᖓᑦ ᓯᓚᑦᑐᖅᓴᕐᕕᒃᔪᐊᖓᓐᓂᒃ ᓅᔪᐊᒃ ᐊᒻᒪᓗ ᐃᓕᑕᕆᔭᐅᓯᒪᔪᒥᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᑮᓴᐅᔭᓂᒃ ᐱᕈᖅᓴᐃᓂᕐᒧᑦ ᐊᐅᓚᑦᑎᔨᐅᓂᕐᒥᓪᓗ, ᐱᓕᕆᐊᖏᑦ ᐊᐅᓚᑦᑐᑎᔨ, ᐊᒻᒪ ᐱᔭᒃᓴᓕᒃ ᖄᖓᒍᑦ ᐱᕈᖅᓴᐃᖃᑦᑕᕐᓂᕐᒧᑦ ᑮᓇᐅᔭᓂᒃ ᖃᐅᔨᒪᔨᑕᐅᓪᓗᓂ. ᓚᐃᓴᖃᖅᑐᖅ ᐃᑲᔪᐃᔪᓐᓇᕐᓂᕐᒥᑦ ᑮᓇᐅᔭᓂᒃ ᐱᕈᖅᓴᐃᔪᒪᔪᓂᒃ ᑕᒪᐃᓐᓂ ᐃᖓᓚᒥ ᐊᒻᒪᓗ ᖃᓇᑕᒥ. ᑯᕆᔅ ᓄᓇᓕᒃ ᒫᓐᓇ ᕙᓐᑰᕙ, ᑲᓇᑕᒥ.
Peter Harrison
ᑐᖏᓕᐊ ᐃᒃᓯᕙᐅᑕᖅ
ᓘᒃᑖᖅ ᐲᑕ ᕼᐋᕆᓴᓐ ᐃᓕᓴᐃᔨᒻᒪᕆᐅᔪᖅ ᐃᓕᓐᓂᐊᕐᕕᖕᒥ ᐊᑐᐊᒐᓕᕆᓂᕐᒧᑦ ᑯᐃᓐ ᓯᓚᑦᑐᖅᓯᕐᕕᒡᔪᐊᖓᓂ ᑭᖕᔅᑕᓐ, ᐋᓐᓂᐅᕆᔫᒥ, ᑲᓇᑕᒥ. ᖁᑦᑎᓂᖅᐹᒥ ᐃᓕᓴᕆᔭᐅᔾᔪᓯᐊᓕᒃ ᓄᓇᓕᕆᓂᕐᒧᑦ ᑕᐃᑲᙵ ᐅᐊᓯᖕᑕᓐ ᓯᓚᑦᑐᖅᓯᕐᕕᒡᔪᖓᓂ ᓯᐋᑐ, ᐅᐊᓯᖕᑕᓐᒥ 1973-ᒥ. 30-ᑲᓴᖕᓄᑦ ᐅᑭᐅᓄᑦ ᖁᑦᑎᓂᖅᓴᒥ ᒐᕙᒪᓕᕆᔨᐅᓂᑰᓪᓗᓂ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂ, ᑎᓕᔭᐅᓚᐅᖅᑐᖅ ᒥᓂᔅᑕᐅᑉ ᑐᒡᓕᐊᓄᑦ ᓄᓇᒥᙶᖅᑐᑦ ᑲᓇᑕᒥᒃᑯᓐᓂ ᐊᒻᒪ ᐃᖅᑲᓇᐃᔭᓚᐅᖅᑐᖅ ᐃᒪᕐᒥᐅᑕᓕᕆᔨᒃᑯᓐᓄᑦ, ᖁᑦᑎᓂᖅᓴᒥ ᖃᐅᔨᓴᖅᑎᐅᓚᐅᖅᑐᖅ ᑕᕆᐅᕐᔪᐊᓕᕆᔨᒃᑯᓐᓄᑦ ᑲᓇᑕᒥ ᖃᐅᔨᓴᖅᑎᒃᑯᑦ ᑲᑎᒪᔨᖏᓐᓄᑦ ᑲᓇᑕᒥ ᐊᒻᒪ ᐊᓪᓚᐃᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᓂᖏᓐᓄᑦ ᐋᖅᑭᒃᓱᐃᓇᓱᒃᑎᒃᑯᑦ ᑲᓇᑕᒥ. ᖁᑦᑎᓂᖅᓴᓂ ᐃᖅᑲᓇᐃᔮᖃᖃᑦᑕᕐᓂᑰᖕᒥᔪᖅ ᑮᓇᐅᔭᓕᕆᔨᒃᑯᓐᓂ, ᓄᓇᖃᖅᑳᖅᑐᓕᕆᔨᒃᑯᓐᓂ, ᐄᑲᒪᑖᒃᓯᓕᕆᔨᒃᑯᑦ ᑲᓇᑕᒥ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᕙᓪᓕᐊᑎᑦᑎᓂᕐᒧᑦ ᑲᓇᑕᒥ. ᑎᑎᕋᖅᑎᐅᓂᑰᔪᖅ ᓯᕗᓪᓕᐅᔾᔭᐅᔭᕆᐊᓕᖕᓄᑦ ᐊᒻᒪ ᐸᕐᓇᐃᓂᕐᒧᑦ ᑲᑎᒪᔨᕋᓛᓄᑦ ᒐᕙᒪᑐᖃᒃᑯᑦ ᒥᓂᔅᑕᐅᑎᖏᓐᓄᑦ ᐃᓱᒻᒥᖅᑐᐃᔩᑦ ᑎᑎᕋᕐᕕᖓᓂ, ᐃᑲᔪᓚᐅᖅᑐᖅ ᑲᓇᑕᒃᑯᓐᓂ ᓄᓇᕐᔪᐊᕐᒥ ᐱᓕᕆᔨᓄᑦ ᒪᓕᒐᕐᒧᑦ ᑕᕆᐅᕐᒧᑦ ᐊᒻᒪ ᑕᑯᓚᐅᖅᑐᖅ ᑮᓇᐅᔭᕐᓂᒃ ᐊᑐᖅᑕᐅᔪᓂ $150 ᒥᓕᔭᓐᓂᒃ ᓄᓇᕐᔪᐊᕐᒥ ᓯᓚᕐᔪᐊᕐᒥ ᐅᑭᐅᖅᑕᖅᑐᓕᕆᓂᕐᒧᑦ ᐊᕐᕌᒍᖓᓂ (IPY). 2012-ᒥ, ᓘᒃᑖᖅ ᕼᐋᕆᓴᓐ ᐃᒃᓯᕙᐅᑕᐅᓚᐅᖅᑐᖅ ᓄᓇᕐᔪᐊᕐᒥ ᓯᓚᕐᔪᐊᕐᒥ ᐅᑭᐅᖅᑕᖅᑐᓕᕆᓂᕐᒧᑦ ᐊᕐᕌᒍᖓᓂ (IPY) ᑲᑎᒪᓂᐅᔪᒥ “ᖃᐅᔨᒪᓂᕐᒥᑦ ᐱᓕᕆᐊᖃᓂᕐᒧᑦ” ᒪᓐᑐᕆᔮᒥ.
John Lounds
ᑲᑎᒪᔨ
ᔮᓐ ᓚᐅᓐᔅ ᓯᕗᓂᒥ ᐊᖓᔪᖅᑳᖑᓚᐅᖅᑐᖅ ᐊᒻᒪᓗ ᐊᒡᓚᒡᕕᖕᒥᑦ ᐊᐅᓚᑦᑎᔾᔪᑎᓂᒃ ᐊᐅᓚᑦᑎᔨᐅᓂᒥᑦ ᐅᑯᓄᖓ ᓯᓚᒥ ᐆᒪᔪᓂᑦ ᓴᐳᒻᒥᔨᐅᕐᒥᑦ ᓄᓇᒥᓪᓗ ᑲᓇᑕᒥ. ᓯᕗᓕᖅᑎᐅᑎᓪᓗᒍ ᐱᓕᕆᐊᑐᖃᖓᓂ ᐊᒡᓚᒡᕕᖕᒥᑦ ᐊᐅᓚᑦᑎᔾᔪᑎᓂᒃ ᐊᐅᓚᑦᑎᔨᐅᓂᒥᑦ ᐱᕈᖅᐸᓪᓕᖅᓯᒪᔪᑦ ᐱᓕᕆᐊᕆᓚᐅᖅᑕᖏᑦ ᐊᖏᔪᒥᑦ, ᐱᕈᖅᓴᐃᓪᓗᓂᓗ ᐅᖓᑖᓄᑦ $1 ᐱᓕᔭᓐ ᒪᑯᓄᖓ ᓴᐳᒻᒥᔨᐅᕐᓂᕐᒧᑦ ᐱᓕᕆᐊᓂ ᓴᐳᒻᒥᔾᔪᑎᐅᔪᑦ ᐅᖓᑖᓄᑦ 14 ᒥᓕᔭᓐ ᕼᐊᒃᑎᐅ ᐱᒻᒪᕆᐅᔪᑦ ᓄᓇᐃᑦ ᐊᒻᒪᓗ ᐃᒪᒥ ᐃᓕᖓᔪᑦ ᐊᖏᔪᐊᓗᐃᑦ. ᓯᕗᓂᐊᓂ ᑕᒪᒃᑯᐊ, ᑐᑭᒧᐊᒃᑎᑦᑎᔨᐅᓚᐅᖅᑐᖅ ᐅᑯᓄᖓ ᑎᒥᐅᔪᒥᑦ ᐋᓐᑎᐊᕆᔭᒥ ᓄᓇᒥᐅᑕᐅᔪᑦ ᓯᓚᒥᓗ ᑭᓱᑐᐃᓐᓇᐅᐃᑦ ᐊᒃᑐᐊᔪᑦ ᑕᒪᑦᓱᒧᖓ (ᒫᓐᓇ ᐋᑦᑎᐊᕆᔭ ᓴᐳᒻᒥᕕᒃ ᐆᒪᔪᓄᑦ ᐱᕈᖅᑐᓄᑦ ᐊᓯᖏᓐᓄᓪᓗ ᑕᑯᓇᒃᕕᒃ ᓄᓇᒥ). ᔮᓐ ᐱᔨᑦᑎᖅᓯᒪᔪᖅ ᐃᓚᒋᔭᐅᓪᓗᓂ ᑲᓇᑕᓕᒫᒥ ᖃᐅᔨᒪᔨᐅᖃᑕᐅᓂᕐᒧᑦ ᐅᖃᐅᔾᔪᐃᔨᐅᓂᕐᒧᓪᓗ ᓈᓚᒃᑎᓄᑦ ᑲᑎᒪᔨᑦ, ᓄᓇᒥ ᓴᐳᓪᒥᔭᐅᔪᓄᑦ, ᓯᓚᖅᑐᖅᓴᕐᕕᔾᔪᐊᖓ ᑕᐃᑲᓂ Waterloo, ᐋᓐᑎᐊᕆᔭ ᑲᑎᒪᔨᖏᓐᓄᑦ ᐊᐅᓚᑦᑎᔨᑦ, ᐊᒻᒪᓗ ᑲᑎᒪᔨᖏᑦᓄᑦ ᐅᑯᐊ Metcalf ᑮᓇᐅᔭᖃᖅᑎᑦᑎᔨᖏᓐᓄᑦ. ᐸᐃᑉᐹᖁᑎᐊᖅᑐᖅ ᖁᑦᑎᒃᑐᓄᑦ ᐃᓕᓴᕐᓂᕐᒥᑦ ᐊᕙᑎᓕᕆᓂᕐᒧᑦ ᐅᕙᓐᖓ ᓅᔪᐊᒃ ᓯᓚᖅᑐᖅᓴᕐᕕᒃᔪᐊᖓᓐᓂᒃ. ᔮᓐ ᒫᓐᓇ ᓄᓇᓕᒃ Whitby, ᐋᓐᑎᐊᕆᔭ ᐊᒻᒪᓗ ᐅᐱᒍᓱᒃᑐᖅ ᐱᒻᒪᕆᓪᓗᓂᐅᒃ ᓄᓕᐊᓂ ᐃᐊᓚᓐ ᒪᑯᕇ ᐊᒻᒪᓗ ᐊᑖᑕᐅᓂᕐᒥᑦ ᐱᐅᔪᐊᓗᖕᓂᑦ ᓄᑕᕋᖏᓐᓄᑦ: ᐊᐃᒥ, ᓯᑳᑦ, ᒥᓚᓂ ᐊᒻᒪ ᐃᐊᑦ.
Lucy Hargreaves
ᑲᑎᒪᔨ
ᓘᓯ ᓯᕗᓕᖅᑎᒻᒪᕆᐅᕗᖅ, ᖃᓄᖅᑑᕈᓐᓇᑦᑎᐊᖅᑐᖅ, ᐊᐅᓚᑦᑎᔨᐅᓪᓗᓂᓗ ᐊᕙᑎᑦ (20) ᐊᕐᕌᒍᑦ ᐅᖓᑖᓄᑦ ᓄᓇᕐᔪᐊᓕᒫᒥᑦ ᐱᓕᕆᓂᑰᔪᖅ ᓯᓚ ᐱᔾᔪᑎᒋᓪᓗᒍ ᖃᓄᐃᓕᐅᕆᐊᕐᓂᕐᒧᑦ ᐊᒻᒪᓗ ᑲᔪᓯᓂᖃᑦᑎᐊᕐᓂᕐᒥᑦ ᑲᑐᔾᔨᖃᑎᒌᖑᔪᓂᑦ ᑕᒡᕙᙵᑦ ᓄᓇᕐᔪᐊᕐᒥᑦ ᑲᑎᒪᔨᓂᑦ ᑕᐃᑯᖓ ᖃᕋᓴᐅᔭᓕᕆᓂᕐᒧᑦ ᓴᓇᔪᓕᕆᓂᕐᒧᑦ. ᑕᑎᒋᔭᐅᑦᑎᐊᕈᓐᓇᖅᑐᖅ ᐊᒻᒪᓗ ᐱᔭᐅᔪᒪᔪᒻᒪᕆᐅᓲᖅ ᐅᖃᐅᔾᔪᐃᔨᐅᓂᕐᒥᓄᑦ ᖁᑦᑎᓂᖅᓴᒥᑦ ᒐᕙᒪᓄᑦ− ᐊᒻᒪᓗ ᓇᖕᒥᓂᕆᔭᐅᔪᓂᒃ ᓯᕗᓕᖅᑎᓄᑦ ᒫᓐᓇᒫᖑᓚᐅᖅᑐᒥᓗ ᐊᕐᕌᒍᓄᑦ ᑕᓪᓕᒪᓄᑦ ᖁᑦᑎᓂᖅᓴᒥᑦ ᒐᕙᒪᓕᕆᓂᕐᒧᑦ ᐅᖃᐅᔾᔨᒋᐊᖅᑎᐅᓂᕐᒥᑦ ᐊᒥᓱᓄᑦ ᒐᕙᒪᑐᖃᒃᑯᑦ ᒪᓕᒐᓕᐅᕐᕕᒡᔪᐊᖓᓂ ᒥᓂᔅᑕᓄᑦ. ᓘᓯ ᕿᒪᒃᓯᓚᐅᖅᑐᖅ ᒐᕙᒪᓕᕆᓂᕐᒥᑦ 2021-ᒥᑦ ᒫᓐᓇᐅᓕᖅᑐᕐᓗ ᓯᕗᓕᖅᑎᐅᔪᖅ ᐃᓄᓕᒫᓄᑦ ᐱᓕᕆᓂᕐᒧᑦ ᐊᒻᒪᓗ ᐊᑐᐊᒐᓕᕆᓂᕐᒧᑦ ᑕᐃᑲᓂ Patch, ᐸᐅᕐᓂᒃ ᐲᔭᐃᒐᓱᐊᖅᑎᓂᒃ ᐱᔪᓐᓇᖅᑎᑦᑎᓲᖅ ᓇᖕᒥᓂᕆᔭᐅᔪᓂᒃ ᓯᓚ ᐱᔾᔪᑎᒋᓪᓗᒍ ᖃᓄᐃᓕᐅᕆᐊᕐᓂᕐᒥᑦ ᓱᒃᑲᓕᔪᒥᑦ ᐊᒻᒪᓗ ᐱᔭᕆᐊᑭᑦᑐᒃᑯᑦ. ᓘᓯ ᓇᓗᓇᐃᒃᑯᑕᖃᖅᐳᖅ ᖁᑦᑎᖕᓂᖅᐹᒥᑦ ᒐᕙᒪᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᑲᓚᒻᐱᐊ ᓯᓚᑦᑐᖅᓴᕐᕕᒡᔪᐊᖓᓂ, ᐃᓕᓐᓂᐊᓚᐅᖅᑐᖅ ᕘᓪᐳᕋᐃᑦ ᔅᑳᓘᕐᓗᓂ.
Contact
Fred Whoriskey
ᑲᑎᒪᔨ
ᓇᓕ ᑕᑉᑕᖁᑦ ᑯᓱᒐᖅ ᐃᓱᓕᑦᑎᓯᒪᔪᖅ, ᐅᖃᐅᓯᕐᓄᑦ ᐃᓕᓴᐃᔨᒻᒪᕆᐅᔪᖅ ᖃᐅᔨᒪᓂᖃᑦᑎᐊᖅᑐᖅ ᐱᖅᑯᓯᑐᖃᕐᓂᒃ ᐊᒻᒪᓗ ᐃᓕᖅᑯᓯᕐᒥᑦ ᐃᓕᓐᓂᐊᖅᑎᑦᑎᓂᕐᒥᑦ. ᐃᓅᓚᐅᖅᓯᒪᔪᖅ 1955-ᒥᑦ ᑐᐱᕐᒥᑦ ᐃᐊᔅᑭᒧ ᐳᐃᓐᑦᒥᑦ, ᒫᓐᓇᐅᓕᖅᑐᖅ ᐊᕐᕕᐊᑦ.
ᐅᖃᕈᓐᓇᑦᑎᐊᖅᑐᖅ ᑕᒪᐃᓐᓂᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ, ᓇᓕ ᐃᓕᓴᐃᔨᒻᒪᕆᐅᓚᐅᖅᑐᖅ ᐊᕐᕌᒍᒐᓴᖕᓄᑦ. ᐃᓕᓴᐃᔨᐅᓂᑰᔪᖅ ᐃᓕᓐᓂᐊᕐᕕᖕᓂᒃ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥᑦ ᓯᓚᑦᑐᖅᓴᕐᕕᖓᓂ. ᓯᓚᑦᑐᖅᓴᕐᕕᖕᒥᑦ, ᓇᓕ ᐃᓕᓐᓂᐊᖅᑎᑦᑎᓚᐅᖅᑐᖅ ᐊᔾᔨᒌᙱᑦᑐᓂᒃ ᐃᓕᓐᓂᐊᕈᑎᒃᓴᓂᑦ ᑐᕌᒐᖃᖅᖢᓂ ᓄᓇᕗᑦ ᐃᓕᓴᐃᔩᑦ ᐃᓕᓐᓂᐊᕈᑎᒃᓴᖓᓂ. ᐃᓱᓕᑦᑎᓐᓂᑰᔪᖅ ᑕᐃᔅᓱᒥᖓ ᐃᓕᓐᓂᐊᕈᑎᒥᑦ, ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᕌᓂᒍᓯᐊᖅᓯᒪᓪᓗᓂ ᓄᓇᕗᑦ ᐅᑭᐅᖅᑕᖅᑐᒥᑦ ᓯᓚᑦᑐᖅᓴᕐᕕᖓᑎᒍᑦ ᐊᒻᒪᓗ ᒥᒃᒋᐅᓪ ᓯᓚᑦᑐᖅᓴᕐᕕᒡᔪᐊᖓᑎᒍᑦ 1996-ᒥᑦ, ᑕᐃᑲᓂ ᐃᓕᓴᐃᔨᒻᒪᕆᐅᖃᑕᐅᓚᐅᖅᑐᖅ.
2010-ᒥᑦ, ᑯᓱᒐᖅ ᐃᓕᔭᐅᓚᐅᖅᑐᖅ ᑲᒥᓴᓇᐅᑉ ᑐᒡᓕᐊᓄᑦ ᓄᓇᕗᒻᒥᑦ ᐃᓂᖓᓃᓚᐅᖅᑐᖅ ᑕᐃᑯᖓ 2015. ᕿᓚᒥᑯᓗᒃ ᑲᒥᓴᓇᐅᓚᐅᑲᓚᐅᖅᑐᖅ 2010-ᒥᒃ ᐊᒻᒪᓗ ᐃᓕᔭᐅᓚᐅᖅᑐᖅ ᑕᓪᓕᒪᒋᔭᐅᔪᒥᒃ ᑲᒥᓴᓇᐅᓂᕐᒧᑦ ᓄᓇᕗᒻᒥᑦ 2015-ᒥᑦ 2020-ᒧᑦ.
ᓇᓕ ᐸᓂᒋᔭᐅᔪᖅ ᔮᓂ ᐊᒻᒪᓗ ᕉᑕ ᖃᕆᑕᕐᒧᑦ. ᐊᑖᑕᖓ RCMP-ᑯᓐᓄᑦ ᐸᓕᐅᓯᐅᖃᑕᐅᓚᐅᖅᑐᖅ. ᐅᐃᖃᓚᐅᖅᑐᖅ ᐃᓅᒍᓐᓃᖅᓯᒪᓕᖅᑐᒥᑦ ᔫᓯ ᑯᓱᒐᕐᒥᑦ ᐱᕈᐃᖃᑎᒋᓚᐅᖅᑖ ᑎᓴᒪᓂᒃ ᕿᑐᕐᖓᓂᑦ − ᐊᓖᓴ, ᐳᔾᔫᑦ, ᐊᓛᓇ, ᐊᒻᒪᓗ ᔅᐸᓱᓪ. 13-ᓂᒃ ᐃᕐᖑᑕᖃᓕᖅᑐᖅ ᐊᒻᒪᓗ ᐱᖓᓱᓂᒃ ᐃᓗᓕᖃᓕᖅᖢᓂ.
ᓇᓕ ᐊᓯᐅᔨᖁᔨᖏᑦᑐᖅ ᐊᒻᒪᓗ ᓴᙱᓂᖅᓴᐅᓕᖁᔭᖓ ᐃᓄᐃᑦ ᐃᓕᖅᑯᓯᖓ, ᐱᖅᑯᓯᖓ, ᐊᒻᒪᓗ ᐅᖃᐅᓯᖓ: “ᐳᐃᒍᓚᐅᖅᓯᒪᑦᑕᐃᓕᒋᑦ ᓇᑭᙶᕐᒪᖔᖅᐱᑦ ᐊᒻᒪᓗ ᑭᓇᐅᖕᒪᖔᖅᐱᑦ.”