ᔭᐃᒻᔅ ᕼᐃ, ᖃᐅᔨᒪᔭᐅᔪᖅ ᕗᐃᓂᐱᒃᒥ ᐊᓪᓚᐃᑦ ᑯᕇᓂᒃ ᐊᒻᒪᓗ ᕕᓂᐱᒃᒥ ᑲᓇᖕᓇᕐᒥᐅᓄᑦ ᑯᕇᓄᑦ, ᐅᕙᓃᖢᓂ ᑲᓇᑕᐅᑉ ᐅᑭᐅᕐᑕᖅᑐᖓᑕ ᑕᕆᐊᖓᑕ ᓂᒋᐊᓃᓛᖑᓪᓗᓂ.
ᐊᑦᑕᑕᕈᑎ ᐅᑭᐅᕐᑕᖅᑐᕐᒥ ᓂᒋᕐᒥᐅᓄᑦ
ᐃᓚᖏᓐᓄᑦ ᐅᖃᐅᓯᐅᕙᒃᑐᖅ ᓄᓇᖅᐸᓯᖕᒥᑦ ᑕᕆᐅᖑᓂᖓᓂᒃ, ᐊᓯᖏᓐᓄᓪᓕ ᐅᖃᐅᓯᐅᓪᓗᓂ ᑰᕌᓗᖕᒧᑦ ᖃᓂᐅᓂᖓᓂᒃ. ᕗᐃᓂᐱᒡ, ᐊᖏᓂᖃᓪᓗᐊᖅᑐᖅ 68,000 ᑭᓛᒥᑕᓪᓗᐊᓂᒃ, ᐊᖏᓂᕐᓴᐅᔪᖅ ᓄᕙ ᓯᑰᓯᐊᒥ, ᐊᒻᒪᓗ ᐃᒪᖃᖅᖢᓂ ᑕᕆᐅᖑᙱᑦᑐᓂᒃ ᑰᒡᕕᐅᓂᕐᒧᑦ ᐋᓐᑎᐅᕆᐅᒥ ᐊᒻᒪ ᑯᐊᐸᒃᒥ. ᓯᕿᓂᕐᒥᐅᑦ, ᐅᓇ ᐃᒪᑦᑎᐊᕙᖅ ᑕᕆᐅᕐᒥ ᐃᓚᖃᓕᖃᑦᑕᖅᑐᖅ ᐅᕙᙵᑦ ᑕᓯᐅᔭᕐᔪᐊᑉ ᐱᖓᖕᓇᖅᐸᓯᐊᓂᒃ ᐊᒻᒪᓗ ᑕᒪᒃᑯᐊ ᑕᓯᐅᔭᕐᔪᐊᑉ ᐱᖓᖕᓇᖅᐸᓯᐊᓂᒃ.
ᕗᐃᓂᐱᒡ ᐊᖏᕐᕋᕆᔭᐅᔪᖅ 9-ᓄᑦ ᐊᓪᓚᓄᑦ ᓄᓇᓕᒋᔭᐅᔪᓂᒃ ᒪᔅᑭᒐᐅᕙᒃ ᐊᒻᒪᓗ ᐄᔭᐅ ᐊᑐᖃᑦᑕᖅᖢᑎᒃ ᑕᕆᐅᕐᒥᐅᑕᓂᒃ ᓇᒧᙵᐅᑎᓪᓗᒋᑦ ᐊᒻᒪ ᐊᖑᓇᓱᓕᕌᖓᒥᒃ. ᐅᓄᒻᒪᕆᒃᑐᓂᒃ ᐃᖃᓗᒐᓱᖃᑦᑕᕐᒪᑕ ᐊᒻᒪ ᑎᖕᒥᐊᓂᒃ ᐱᖃᑦᑕᕐᒪᑕ ᓯᒡᒐᕐᒥᐅᑕᓂᒃ, ᐃᖃᓗᖕᓂᓪᓗ ᐊᒻᒪ ᓂᕐᓕᕐᓂᒡᓗ. ᐃᓄᐃᑦ ᐅᒥᐊᒃᑯᑦ ᐊᐅᔭᐅᓕᕌᖓᑦ ᑕᒪᐅᙵᖃᑦᑕᖅᑐᑦ ᐊᒻᒪ ᖃᒧᑕᐅᔭᒃᑯᑦ ᐅᑭᐅᖑᕋᖓᑦ ᐊᖑᓇᓱᒡᕕᖏᓐᓄᐊᕋᓱᒃᖢᑎᒃ, ᐊᐅᓪᓛᖅᓯᒪᕝᕕᖏᓐᓂᒃ ᐊᒻᒪᓗ ᓄᓇᓕᖕᓄᑦ ᓂᐅᕈᓇᓱᒃᖢᑎᒃ.
ᓯᕿᓂᕐᒥᐅᑦ ᐱᖓᖕᓇᖅᐸᓯᖓ ᐅᑯᓇᓂᖅᐸᓯᐅᖕᒪᑦ ᒪᔅᑭᒐᐅᕙᒃ ᓄᓇᖏᔭᖏᓐᓂᒃ. ᑲᓇᖕᓇᖅᐸᓯᖓᓕ ᐄᔭᐅ ᑕᕆᐅᒥᐅᑕᓄᑦ ᓄᓇᑖᕋᓱᑎᖏᓐᓃᑦᑐᖅ, ᑕᐃᒪᓐᓇ ᑕᒪᓐᓇ ᓴᐳᔾᔭᐅᓯᒪᔾᔪᑎᐅᔪᖅ ᐃᔭᐅᑯᓐᓄᑦ ᐊᒻᒪᓗ ᐊᐅᓚᑦᑎᖃᑎᒌᖕᓂᕐᒧᑦ ᐊᖏᖃᑎᒌᒍᑎᓂᒃ ᐅᑯᓂᖓ ᑯᕇ ᐊᓪᓚᓂᒃ ᐊᒻᒪᓗ ᒐᕙᒪᑐᖃᒃᑯᓐᓂᒃ.
ᐃᒃᑲᑦᑐᐃᑦ ᑲᖏᖅᖢᐃᑦ ᑰᒡᕕᐅᓂᕐᓴᐅᕙᒃᖢᑎᒃ ᐃᒪᖓ ᐆᓇᕐᓂᖅᓴᐅᖃᑦᑕᕐᒪᑦ ᐊᒻᒪᓗ ᑭᓱᖃᕈᑎᐅᓂᕐᓴᐅᕙᒃᖢᑎᒃ ᐊᒻᒪᓗ ᕿᓚᓗᒐᖃᐃᓐᓇᐅᔭᖅᖢᓂ ᐊᕐᕌᒍᓕᒫᖅ ᐊᒻᒪᓗ ᓇᓄᕐᓄᑦ ᓂᒋᐅᓂᖅᐹᖅ ᐅᐸᒃᑕᐅᕙᒃᑐᓂᒃ ᐊᒻᒪ ᐊᐃᕕᕐᓄᑦ. ᐊᔾᔨᒌᙱᑦᑑᑎᒻᒪᕆᖕᓄᑦ ᑎᖕᒥᐊᓄᑦ ᑕᒪᐅᙵᖅᐸᒃᑐᓄᑦ ᐅᐸᒃᑕᐅᓯᒪᖃᑦᑕᖅᑐᖅ ᐃᒪᕐᒥᐅᑕᓄᓪᓗ ᑎᖕᒥᐊᓄᑦ, ᑕᒪᒃᑯᐊ ᓂᕆᕙᖕᓂᖏᓐᓂᒃ ᐊᒻᒪ ᒪᓐᓂᓕᐅᖅᐸᒃᖢᑎᒃ ᐊᒻᒪ ᐊᒃᑐᐃᒍᑎᒻᒪᕆᐅᓪᓗᑎᒃ ᐆᒪᔪᓂᒃ ᐅᑭᐅᕐᑕᖅᑐᕐᒥᐅᑕᓂᒃ ᐊᒻᒪ ᓂᒋᕐᒥᐅᑕᓂᒃ.