ᑲᓇᑕᐅᑉ ᕿᑎᐊᓂ ᐃᒪᕕᒃᑕᖃᖅᐳᖅ ᑲᖏᖅᓱᐊᓘᑉ ᐃᓗᐊ, ᐅᕝᕙᓘᓐᓃᑦ ᑲᖏᖅᓱᐊᓘᑉ ᐃᓗᐊ, ᓂᒡᓕᓇᖅᑐᒻᒪᕆᐊᓕᒃ ᐅᑭᐅᖅᑕᖅᑐᖅ ᑕᕆᐅᕐᔪᐊᖓᓂ. ᐃᓂᒐᔭᐅᔪᖅ 57,000−ᖏᓐᓃᐸᓗᒃᑐᓄᑦ ᖃᑯᖅᑕᑦ ᕿᓚᓗᒐᕐᓄᑦ ᐊᓯᖏᓪᓗ ᐃᒪᕐᒥᐅᑕᓂᑦ ᐳᐃᔨᓄᑦ, ᓂᒋᐊᓄᑦ ᑎᑭᐅᒪᓂᖅᓴᐅᕗᖅ ᔫᕋᑉ ᐊᖓᔪᖅᑳᖃᕐᕕᖏᓐᓂ ᓯᑳᓐᑎᓇᐃᕕᔭ, ᔫᒪᓂ ᐊᒻᒪ ᕋᓴ.
ᑲᖏᖅᓱᐊᓘᑉ ᐃᓗᐊ ᓯᓚᕐᔪᐊᒥ ᓂᒋᑉᐸᓯᖕᒦᓂᖅᐹᖑᔪᖅ ᐅᑭᐅᖅᑕᖅᑐᒥ ᐊᒻᒪ ᐊᕕᒃᑐᖅᓯᒪᔪᒥ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓄᑦ, ᐊᒃᑐᖅᑕᐅᓴᕋᐃᑉᐳᖅ ᓯᓚᐅᑉ ᐊᓯᔾᔨᖅᐸᓕᐊᓂᕆᔭᖓᓄᑦ ᐊᒃᑐᐃᓂᐅᔪᓄᓪᓗ ᐃᒥᕐᒥᒃ ᐊᑯᑐᕐᓗᓂ ᐆᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᕆᔭᐅᔪᓂ.
ᓴᐳᔾᔨᓂᕐᒥ ᖃᑯᖅᑕᑦ ᕿᓚᓗᒐᑦ ᐃᓂᖏᓐᓂ
ᑲᖏᖅᓱᐊᓗᒃ ᐃᓗᐊᑕ ᐃᒪᖏᑦ ᐱᑕᖃᐅᖅᑐᖅ ᐅᑭᐅᖅᑕᖅᑐᒥ ᑰᖕᓂ, ᑎᓂᓐᓂᓂ ᐊᒻᒪ ᐃᖏᕐᕋᓂᐅᔪᓂ, ᓴᙱᔪᓂ ᐅᑭᐅᖅᑕᖅᑐᒥ ᐊᓄᕆᓲᖅ, ᐊᐅᔭᑯᑖᓲᖑᓪᓗᓂ ᐊᒻᒪ ᓯᑯᖓᑕ ᐊᓯᔾᔨᖅᐸᓪᓕᐊᖏᓐᓇᕐᓂᖓ ᓴᖅᑮᕗᖅ ᐆᒪᓂᖃᑦᑎᐊᖅᑐᒥ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓄᑦ ᓯᓚᕐᔪᐊᒥ ᐃᒃᑲᓂᖅᐹᖓᓂ, ᒥᑭᓐᓂᖅᐹᓂᖓ ᑕᕆᐅᕐᔪᐊᕐᒥ. ᓄᓇᖃᖅᑳᖅᓯᒪᔪᑦ, ᐃᓚᒋᓗᓂᒋᑦ ᑐᓃᑦ ᓯᕗᓕᖏᑦ, ᐃᓄᐃᑦ ᓯᕗᕚᖏᑦ, ᐃᓄᐃᑦ, ᑕᓇᐃ ᐊᒻᒪ ᑯᕇ, ᑖᒃᑯᓂᖓ ᐃᒪᓂ ᐊᑐᖅᑐᑐᖃᐅᓯᒪᔪᑦ 6,000 ᐅᑭᐅᓄᑦ. ᐅᓪᓗᒥᐅᔪᖅ, 41-ᖑᔪᑦ ᐃᓄᐃᓪᓗ ᐊᓪᓚᐃᓪᓗ ᓄᓇᓕᖏᑦ ᐊᑐᖅᐸᒃᑐᑦ ᑲᖏᖅᓱᐊᓘᑉ ᐃᓗᐊᓂ ᓯᒡᔭᖏᓐᓂ, ᐃᒪᖏᓐᓂ ᓂᕆᔭᒃᓴᓂᖃᑦᑕᖅᑐᑦ, ᑮᓇᐅᔾᔭᒃᓴᖅᐸᒃᖢᑎ ᐊᒻᒪ ᐃᖏᕐᕋᕙᒃᖢᑎᒡᓗ.
ᐃᒪᐅᑉ ᑯᕕᓂᖓ ᑲᖏᖅᓱᐊᓘᑉ ᐃᓗᐊᓂ ᐊᖏᓂᖅᓴᐅᕗᖅ ᒪᑲᓐᓯᒥ ᐊᒻᒪ ᓴᐃᓐᑦ ᓗᐊᕋᓐᔅ ᑰᖏᓐᓂ ᑲᑎᓪᓗᒋᑦ, ᐅᖓᓯᖕᓂᓕ ᑕᐅᕙᙵ ᐳᕋᐃᕆᓂ, ᓇᐹᖅᑐᓕᖕᒥᑦ ᐃᓐᓈᕈᓄᑦ ᐱᖓᓐᓇᖓᓂ ᓗᐊᕋᑦᓯᐊᓐ ᐃᓐᓈᕈᖏᓐᓄᑦ ᑲᓇᖕᓇᒥ ᐊᒻᒪ ᕿᑭᖅᑖᓘᑉ ᐃᓐᓈᕈᖏᓐᓄᑦ ᐅᐊᖕᓇᒥ.
ᑕᐅᕙᓂ ᑲᖏᖅᓱᐊᓘᑉ ᐃᓗᐊᓂ ᐱᖓᓐᓇᖓᑕ ᓯᒡᔭᖏᓐᓂ, ᑎᓴᒪᑦ ᑲᓇᑕᒥ ᑰᒃᕕᐅᓂᖅᐹᖁᑎᖏᑦ − ᓰᔪᓪ, ᑰᒡᔪᐊᖅ, ᕼᐊᐃᔅ ᐊᒻᒪ ᓂᐅᓪᓴᓐ – ᐆᒪᔾᔪᑎᑦᑎᐊᕙᖕᓂᒃ ᑯᕕᑎᑦᑎᓲᑦ ᑕᐅᓄᖓ ᑕᕆᐅᓕᖕᓄᑦ ᐃᒪᓄᑦ. ᑎᓂᓐᓂᐅᕙᒃᑐᓂ ᓯᓚᕐᔪᐊᒥ, ᑖᒃᑯᐊ ᑭᓱᖃᐅᑦᑎᐊᖅᑐᑦ ᐃᓂᐅᔪᑦ ᐃᖏᕐᕋᓂᐅᕙᒃᑐᓂᒡᓗ ᐃᒪᕐᒥᐅᑕᓂᑦ ᐳᐃᔨᓄᑦ ᐊᒻᒪ ᑎᖕᒥᐅᓄᑦ ᓯᓚᕐᔪᐊᒥ. ᐊᐅᔭᑕᒫᑦ, ᐊᑕᐅᓯᕐᒥ ᐱᖓᓲᔪᓂ ᓯᓚᕐᔪᐊᑉ ᖃᑯᖅᑕᑦ ᕿᓚᓗᒐᖁᑎᖏᑦ ᐅᑎᖅᐸᒃᑐᑦ ᐆᓇᔪᒃᑐᒧᑦ, ᐃᒃᑲᒃᑐᒧᑦ ᐃᒪᖏᓐᓄᑦ ᓂᕆᔭᐅᖅᑐᓂᕐᒧᑦ ᕿᑐᕐᖏᐅᓂᕐᒧᓪᓗ. ᑑᒑᓖᑦ ᐃᖏᕐᕋᓲᑦ ᕿᑭᖅᑖᓘᑉ ᓄᓇᕕᐅᓪᓗ ᐃᑭᕋᓴᖓ ᐃᒪᐅᔪᓄᑦ ᓴᓪᓕᓂ. ᓈᑦᑏᓪᓗ ᓇᓄᐃᓪ ᓯᑯᒦᑉᐸᒃᑐᑦ ᐊᒻᒪ ᓯᒡᔭᖅᐸᓯᖓᓂ. ᒥᓕᔭᓐᑎᑦ ᑲᓇᑕᒥ ᒥᐊᓕᒐᓂᒡᓗ ᑕᕆᐅᕐᒥᐅᑕᑦ ᑎᖕᒥᐊᑦ ᑕᒪᐅᖓ ᑎᑭᑉᐸᑦᑐᑦ ᐊᐅᔭᑕᒫᑦ ᒪᕐᕉᓪᓗᑎᒃ ᐅᐸᒃᑕᐅᒐᔪᒃᑐᑦ ᓯᓚᕐᔪᐊᓕᒫᒥ ᐱᒻᒪᕆᐅᔪᑦ ᑲᑎᙵᐅᖅᑐᓄᑦ.
ᑲᖏᖅᓱᐊᓘᑉ ᐃᓗᐊ ᓯᑯᐃᓂᖅᓴᐅᓕᖅᑐᖅ ᓱᒃᑲᓕᔪᒥ ᐊᓯᖏᓐᓂ ᐅᑭᐅᖅᑕᖅᑐᒥ ᐃᓂᐅᔪᓂ ᓲᖃᐃᒻᒪ ᓂᒋᑉᐸᓯᖕᒦᓐᓂᕆᔭᖓᓂ. ᓴᓇᕕᒡᔪᐊᓂ ᐊᒃᑐᖅᑕᐅᓯᒪᖕᒥᔪᑦ, ᓲᕐᓗ ᐊᓯᐊᒍᖔᖅ ᑰᒃᑎᑕᐅᓂᖏᑦ ᐃᒥᕐᒥᒃ ᐊᑯᑐᕐᓗᓂ ᐆᒻᒪᖅᑯᑎᓕᐅᕐᓂᕐᒧᑦ ᐱᓕᕆᐊᖑᔪᓂ ᒫᓂᑑᐸᒥ, ᐋᓐᑎᐅᕆᔫᒥ ᐊᒻᒪ ᑯᐊᐸᒃᒥ. ᖃᓄᐃᑦᑐᑐᐃᓐᓇᑦ ᐊᓯᔾᔨᕈᑕᐅᔪᑦ ᐃᒪᐅᑉ ᓴᓇᕙᒃᑕᖓᓂl, ᑕᐃᒪᐃᑦᑐᒫᖅᐳᖅ, ᐊᒃᑐᐃᓂᖃᕐᓗᓂ ᑮᓇᐅᔾᔭᒃᓴᐅᑎᒃᓴᓂ ᐊᒻᒪ ᖃᓄᐃᙱᑦᑎᐊᕆᐊᖃᕐᓂᕐᒧᑦ ᓯᒡᔭᖅᐸᓯᖓᓂ ᓄᓇᓕᐅᔪᓂ ᓄᓇᒥᙶᖅᑐᓂ ᐱᔾᔪᑎᒃᓴᓂ ᐃᓅᔾᔪᑎᖃᖅᐸᒃᑐᓂ.
ᐊᖅᑯᑎᒃᓴᖅ ᓴᐳᔾᔨᓯᒪᓂᕐᒧᑦ
ᐊᕐᕌᒍᑦ ᑕᓪᓕᒪᑦ ᐊᓂᒍᓵᖅᑐᓂ, ᐅᖓᓯᒃᑐᒨᖓᔪᖅ ᐱᐅᖅᓱᐊᓂᕐᒥᑦ ᓰᔪᓪ, ᓂᐊᓪᓴᓐ ᐊᒻᒪ ᑰᒡᔪᐊᖅ ᑰᖏᓐᓂ ᑎᓂᓐᓂᐅᔪᓂ ᐃᖏᕐᕋᓂᖃᑦᑎᐊᖅᓯᒪᔪᑦ. ᑕᒪᓐᓇ ᐱᐅᖅᓱᐊᕐᓂᕐᒧᑦ ᐊᑐᖅᑕᐅᓇᓱᒃᑐᖅ ᖁᑦᑎᓂᖅᓴᒧᐊᖅᑕᐅᓚᐅᖅᑐᖅ ᖃᐅᔨᓴᕐᓂᐅᔪᒧᑦ ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᑦ ᐊᒻᒪ ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ, ᐃᓚᒋᓪᓗᓂᐅᒃ ᖃᐅᔨᔭᐅᓚᐅᕐᓂᖓ ᐃᓄᐃᑦ ᓯᕗᕚᖏᑦ ᐊᖑᓇᓱᒡᕕᕕᓂᐊ ᐊᒻᒪ ᖁᑦᑎᓂᖅᓴᒥ ᖃᐅᔨᓴᐃᓂᕐᒧᑦ ᑐᑭᓯᐅᒪᓂᐅᓕᖅᑐᖅ ᖃᓄᖅ ᓯᓚᕐᔪᐊᒥ ᐊᖏᓂᖅᐹᖑᔪᑦ ᖃᑯᖅᑕᑦ ᕿᓚᓗᒐᑦ ᐊᑐᓲᖑᒻᒪᖔᑦ ᐃᓂᐅᔪᒥ ᐊᐅᔭᒃᑯᑦ.
2016-ᒥ, ᒫᓂᑑᐸᐅᑉ ᒐᕙᒪᖓ ᓴᖅᑮᓚᐅᖅᑐᑦ ᑖᔅᓱᒥᖓ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᒥ ᐃᑲᔪᕐᓂᕐᒧᑦ ᓴᐳᔾᔨᓂᕐᒥᑦ ᖃᑯᖅᑕᓂ ᕿᓚᓗᒐᕐᓂ ᑕᐅᕙᓃᒃᐸᒃᑐᓂ ᑲᖏᖅᓱᐊᓘᑉ ᐃᓗᐊᓂ. ᐸᕐᓇᐅᑎᐅᑉ ᑐᕌᒐᕆᔭᖓ ᐊᒃᑐᐃᓂᖃᓗᐊᖅᑕᐃᓕᒪᑎᑦᑎᓂᕐᒥ ᑖᒃᑯᓂᖓ ᖃᑯᖅᑕᐅᔪᓂ ᕿᓚᓗᒐᕐᓂ ᐊᒥᓲᒐᓗᐊᖅᑎᓪᓗᒋᑦ ᓱᓕ. ᑕᒪᒃᑯᐊ ᐊᒃᓱᕈᕐᓂᐅᔪᑦ ᐃᓚᖃᖅᐳᑦ ᑕᕆᐅᑉ ᓯᑯᖃᓗᐊᕈᓐᓃᕐᓂᖓ, ᓂᕆᕙᒃᑐᑦ ᐊᒥᓲᓕᕐᓂᖏᑦ ᓲᖃᐃᒻᒪ ᓯᑯᐃᓯᒪᑯᑖᓐᓂᖅᓴᐅᖃᑦᑕᓕᕐᒪᑦ ᐊᒻᒪ ᓴᓇᕕᐊᓗᐃᑦ ᐱᓕᕆᐊᖃᕐᓂᖏᑦ ᓱᕈᓐᓇᖅᑐᓕᐅᕈᓐᓇᖅᑐᑦ, ᐃᒪᐃᑉ ᐊᓯᔾᔨᕐᓂᖓᓄᑦ ᐊᒻᒪ ᐃᖏᕐᕋᔪᓄᑦ−ᑐᕌᖓᔪᓂ ᓂᐱᓕᐊᓗᖕᓂᒃ. ᓴᐳᔾᔨᓂᕐᒥᑦ ᓯᒡᔭᓂ ᐃᓂᐅᔪᓂ ᐃᒪᐅᔪᒥ ᖃᑯᖅᑕᑦ ᕿᓚᓗᒐᑦ ᐃᖏᕐᕋᕙᒃᑐᓂ 60 ᐆᒃᑑᑎᓂ ᐃᑎᓂᓕᖕᒥ ᓴᐳᔾᔨᓇᔭᖅᐳᖅ 90 ᐳᓴᓐᑎᒥ ᓇᔪᖅᑕᐅᔪᓄᑦ ᐆᒪᔪᓄᑦ.
ᓂᕆᐅᒋᔭᐅᔪᑦ ᐱᓕᕆᖃᑎᒌᓂᒃᑯᑦ ᐱᐅᖅᓱᐊᓂᕐᒧᑦ ᓴᐳᔾᔨᓯᒪᓂᕐᒥᑦ ᐃᒪᐅᑉ ᖃᑯᖅᑕᑦ ᕿᓚᓗᒐᖁᑎᖏᓐᓂ ᐃᑲᔪᖅᓱᖅᑕᐅᔭᕆᐊᓖᑦ ᐱᓪᓗᐊᑕᕐᓄᑦ ᐱᖃᑕᐅᓯᒪᔪᓄᑦ, ᐃᓄᐃᑦ ᓄᓇᓕᖏᓐᓂ, ᕿᓚᓗᒐᕐᓂ ᓂᕆᕙᒃᑐᓂ, ᕿᓚᓗᒐᕐᓂ−ᖁᙱᐊᖅᑎᑦᑎᓂᕐᒧᑦ ᐳᓚᕋᖅᑐᓕᕆᔨᐅᔪᓄᑦ, ᑐᙵᕕᖃᖅᑐᓂ ᑰᒡᔪᐊᖅ, ᒫᓂᑑᐸᒥ ᐃᒪᐅᑉ ᓂᒋᑉᐸᓯᐊᓂ ᑮᓇᐅᔭᓕᐅᖅᐸᒃᑐᑦ ᐊᕐᕌᒍᑕᒫᑦ ᑲᓇᑕᒥ$5.6 ᒥᓕᔭᓐᓂᒃ. ᐱᓕᕆᖃᑎᒌᓐᓂᒃᑯᑦ, ᐸᕐᓇᐅᑎᒥ ᐃᓕᓯᔪᓐᓇᖅᑐᑦ ᐱᐅᖅᓱᐊᓂᕐᒧᑦ ᖃᑯᖅᑕᑦ ᕿᓚᓗᒐᑦ ᓇᔪᖅᑕᐅᔪᓄᑦ ᐆᒪᔪᓄᑦ ᓯᕗᓂᒃᓴᑎᓐᓂ ᑭᒍᕚᒃᓴᑎᓐᓄᑦ.
ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᑲᔪᖅᓱᖅᑐᑦ ᐊᒃᓱᕈᕈᑕᐅᔪᓂ ᑲᖏᖅᓱᐊᓘᑉ ᐃᓗᐊᓂ.:
- ᓴᖅᑭᑎᑕᐅᓂᖓ ᑲᓇᑕᒥ ᑕᕆᐅᕐᒥ ᐱᐅᖅᓱᐃᓂᕐᒧᑦ ᐃᓂᐅᔪᖅ ᐱᖓᓱᓂ ᓰᔪᓪ, ᓂᐅᓪᓴᓐ ᐊᒻᒪᓗ ᑯᒃᔪᐊᕌᓗᑉ ᑰᖏᓐᓂ ᓴᕿᑕᐅᓗᓂ ᐱᓕᕆᖃᑎᒌᒡᓂᖏᓄᑦ ᒥᕐᖑᐃᖅᓯᕐᕖᑦ ᑲᓇᑕᒥ, ᒫᓂᑐᕙ ᒐᕙᒪᖏᑦ ᐊᒻᒪᓗ ᓄᓇᕗᑦ, ᐊᓪᓚᐃᑦ ᐊᒻᒪᓗ ᐊᓪᓚᒪᔪᑦ ᓄᓇᑖᕈᑎᖏᓐᓂ ᐃᖃᓇᐃᔭᕐᕕᖁᑎᑦ;
- ᓴᐳᔾᔭᐅᓂᖏᑦ ᐃᒪᖁᑎᖏᑦ ᑲᖏᖅᓱᐊᓘᑉ ᐃᓗᐊᓂ ᓴᐳᔾᔨᓂᕐᒥᑦ ᓯᓚᕐᔪᐊᓕᒫᒥ ᐱᒻᒪᕆᐅᔪᓂ ᐃᒪᕐᒥᐅᑕᓂᑦ ᐳᐃᔨᓂ ᐊᒻᒪ ᑕᕆᐅᕐᒥ ᑎᖕᒥᐊᑦ ᐃᖏᕐᕋᓂᕆᔭᖏᓐᓂ ᐊᒻᒪ ᑲᔪᓯᑦᑎᐊᑎᑦᑎᓂᕐᒥᑦ ᐃᓕᖅᑯᓯᑐᖃᒃᑯᑦ ᐊᖑᓇᓱᖕᓂᕐᒧᑦ ᐱᐅᓯᐅᔪᓂ.
ᔮᓂ ᒪᒻᒑᒃ ᐃᓚᖏᓪᓗ, ᐊᕐᕕᐊᑦ, ᓄᓇᕗᑦ.
ᐃᓕᓴᕆᔭᐅᔪᖅ: ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ
ᐊᑐᖅᑕᐅᔪᓐᓇᖅᑐᑦ ᐃᓚᒋᔭᐅᔪᑦ
The Beluga News Honouring the Water Issue, Summer 2024
The fifth issue of The Beluga News highlights a new storytelling project that is gathering Indigenous and community knowledge about the belugas of Churchill, Manitoba.
The Beluga News The Beluga History Issue, Summer 2023
The fourth issue of The Beluga News highlights the history and heritage sites of Western Hudson Bay near Churchill, Manitoba, where people have been living alongside belugas for thousands of years.
The Beluga News The Beluga & Calf Issue, Summer 2022
The third issue of The Beluga News highlights the latest scientific research taking place in Churchill, Manitoba, including new research into how beluga calves and their mothers use the estuaries.
The Beluga News: Summer 2021
The second issue of Beluga News provides updates about our three-year study of how belugas interact with whale-watching boats in Churchill, Manitoba.
Western Hudson Bay and Its Beluga Estuaries Protecting Abundance for a Sustainable Future
Western Hudson Bay is globally signification wildlife habitat, as well as the site of important historic and cultural sites. Western Hudson Bay and Its Beluga Estuaries: Protecting Abundance for a Sustainable Future advocates for a national marine conservation area in this region.
Protecting Manitoba’s Beluga Estuaries
The river estuaries in Western Hudson Bay provide invaluable summer habitat for one-third of the world’s beluga whales. However, climate change and industrial impacts threaten this region’s ecological viability and have the potential to fundamentally impact the economic base and health of coastal communities that rely on its natural resources for sustenance.
Video © The Pew Charitable Trusts and Ducks Unlimited.