ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᑕᕆᐅᖓ ᐱᑕᖃᐃᓐᓇᕐᑎᑦᑎᓂᕐᒧᑦ ᐃᑲᔪᕐᑎᒋᓪᓗᒋᑦ ᓄᓇᖃᖅᑳᖅᓯᒪᔪᑦ ᐊᒻᒪᓗ ᓯᒃᔭᕐᐸᓯᖕᒥ ᓄᓇᓕᐅᔪᑦ.
ᓄᓇᓕᒃᓂ ᐋᕿᒋᐊᕈᑏᑦ
ᐅᑭᐅᕐᑕᕐᑐᒥ ᑲᓇᑕᒥ, ᐃᖃᓇᐃᔭᖃᑎᒋᔭᕗᑦ ᐃᓄᐃᑦ ᓄᓇᓕᖏᓐᓂ, ᐱᔪᓐᓇᐅᑎᖃᕐᑐᑦ ᐊᖏᕈᑎᒃᑯᑦ ᐅᑭᐅᕐᑕᕐᑐᒥ ᓄᓇᖓᓂ ᑕᕆᐅᖓᓂᓗ ᐱᖁᔭᑎᒍ ᓴᐳᔾᔭᐅᓯᒪᓪᓗᑎᒃ ᓄᓇᑖᕈᑎᖏᑦ ᐊᖏᕈᑎᑦ ᒫᓐᓇᒧᑦ ᐊᖏᕈᑕᐅᓯᒪᔪᑦ. ᐃᓄᐃᑦ ᖃᐅᔨᒪᓂᖃᑦᑎᐊᖅᑐᑦ ᐊᕙᑎᒥ ᐅᔾᔨᖅᓴᕐᓂᕐᒥᑦ ᐃᒪᕐᒥᐅᑕᓂᑦ ᐱᐅᖅᓱᐊᕐᓂᕐᒧᑦ ᐃᑲᔫᑎᖃᒻᒪᕆᒃᑐᖅ ᓯᕗᓂᒃᓴᑦᑎᐊᕙᓕᐅᕐᓂᕐᒥᑦ.
ᐊᑦᓛᓐᑎᒃᒥ, ᐃᖃᓇᐃᔭᖃᑎᖃᕐᑐᒍᑦ ᓄᓇᖃᖅᑳᖅᓯᒪᔪᓂᒃ ᑎᒥᐅᔪᓂᒃ ᐊᒻᒪ ᓯᒃᔭᕐᐸᓯᖕᒥ ᓄᓇᓕᐅᔪᓂᒃ ᐊᑯᓂᐅᔪᒥᒃ ᓇᔫᑎᓯᒪᔪᓂᒃ ᑕᕆᐅᖓᓂ ᐱᕕᐅᖃᑦᑕᕐᓂᖓᓂᒃᓗ ᐱᑕᖃᐃᓐᓇᕐᑎᑕᐅᓇᓱᒃᓗᒍ ᐃᓄᓯᖏᓐᓄᓪᓗ ᐊᒃᑐᐊᓂᖓᓄᑦ.
ᑭᖑᓪᓕᕐᐹᖓᓂ, ᐃᓚᐅᑎᑦᑎᔪᒍᑦ ᐃᓱᓛᓗᑕᐅᔪᓂᒃ ᓲᕐᓗ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓂᒃ, ᐃᒃᐱᖕᓇᐅᑎᔪᓂᒃ ᓄᓚᓇᓕᒃᓄᑦ ᓯᒃᔭᖓᓂᑦ, ᓯᒃᔭᖓᓄᑦ, ᓯᒃᔭᖓᓄᑦ. ᐊᐅᓚᑦᑎᓂᕗᑦ ᓈᓚᒃᖢᑕ ᐋᕿᒃᓯᒪᔭᕗᑦ, ᐃᓕᓐᓂᐊᕐᖢᑕᓗ ᐊᒻᒪᓗ ᑐᑭᓯᓇᓱᒃᖢᑕ ᐊᔾᔨᐅᖏᑦᑑᓂᖏᑦ ᐊᒃᓱᕈᕐᓇᐅᑕᐅᔪᑦ ᓄᓇᓕᖕᓂ ᐃᖃᓇᐃᔭᕐᑯᒋᔭᑦᑎᓐᓂ.
ᐱᓕᕆᔾᔪᓯᕗᑦ ᐃᓚᖏᑦ ᒪᑯᐊᖑᔪᑦ:
- ᓄᓇᕗᒻᒥ, ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᑲᔪᖅᓱᓚᐅᖅᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᑕᓪᓗᕈᑎᐅᑉ ᐃᒪᖓ (ᑕᓪᓗᕈᑎᐅᑉ ᐃᒪᖓ) ᐅᓂᒃᑳᓕᐅᕐᓂᕐᒧᑦ ᓇᓗᓇᐃᔭᖅᓯᒪᔪᒥᑦ ᐃᓄᐃᑦ ᓄᓇᒥ ᖃᓄᖅ ᐊᑐᓲᖑᒻᒪᖔᑦ ᐊᒻᒪ ᐃᓄᖃᓲᖑᓐᓂᖓᓄᑦ ᐱᓪᓗᐊᑕᐅᕗᖅ ᐋᖅᑭᒃᓱᐃᓂᕐᒥᑦ ᑲᓇᑕᒥ ᑕᕆᐅᕐᒥ ᐱᐅᖅᓱᐊᓂᕐᒧᑦ ᐃᓂᐅᔪᖅ ᓄᓇᕗᒻᒥ.
- ᓛᐸᑐᐊᒥ, ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᖃᖅᓯᒪᔪᑦ ᓄᓇᑦᓯᐊᕗᑦ ᒐᕙᒪᖓᓐᓂ ᖃᐅᔨᓴᕐᓂᕐᒧᑦ ᑲᑎᙵᔪᓂᒃ ᐃᒪᑦᑎᐊᕙᖕᒥᑦ ᓇᑦᑎᐅᔪᓂᒃ ᑑᕐᖓᐃᑦ ᐃᓐᓈᕈᐃᑦ ᒥᕐᖑᐃᖅᓯᕐᕕᖓᓂ.
- ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ ᐃᑲᔪᖅᓱᖅᓯᒪᔪᑦ ᐊᒃᓱᕈᕐᓂᕆᔭᐅᔪᓂᒃ ᓄᓇᕕᖕᒥ ᓄᓇᓕᐅᔪᒥ ᐊᐅᐸᓗᖕᒥ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᑦ ᐊᑐᖅᑕᐅᓪᓗᑎ ᑎᑎᖅᓯᓂᕐᒧᑦ ᐃᒪᕐᒥᐅᑕᓂᑦ ᐆᒪᔪᓂᑦ ᐊᑐᖅᑕᐅᕙᒃᑐᓂ ᐅᖓᕙ ᑲᖏᖅᓱᐊᓂ ᓂᕆᐅᒋᔭᖃᕐᓂᕐᒧᑦ ᐊᒥᓲᓂᖅᓴᓂᒃ ᓴᓇᕕᐊᓗᖕᓂᒃ ᐱᕙᓪᓕᐊᑎᑦᑎᔪᖃᕐᓂᐊᖅᑎᓪᓗᒍ;
- ᐃᓄᕕᐊᓗᐃᑦ ᐊᖏᖃᑎᒌᒍᑎᑖᕐᓂᕐᒧᑦ ᐊᕕᒃᑐᖅᓯᒪᔪᓄᑦ, ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᓚᐅᖅᑐᑦ ᐃᓄᕕᐊᓗᐃᑦ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓂᒃ ᐊᕐᕌᒍᓄᑦ ᐱᖓᓱᓄᑦ ᐆᒃᑑᑎᒋᔭᐅᑲᐃᓐᓇᓛᖅᑐᒥ ᐱᓕᕆᐊᒃᓴᒥᑦ ᓄᓇᓕᖕᒥ−ᑐᙵᕕᖃᕐᓗᑎ ᖃᐅᔨᓴᐃᓐᓇᖃᑦᑕᕐᓂᕐᒥ.
- ᑲᓇᑕᓕᒫᒥ, ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ ᐃᑲᔪᖅᓱᖅᓯᒪᔪᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᓂᓪᓕᐊᔪᑦ ᐱᓕᕆᐊᖓᓐᓂᒃ ᓄᐊᑦᑎᓂᕐᒧᑦ ᐃᓄᐃᑦ ᐃᓱᒪᒋᔭᖏᓐᓂᒃ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓᓄᑦ.
- ᓯᓚᕐᔪᐊᓕᒫᒥᑦ, ᑕᕆᐅᕐᔪᐊᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᖅᓯᒪᔪᑦ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᐅᔪᓂᒃ ᑲᓇᑕᒥ ᐊᒻᒪ ᑲᓛᖦᓖᑦ ᓄᓈᓐᓂ ᐋᖅᑭᒃᓱᐃᓂᕐᒧᑦ ᐃᓄᖕᓄᑦ−ᐊᐅᓚᑕᐅᔪᒧᑦ ᑲᑎᒪᔨᓂᒃ ᐊᑐᓕᖁᔭᐅᔪᓂᒃ ᖃᓄᖅ ᐱᐅᓂᖅᐹᒃᑯᑦ ᓴᐳᔾᔨᔪᓐᓇᕐᒪᖔᑦ ᐱᑭᐊᓚᐅᕐᓱᐊᕐᒥᑦ, ᐅᕝᕙᓘᓐᓃᑦ ᐅᐊᓐᓇᖓᓂ ᐃᒪᕐᒥ ᓴᕐᕙᖅ.