Kanata’p Ukiuqtaqtumi Taryuq Nunauyangit, hanayauhimayuq ukunanngat Oceans North parnautigiyangillu, ilaliutigiyangit nainaaqhimayut haffumani taryuq amaammaktittiyuktut niryuutit, taryuq tingmidjat, iqaluk aahiittauq niryuutit inuuvaktut uvaptigut qulvahiktumi imangit – ihumagiyauvakhugillu aturnaqtut aanniarnaittut nunap avatiqatigiingit inungnut nayurvingit.

Hivunikhangit uvunga Ukiuqtaqtuq Taryuq Avataita

Kanata’p Ukiuqtaqtumi Taryuq Nunauyangit, makpiraaliuqhimayuq atauttimuuqhutik uuminngat Ducks Unlimited Canada (Tingmianut Hapummiyangit Kanatami) unalu World Wildlife Fund Canada (Hilaryuarmi Niryuutinut Manngit Tutquumayangit Kanatami), tunivlutik iniqpiaqhimayumik takunnaqtut avataita nalunaiqtuq aallannguqtiqpalliayut hila uunnakpallialirmat.

Malikhugit kinguanit nalunaiyaiyut, una nunauyangit tukiqaqhunilu avataata uvani avikturniani, hamanngat timinganit taryurmiuttait ilitquhingillu, iluaniittumik avatigiyangit inuup ilaliutigivagaat uvani nanminiqutingit nunaryuangit.

Numiglugit nunauyangit:

Uvaniittut ilaita ilaliutigiyangit takunnaqtut tamainnit makpiraanmi haffumani nunauyangit.

Hilaup Aallannguqpallianingit

Ayuqhautiyut tammaqpaliqtut haffumani Ukiuqtaqtum taryungit hikua takunnaqpiaqtuq qanuq hilaup aallannguqpallianingit ihuiluutauliqtuq Qulvahiktumi. Hivuuranaqhiliqtuq ilitturnaqtut uumayuit hapkuanguyut Aiviq Qilalugat atuinnarmadjuk hikua qaayurnaqtumilu, taimaa nuutpalliavaktut ilagiinnaliqhugillu nutaamik niqikhaqhiuyuktut avikturniani.

Attautimmuttauq, anuri uunnakpallialiqhuni taimmaa nuutqaliqhutik Ukiuqtaqtuq niqikhaanit malikhugit, mikiyunnuamik imarmiuttat kumaruit niqaita Uugaq, Nanuillu niriyukhangit iqaluk. Hapumminahuaqtangit akhuurutiyangit angiklivallialiqhutik akhuurningit Ukiuqtaqtumi nunat avataita. Aanniarnanngittut taryurmiuttat avataita ikayulluaqpagaat Nunaqaqqaaqhimayut inungnut niriyungmagit taryurmiuttat amaammaktittiyuktut niryuutit iqaluillu niqikhaanit.

Tautuglugu uvani PDF mi makpiraanmi »

image is described by the caption

Una Ukiuqtaqtuq Iqalut Niqingit takunnaqtuq ingutaaqhimayut ingutaaryuaqhutik ihumayauyut Ukiuqtaqtuq imarmiuttat unalu ingilrayuktut tahirmit kuukkamut iqalut uumayuit qanuq uumayuit katilviuvakhutik.

Inuit Avatingillu

Nunaqaqqaaqhimayut inuit amihuutigiyauvaktangit haffumani innuk hitamauyut tallimangillu pusaatigut haffumani 60,000 inungnut nayuqpaktangit Kanatam hinaanirmiut Ukiuqtaqtumi. Nuatqatigiiktut avikturniani, ilihimayauyut Inuit Nunangat, anguniaqpaktut, iqalukhiuqpaktut, katittivaktut nunamit taryungilu. Ilitturnaqhunilu ublumimut atuqtangit nunaqutingit, Nunaqaqqaaqhimayut inungnut munaqtiqattautigiikpaktut nunaqatigiingnit maniliurahuarnikkut nanminiqutingillu. Kihimi auktuqpalliangmat hikua taimaa angiklivallialiqhunilu havaakhanut angmaqpaliqtumik Qulvahiktumi, umiaqtuqtunut uvunga Ukiuqtaqtumi uataa Ikirahak uyaraqhiuqtunut uqhuryuakhaqhiuqtut pivallianikhainnut, hapummivingit uuktuutingit piyumalluaqpagaat hapumminahuarlugit uvunga taryurmiunit avatiqattautigiiktunit ihumaaluutigiyangit.

Tautuglugu uvani PDF mi makpiraanmi »

image is described by the caption

Una nunauyaq haffuminngat Inuit Nunangat, Inuit aimavingit Kanatami.

image is described by the caption

Una qamutik atuqhimayangit agyaqtuivlutik inungnit parnautikhangillu.

Timinganit Taryurmiuttaliqiniq

Una Ukiuqtaqtuq Taryuq ilaliutauvaktut nayuqpaktangit imarmiuttanit inuuhingit, hamanngat niryuutit amaammaktittiyuktut iqaluk mikiyunnuit kumaruit tautungnaittut ataaniittut niqikhautikhamaat. Amihut timingani akiharnaqtut ihuiluutigivagaat avatiqatigiingnut, uuminngalu imaup uunnakpallianingit, taryulingnit, hitinia, harvarningit, imaukkagiakhaat, takunnaqtut takunnaittullu hikuit, taryum natqua uyarangit nunangillu. Uvani ilangani tukiqaqhunilu tahapkuat mihingnaqtut hungmallu ihumagiyauvaktut.

Tautuglugu uvani PDF mi makpiraanmi »

image is described by the caption

Una nunauyaq haffumani Kanata’p Ukiuqtaqtuq taryuq natia nunaq takunnaqtut kigliqaqhutik naunaiyaiyut hamanngat Tamainnut Tahiq Taryum Hitinia Naunaitkutaq Taryut (GEBCO).  

Ataaniittut haffumani Niriyuktangit

Hamna uumayuit ilaliutigiyangit kiglianit haffumani taryurmiuttat niriyukhangit ihumagiyaulluaqpagaat taryum natqua ilaliutivagaat kumaruit, hauniqanngittut, taryum nauhimayut, aqittut nauhimayut, naptuyullu nauhimayut, taryurmiittunilu. Tamaita atulluaqpagaat inikhaanit iluani nunap qaangani aulavikhaat. Ukiuqtaqtuq uunnakpallialirmat, tahapkuat uumayuit hakuiqpallialiqhutik uunnakpallaarami, taryuq ilaurutingit ilaliutingillu piiqpalliavlutik nunami maniliurahuaqtunut ataaniittut iqalukhiuqtunut.

Tautuglugu uvani PDF mi makpiraanmi »

image is described by the caption

Una amihuuyut nunauyat takunnaqtut tatqiqhiutigut ilitturnaqtut hungayaaqtumi nauhimayuniittut iluani Kanatamiunut Ukiuqtaqtuq takunnaqtut ukunanngat alruyaqtuittut hilahiun piksaliurunmit hamanngat NASA’p Taryuq Ilitquhiita Pivallianingit Ilagiyangit Taryuq Kalangit Naunaiyainiq.

image is described by the caption

Kumaruit takunnaittut tunngaviuyut taryu’p niqikhautaat.

Taryurmiuttat unalu Taryurmiuttat Kuugarmiuttallu Iqalut Ukiuqtaqtumiuttat

Kanata’p Ukiuqtaqtuq imangit aimaviuyut hapkunani 222 iqalut uumayuit, ilaliutigiyangillu 20 nit taryurmiuttat kuugarmiuttaillu, puptaumilaaqtut halumayumi taryurmiuttallu imat. Iqaluk aturnaqpiaqtut niriyuktangit tingmianut amaammaktittiyuktut niryuutit. Inuit nunallaami atuinnaqpagaat iqaluk niriyukkamik iqalukhiurnirnullu. Kihimi ayuqhautivalliagami taryuq hikua imaillu uunnakpallialiramik aallannguqpalliavlutik imarmiuttat nayuqpaktangit, taimaa maniliurahuaqpiaqtut iqalukhiurnikkut angiklikpalliavlunilu aturnaqtumik iqalukhiurnikkut munariyunit upalungaiyautikhaat.

Tautuglugu uvani PDF mi makpiraanmi »

image is described by the caption

Una nunauyaq takunnaqhuni takunnaqtut uuminngat iqalugait iluani Kanatamiunit Ukiuqtaqtuq, ilaliutiyangit nuvuit humiliqaak iqalugat ihivriuqtauvaktut. Iniit nuvuittumik ilitturnaqhuni naunaiyaiviqanngittut ilitturnaittuq takunnaittuq haffumani uumayuit.

image is described by the caption

Taryuq hikua aturnaqpiaqhuni nayuqpaktangit mikiyuit Uugaq, tunivluniuk atuqtakhainit niqinut (haffuminngatut taryuq nauhimayut) hapumminahuqhugit niqikhaqhiuqtunut.

image is described by the caption

Una ilitturnaqpiaqtuq takunnaqtuq aallatqiinguyut ilagiyauyut inuuhingit iluani Kanata’p Ukiuqtaqtuq imangit, hamanngat mikiyunnuit tautungnaittut kumaruit uvunga angiyaaqtut arviq tahapkununga atuqpagaat imat anguniaqtunut angunahuarnikhanut.

Hinaanirmiuttat Taryurmiuttat Tingmidjat Ukiuqtaqtumiuttat

Taryurmiuttat tingmidjat nalunaiqtauvlutik aanniarningit haffumani Ukiuqtaqtumi imarmiuttait avatingit nalunaiqpiaqtuq aallannguqtiqtut niriyukhangit, niriyauvaktut hiamitpalliavlutik halumaitpalliavlutik. Pitquhiriyangit Nunaqaqqaaqhimayut inungnut aturnaqpiaqhunilu niriyukkamiglu. Kihimi hilaup aallannguqpallianingit ayuqhautigiyangit Ukiuqtaqtumi-manniliuqpaktut tingmianut tunivakkamik tammaqpalliayut nayuqpaktangit taryuq ilaurutingillul taimaa hiamitpallaaliqhunilu niqikhaqhiuyuktut, taimaa hilaup ilitquhingit aallannguqpalliavlutik angmaqhiivakhutik avikturnianut maniliurahuaqtunut huliyakhainit taimaa halumaiqtittivakhutik.

Tautuglugu uvani PDF mi makpiraanmi »

image is described by the caption

Una nunauyaq takunnaqtuq Ilitturnaqtuq Nayugait Nayuqpaktangit unalu Aturluaqhimayangit Tingmiat Iningit iluani Kanatamiunit Ukiuqtaqtuq.

image is described by the caption

Nauyat tingmivakhutik hikumi ainnirmi.

Taryurmiuttat Amaammaktittiyuktut Niryuutit Ukiuqtaqtumiuttat

Una Kanatamiunit Ukiuqtaqtu’p 21 nit uumayuit haffumani taryurmiuttat amaammaktittiyuktut niryuutit inikhautaulluarivaat tamainnut niriyuktangit, niqhiuqpagaat qulaaniittumik niqikhaqhiuyuktut aahiiy imarmiuttat amaammaktittiyuktut niryuutit iqaluillu, niriyukhangit uumayuit mikiyunnuaniglu. Angunahuaqpagaat tamaita hilaqutait, imarmiuttat amaammaktittiyuktut niryuutit aturnaqpiaqhutik ilagiyaat niriyuktait taimaattauq pitquhirilluaqhugit Nunaqaqqaaqhimayunut inungnut. Kihimi ayurnaqpiaqhunilu taryuq hikua ikivallialiqtuq nayuqpaktangit ilittuqhiivlutik nutaamik hivuuranaqtumik, kuingitpallaaliqhuni halumaiqpaliqhuni uqhuryuat kuvivakhutik umiallu hangutpallaaqhutik taimaa ayuqhautivallialiqtut.

Tautuglugu uvani PDF mi makpiraanmi »

image is described by the caption

Una nunauyaq takunnaqtuq iningit humiliqaak imarmiuttat amaammaktittiyuktut niryuutit, ilaliutigiyangit Arvit, Tuugaalik, Aiviq Nattiillu nalvaaqtauvaktut puqtuhiyumi atuinnaqpagaat.

 

image is described by the caption

Arviit agluraqtaqtut haniani Bylot Qikiqtaq iluani Sirmilik Hiluaryuarmi Minnguirvik, Nunavut.

image is described by the caption

Una Ukiuqtaqtuq Imarmiuttat Amaammaktittiyuktut Niryuutit Niqikhangit takunnaqtut ingutaaqpiaqtunut ukunani ingutaaryuaqhutik imarmiuttat amaammaktittiyuktut niryuutit uumayuit qanuq tamaat uumayuit katilviuhimayut.

Avatikhait Tamainnut

Oceans North naahurihimayangit Kanata’p Ukiuqtaqtumi Taryuq Nunauyangit aturnarniaqtuq avatikhait akhuuqhutiktauq inikhautikhaanit ikayuutikhait hapumminahuarluniuk nanminiriyangit amihuuningit aviktuqhimayumi hivunikhanut kinguvaapta.

Naunaiqpaallirlutit haffumani nunauyangit uvaptingnut tuhagaghalik unalu qaritauyami naunaitkut.

Tautuglugu uvani PDF mit haffumani iniqpiaqhimayuq nunauyangit »