Qanikliutigiyavut

Pinahuarutivut piliurhimayuq naalakhutik, ayuirhaqhutik kangirhiplutiklu aadlatqiittuq uuktuutigiyauyut atuqtait Ukiuqtaqtumi Kaanata. Inuit piqaqtut maligatigut pilaarutinga uumunnga Ukiuqtaqtup nunannga tariuqmilu ukunuuna piliurhimayuq tammaqtailiyauyut nunataarutingit angirutautit ittut nutaami angirutingit. Inuit tunivaktut ayurnaqtunik avatiliriniqmut ilihimaninnga uumunnga tariup munariniq ihariagiyauyuq piliuriami aaniangittumik hivunikhamik.

Mikiuq uuktuutikhaq qanigliutigiyavut hamma:

• Nunavunmi, Oceans North-kut ikayuqtaat Qikiqtani Inuit Katimayiup Tallurutiup Imanga (Lancaster Sound) taiguagakhangit naunaiqtaa Inuit nunamik aturninnga akhuurutauyuq piliurninnganut uuminnga kaanatami tariup munariniq nayugangani uumani nunami.
• Labrador-mi, Oceans North-kut havaqatiginiaqtait Nunatsiavut kavamanga naunaiyariami aadlatqiittuq piqarninnga imaqmik nattit uumani Torngat Kingingniq Kaanatami Pulaarviuyut.
• Oceans North-kut nutqaqtivyaktaat akhuurutingit uumunnga Nunavik nunannga Aupalukmit aturiami qangaraaluknitat ilihimaninnga naunaiyariami tariup huradjat aturninnga Ungava Bay ihumagiyamiknik angikliyuumiqtuq pipkaidjutininnga piliurninnganik;
• Inuvialuit Nunangani, Oceans North-kut havaqatigiyait Inuvialuit Huradjat Katimayiingit pingahunik ukiunik uuktuutiginahuaqtamiknik pinahuarutit ukununnga nunallaanit-piyut munariniq.
• Kaanatami, Oceans North-kut ikayuqtaat Inuit Tapiriit Kaanataup Nulliajut havauhikhaq katitiriami Inuit qanuqtut ihumagiyamiknik uuminnga Uallinirmit Tariukkut Apqutinga.
• Tamainni nunaryuaptikni, Oceans North-kut havaqatigiyait Inuit Ukiuqtaqtumi Katimayiingit tamarmikmi Kaanata uumanilu Kalaakliit piliuriami Inuinnainnik-pipkaidjutihimayuq katimayiingit piliuqtuq nakuutqiamik hapummigiami Pikialaorsuaq, unaluuniit North Water-mi hikuilrua.