ᐃᖃᓗᒐᓱᓐᓃᑦ

ᑕᕆᐅᕐᔪᐊᑦ ᐆᓇᖅᓯᕙᓪᓕᐊᓂᖏᑦ ᐊᒻᒪ ᓯᑰᑉ ᐊᐅᑉᐸᓪᓕᐊᓂᖓ ᓴᓇᕕᒡᔪᐊᓄᑦ ᐊᑐᐃᓐᓇᖃᕐᕕᐅᓂᖅᓴᐅᓕᕐᒪᑦ ᐅᓗᕆᐊᓇᕈᑕᐅᑐᐃᓐᓇᕆᐊᓕᒃ ᐊᑦᑕᕐᓇᖅᑐᒧᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓄᑦ. ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐃᖃᓗᐃᑦ ᐃᓚᖏᑦ ᐅᐊᖕᓇᖅᐸᓯᓕᐊᓕᖅᑐᑦ ᓂᒡᓕᓇᕐᓂᖅᓴᒧᑦ ᐃᒪᕐᒧᑦ, ᑖᒃᑯᐊ ᐃᖏᕐᕋᓂᖏᑦ ᐋᓪᓚᙳᖅᑎᑦᑎᑐᐃᓐᓇᕆᐊᓖᑦ ᐅᑭᐅᖅᑕᖅᑐᒥ ᐆᒪᔪᐃᑦ ᐊᔾᔨᒌᖕᓂᖏᑦᑐᓂ, ᐅᓚᕕᓴᐃᓗᑎ ᓂᕆᖃᑦᑕᐅᑎᕙᒃᑐᓄᑦ ᐊᒃᑐᖅᑕᐅᓯᒪᔭᕇᖅᑐᓂ.

ᑲᓇᑕᐅᑉ ᐃᖃᓗᒐᓱᓐᓂᕐᒧᑦ ᐊᑐᐊᒐᖏᑦ ᑐᙵᕕᖃᖅᑐᑦ ᐅᔾᔨᖅᓱᕐᓂᒃᑯᑦ ᐱᓕᕆᐊᖃᕐᓂᕐᒥᑦ ᐊᒻᒪ ᐱᔪᓐᓇᐅᑎᓂ ᑐᓂᓯᑦᑕᐃᓕᒪᓲᑦ ᐊᖏᔫᑎᓄᑦ ᓂᐅᕐᕈᑎᖃᖅᐸᒃᑐᓂ ᐃᖃᓗᖕᓂ ᐃᓂᐅᔪᓂ ᖃᐅᔨᓴᐃᓂᕐᒧᑦ ᐊᒥᒐᓗᐊᖅᑎᓪᓗᒋᑦ ᓄᖑᑕᐅᑦᑕᐃᓕᒪᓂᒃᑯᑦ ᐃᖃᓗᒐᔭᕐᒪᖔᑦ. ᑐᒃᓯᕋᕈᑕᐅᓯᒪᔪᖅ ᑖᒃᑯᓄᖓ ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ (DFO) ᓄᑖᓂ ᖃᐅᔨᓴᐅᑎᓂ ᐃᖃᓗᓕᕆᓂᕐᒧᑦ ᐊᒥᓱᕈᕆᐊᖅᓯᒪᔪᑦ ᐅᑭᐅᓂᑦ ᖃᓂᑦᑐᓂ. ᑖᓐᓇ ᐊᐱᖅᑯᑕᐅᓕᕐᒪᑦ ᖃᓄᖅ ᐊᑦᑕᓇᔾᔭᐃᖅᓯᔪᓐᓇᕐᒪᖔᖅ ᐃᒪᕐᒥᐅᑕᓂᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓄᑦ ᓱᒃᑲᐃᑦᑐᒥ ᖃᓄᐃᒍᓐᓃᕋᔭᕐᒪ ᐅᕝᕙᓘᓐᓃᑦ ᖃᓄᐃᒍᓐᓃᓚᐅᖅᓯᒪᒐᔭᙱᑦᑐᖅ ᐃᖃᓗᓗᐊᖅᑐᐊᓘᒃᐸᑕ. ᐅᑭᐅᖅᑕᑐᖅ ᐅᐸᒍᒥᓇᖅᓯᔪᐊᓘᖕᒪᑦ ᐅᒥᐊᕐᔪᐊᒃᑰᖅᑎᑦᑎᓂᕐᒧᑦ, ᐃᖃᓗᒐᓱᓐᓂᕐᒧᑦ ᐊᒻᒪ ᐃᖃᓗᒐᓱᒃᑎᓄᑦ ᐅᒥᐊᕐᔪᐊᓄᑦ ᓱᕋᐃᔪᓐᓇᖅᑐᑦ ᐃᖃᓗᖕᓂᑦ ᑲᑎᙵᐅᔪᓂᑦ ᐱᓪᓗᐊᑕᐅᔪᓂ ᐊᒻᒪ ᐱᒻᒪᕆᐅᔪᓂ ᓇᔪᖅᑕᐅᔪᓄᑦ ᐆᒪᔪᓄᑦ.

ᓄᑖᖑᔪᖅ ᐱᓕᕆᔾᔪᓯᖅ ᐃᖃᓗᒐᓱᓐᓂᕐᒥ ᐊᐅᓚᑦᑎᓂᕐᒥ

ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ-ᑐᙵᕕᒋᔭᐅᔪᑦ ᐸᕐᓇᐅᑏᑦ ᓄᑖᖑᔪᖅ ᐃᑲᔫᑎᒃᓴᖅ ᐊᐅᓚᑦᑎᓂᕐᒥᑦ ᐅᑭᐅᖅᑕᖅᑐᒥ ᐃᖃᓗᒐᓱᓐᓂᕐᒥ ᐊᒻᒪ ᓴᐳᔾᔨᓂᕐᒥ ᐃᒻᒥᓂ ᐊᒥᓱᕈᑉᐸᓐᓂᖏᓐᓂᒃ ᓯᕗᓂᒃᓴᑦᑎᓂ ᑭᖑᕚᒃᓴᑦᑎᓐᓄᑦ. ᑖᒃᑯᐊ ᐸᕐᓇᐅᑎᑦ ᐃᓕᓯᓯᒪᖕᒪᑕ ᐃᖃᓗᒐᓱᒡᕕᓂ ᐃᓗᓕᖏᓐᓄᑦ ᖃᓂᒋᔭᖓᓃᑦᑐᒧᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ, ᐃᓱᒪᒋᖃᓯᐅᑎᓗᒋᑦ ᓴᓇᕕᐊᓗᐃᑦ ᐊᒻᒪ ᐃᓄᖕᓄᑦ ᐊᒃᓱᕉᑕᐅᔪᑦ ᓇᔪᖅᑕᐅᔪᓄᑦ ᐆᒪᔪᓄᑦ ᐊᒻᒪ ᐱᓕᕆᐊᖃᓇᓱᓲᑦ ᐃᖃᓗᒐᓱᓐᓃᑦ ᓱᕋᐃᓂᐊᖏᒻᒪᑕ ᑕᐃᒃᑯᓂᖓ ᐋᖅᑭᒃᓱᖅᓯᒪᐅᖅᑐᓂ. ᑖᓐᓇ ᐱᓕᕆᔾᔪᓯᐅᔪᖅ ᓈᓚᒐᓱᙱᑦᑐᖅ ᐅᕝᕙᓘᓐᓃᑦ ᐊᖏᖅᓯᒪᙱᑦᑐᖅ ᓂᐅᕐᕈᑎᒃᓴᓄᑦ ᖃᓄᐃᓐᓂᐅᔪᓂᑦ ᑭᓯᐊᓂ ᑎᓕᓯᓲᖅ ᓯᕗᓪᓕᐅᔾᔨᔭᕆᐊᖃᕐᓂᕐᒥᑦ ᐃᖅᑲᓇᔭᖅᑎᑦᑏᓐᓇᓂᕐᒥᑦ ᓄᓇᓕᐅᔪᓄᑦ ᐅᑭᐅᖅᑕᖅᑐᒥ ᒪᑯᓂᖓ ᐆᒪᔪᑦ ᓇᔪᒐᖏᑕ ᓯᓚᑎᖏᑕᓗ ᖃᓄᐃᑦᑑᓂᖏᓐᓂ ᐊᑦᑕᓇᔾᔭᐃᖅᓯᒪᓗᑎ:

• ᑐᑭᑖᖅᑎᑦᑎᓚᐅᖅᑐᑦ ᐱᓗᐊᖅᑕᐅᓕᒪᓂᒃᑯᑦ ᐊᖑᓇᓱᖕᓂᕐᒥᑦ ᐊᒻᒪ ᐱᓕᕆᔨᐅᖃᑕᐅᔪᓄᑦ−ᕿᒥᕐᕈᔭᐅᓃᑦ ᐃᖃᓗᒐᓱᓐᓂᕐᒧᑦ ᐊᑐᐊᒐᕐᒥ
• ᐋᖅᑭᒃᓱᖅᓯᒪᔪᓂ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓄᑦ ᐊᒥᓱᕈᖅᐸᓪᓕᐊᓂᕆᔭᖏᓐᓄᑦ
• ᓂᒡᓕᓇᖅᑐᕐᒥᐅᑕᑦ ᑯᒪᐅᔭᐃᑦ ᑲᑎᓯᒪᔪᑦ ᓇᔪᖅᑕᐅᔪᓄᑦ ᐆᒪᔪᓄᑦ ᓴᐳᔾᔭᐅᓂᖏᑦ
• ᓯᒡᔭᐅᑉ ᖃᓂᒋᔮᓂ ᑲᑎᓯᒪᕝᕕᐅᕙᒃᑐᑦ ᐊᒻᒪ ᑑᒑᓕᖕᓄᑦ ᓂᕆᕕᐅᖃᑦᑕᖅᑐᑦ

ᐅᐊᓕᓂᐅᑉ ᑕᕆᐅᖓᓂ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ-ᑐᙵᕕᖃᖅᖢᑎᒃ ᐃᖃᓗᒐᓱᓐᓃᑦ ᐸᕐᓇᐅᑎᖓ

2009-ᒥ, ᐃᓄᕕᐊᓗᐃᑦ ᑯᐊᐳᕇᓴᒃᑯᑦ, ᐃᓄᕕᐊᓗᐃᑦ ᐊᖑᓇᓱᒃᑎᒃᑯᑦ ᑲᑎᒪᔨᖏᑦ ᐊᒻᒪ ᐃᖃᓗᓕᕆᓂᕐᒧᑦ ᑲᑐᔾᔭᐅᔪᓂ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᑦ ᐃᓱᒪᓕᐅᓚᐅᖅᑐᑦ ᒥᑭᓐᓂᖅᓴᐅᔪᑦ ᓄᓇᓕᖕᓂ−ᑐᙵᕕᖃᖅᑐᑦ ᐃᖃᓗᒐᓱᒡᕖᑦ ᐅᐊᓕᓂᐅᑉ ᑕᕆᐅᖓᓂ ᑲᔪᖏᖅᓴᖅᑕᐅᔭᕆᐊᓖᑦ, ᑕᐃᒃᑯᐊ ᐊᖏᓂᖅᓴᑦ ᓯᒡᔭᖏᓐᓂ ᐊᐅᓚᓂᐅᔪᑦ ᐊᔪᖅᑎᑕᐅᓗᑎ.

ᑕᐃᒪᐃᓐᓂᖓᓄᑦ, ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐊᑎᓕᐅᓚᐅᖅᑐᑦ ᑭᖑᓪᓕᖅᐹᒥ ᐊᖏᕈᑎᒥ 2014-ᒥ ᓄᖅᑲᖅᑎᑦᑎᓂᕐᒥ ᐱᒋᐊᕈᑕᐅᒋᐊᖃᙱᑦᑐᒥ ᓂᐅᕐᕈᑎᖃᕐᓂᕐᒧᑦ ᐃᖃᓗᒐᓱᓐᓂᕐᒥ 831,000 ᑭᑉᐹᕆᒃᑐᑦ ᑭᓛᒥᑕᑦ ᐅᖓᑖᓄᑦ ᑲᓇᑕᒥ ᐅᐊᓕᓂᕐᒥᐅ ᑕᕆᐅᖓᓂ. ᑖᓐᓇ ᑕᐃᒪᐃᓚᐅᖅᓯᒪᙱᑦᑐᖅ ᐊᖏᕈᑎ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒻᒪ ᐃᓄᕕᐊᓗᖕᒥᐅᓄᑦ ᓄᖅᑲᖓᑎᑦᑎᕗᖅ ᓴᓇᕕᐊᓗᖕᓂ ᐃᖃᓗᒐᓱᓐᓂᕐᒥᑦ ᖃᐅᔨᓴᖅᑏᑦ ᓄᓇᓕᖕᒥᐅᓪᓗ ᖃᐅᔨᓚᐅᖅᑳᖅᐸᑕ ᖃᓄᐃᒐᔭᙱᓐᓂᖓᓂ. ᐊᑐᓂ ᑐᒃᓯᕋᖅᑕᐅᔪᖅ ᖃᐅᔨᓴᖅᑕᐅᓂᐊᖅᑐᑦ ᐸᐃᐹᑦ ᐱᓕᕆᒋᐊᕈᓐᓇᐅᑎᓗᑦ ᒪᑯᓂᖓ ᓈᒻᒪᒋᔭᐅᔪᓄᑦ:

• ᓱᓕᓂᕋᐃᕈᑎ ᐃᒪᕐᒥᐅᑕᓂᑦ ᐳᐃᔩᑦ ᑲᑎᙵᐅᖅᑐᑦ ᐊᒃᑐᖅᑕᐅᔾᔮᙱᑦᑐᑦ
• ᖃᐅᔨᓴᕐᓂᒃᑯᑦ ᖃᐅᔨᔭᐅᔪᑦ ᓴᖅᑭᔮᖅᑎᑦᑎᔭᕆᐊᓕᒃ ᐅᓄᕐᓂᖓ ᐊᓯᔾᔩᓂᖓᓂ ᐅᓄᕐᓂᖓ ᐊᓯᔾᔩᓂᖓᓂ ᓈᖕᒪᒃᑐᓂᑦ ᐃᖃᓗᖃᕐᓂᖓᓂ ᐃᑲᔪᖅᓱᓂᕐᒧᑦ ᓈᖕᒪᒃᑐᒥ ᐃᖃᓗᖕᓂᕐᒥᑦ
• ᐅᓚᕕᓴᐃᖏᑦᑐᖅ ᐅᕝᕙᓘᓐᓃᑦ ᐱᐅᙱᑦᑐᒃᑯᑦ ᐊᒃᑐᐃᓂᖃᙱᑦᑐᖅ ᓈᒻᒪᒃᑐᓂ ᐊᖑᓇᓱᓐᓂᐅᔪᓂᑦ ᖃᓄᐃᑦᑐᑐᐃᓐᓇᕐᓂ
• ᐊᑐᐃᓐᓂᓇᐅᑎᑦᑎᓗᑎ ᐃᓄᕕᐊᓗᖕᒥᐅᓂᒃ ᐊᑑᑎᖃᑦᑎᐊᖅᑐᓂ ᑮᓇᐅᔾᔭᒃᓴᐅᑎᒃᓴᓂᑦ

ᐊᓪᓗᕆᐊᕐᓂᖅ ᓈᒻᒪᒃᑐᒥ ᐃᖃᓗᒐᓱᓐᓂᕐᒥ ᐅᑭᐅᖅᑕᖅᑐᒥ

ᑖᒃᑯᐊ ᐱᕙᓪᓕᐊᕈᑕᐅᓪᓗᐊᑕᖅᓯᒪᔪᑦ ᐅᑭᐅᓂᑦ ᐊᓂᒍᓵᖅᑐᓂ:

• 2014: ᐅᔾᔨᖅᓱᕐᓂᒃᑯᑦ ᓂᐅᕐᕈᑎᖃᕐᓂᕐᒧᑦ ᐃᖃᓗᒐᓱᓐᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᐅᐊᓕᓂᐅᑉ ᑕᕆᐅᖓᓂ ᓴᖅᑭᑎᑕᐅᔪᖅ ᐃᑲᔪᖅᓱᖅᑐᓂ ᐃᓄᕕᐊᓗᐃᑦ ᐊᖏᖃᑎᒌᒍᑎᑖᕐᓂᕐᒧᑦ ᐊᕕᒃᑐᖅᓯᒪᔪᓄᑦ, ᖃᐅᔨᓴᖅᑎᓄᑦ, ᑲᑐᔾᔨᖃᑎᒌᖑᔪᓄᑦ ᐊᒻᒪ ᐱᓪᓗᐊᑕᐅᔪᓂ ᒐᕙᒪᒃᑯᓐᓂ ᑭᒡᒐᖅᑐᐃᔨᐅᔪᓂ. ᓄᖅᑲᖓᑎᑦᑎᕗᖅ ᐊᖏᔫᑎᓂ ᓴᓇᕕᐊᓗᓐᓂ ᐃᖃᓗᒐᓱᓐᓂᕐᒥ ᖃᐅᔨᓴᖅᑐᖃᓚᐅᖅᑎᓪᓗᒍ ᐊᒻᒪ ᐊᐅᓚᑦᑎᓂᕐᒧᑦ ᐃᓕᓯᓯᒪᓕᖅᐸᑕ ᓈᒻᒪᒃᑐᒥ ᐃᖃᓗᖁᓪᓗᒋᑦ.
• 2015: ᑲᓇᑕᐅᑉ ᒐᕙᒪᖓ ᐊᖏᖅᑐᑦ ᐃᖃᓗᒐᓱᓐᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᒥ 971,000 ᑭᑉᐹᕆᒃᑐᓄᑦ ᑭᓛᒥᑕᓄᑦ ᓴᐳᔾᔨᔪᒥ ᐃᖅᑲᖓᓂ ᕿᑭᖅᑖᓗᖕᒥ ᐅᓂᐊᑲᑦᑖᖅᑐᓄᑦ ᐃᖃᓗᒐᓱᒃᐸᒃᑐᓄᑦ.
• 2015: ᑲᓇᑕ ᐊᒻᒪ ᑕᓪᓕᒪᐅᔪᑦ ᓯᒡᔭᖅᐸᓯᖓᓂ ᓄᓇᓕᕐᔪᐊᑦ ᐊᑎᓕᐅᖅᑐᑦ ᓯᓚᕐᔪᐊᓕᒫᒥ ᐃᖃᓗᒐᓱᖕᓂᕐᒧᑦ ᓱᓕᓂᕋᐃᕈᑎᒥ ᓅᒃ, ᑲᓛᖦᓖᑦ ᓄᓈᓐᓂ, ᓴᐳᔾᔨᔪᒥ 2.8 ᒥᓕᔭᓐ ᑭᑉᐹᕆᒃᑐᓂ ᑭᓛᒥᑕᓂ ᐃᑎᔪᓂ ᐃᒪᓂ ᐅᑭᐅᖅᑕᖅᑑᑉ ᑕᕆᐅᕐᔪᐊᖓᑕ ᕿᑎᖓᓂ. ᓱᓕᓂᕋᐃᕈᑎ ᐅᖃᖅᐳᖅ ᑕᐃᒃᑯᐊ ᓄᓇᓕᕐᔪᐊᑦ ᑕᐅᕙᓂ ᐃᖃᓗᒐᓱᔾᔮᙱᑦᑐᑦ ᖃᐅᔨᓴᖅᑐᖃᓚᐅᖅᑎᓪᓗᒍ ᑭᓯᐊᓂ ᐃᑲᔪᖅᓱᕐᓗᓂ ᓈᒻᒪᒃᑐᒥ ᐃᖃᓗᒐᓱᓐᓂᕐᒥᑦ ᐊᒻᒪ ᒪᓕᒐᐅᔪᓂᒃ ᐋᖅᑭᒃᓯᓯᒪᓕᖅᐸᑕ ᑭᓯᐊᓂ. ᑲᓇᑕᐅᑉ ᖄᒃᑲᓐᓂᐊᒍᑦ, ᐊᓯᖏᑦ ᐊᑎᓕᐅᓚᐅᖅᑐᑦ ᑖᒃᑯᐊᖑᔪᑦ ᓄᐊᕙᐃ, ᒥᐊᓕᒐᐃᑦ, ᕋᓴᒥᐅᑦ ᐊᒻᒪ ᑕᐃᓇᔅ ᑭᖕᑕᒻ (ᐃᓚᒋᓪᓗᓂᒋᑦ ᑕᓐᒫᒃ, ᑲᓛᖦᓖᑦ ᓄᓈᑦ ᐊᒻᒪ ᕙᐃᕉ ᕿᑭᖅᑕᖏᑦ).
• 2017: ᑲᓇᑕ, ᕋᓴ, ᐊᒥᐊᓕᒐᐃᑦ, ᐊᑯᑭᑦᑐᑦ, ᓄᐊᕙᐃ, ᓴᐃᓇ, ᑯᕇᔭᐅᑉ ᓂᒋᐊ, ᐊᐃᔅᓚᓐ, ᔭᐹᓐ ᐊᒻᒪ ᔫᕋᐲᔭᓐ ᔨᐅᓂᐊᓐ ᐊᖏᖃᑎᒌᒃᑐᑦ ᓄᓇᕐᔪᐊᕐᒥ ᐅᑭᐅᖅᑕᖅᑐᒥ ᐃᖃᓗᒐᓱᓐᓂᕐᒧᑦ ᒪᓕᒐᕐᒥ ᓄᖅᑲᑎᑦᑎᓂᕐᒧᑦ ᐱᒋᐊᕈᓐᓇᖅᑐᖃᖏᓪᓗᓂ ᓂᐅᕐᕈᑎᖃᕐᓂᕐᒧᑦ ᐃᖃᓗᒐᓱᓐᓂᕐᒧᑦ ᐅᑭᐅᖅᑕᖅᑑᑉ ᑕᕆᐅᕐᔪᐊᖓᑕ ᕿᑎᐊᓂ ᐊᒻᒪ ᑲᑐᔾᔨᖃᑎᒌᓂᒃᑯᑦ ᐱᓕᕆᐊᖃᓂᕐᒥᑦ ᖃᐅᔨᓴᖅᑐᓕᕆᓂᕐᒧᑦ ᑖᕙᓂ.
  2017: ᑲᓇᑕᐅᑉ ᒐᕙᒪᖓ ᓴᖅᑮᓚᐅᖅᑐᑦ ᓄᑖᓂ ᑎᓴᒪᐅᔪᙱᒑᒃᑐᓂ ᐃᒪᕐᒥᐅᑕᓂᑦ ᐃᓂᓂ ᐅᑭᐅᖅᑕᖅᑑᑉ ᑲᓇᖕᓇᖓᓂ ᑲᑎᓪᓗᒍ 145,000 ᑭᑉᐹᕆᒃᑐᑦ ᑭᓛᒥᑕᓂ ᓴᐳᔾᔨᓂᐊᖅᑐᓂ ᓂᒡᓕᓇᖅᑐᒥᐅᑕᓂ ᐃᒪᕐᒥᐅᑕᓂ ᑯᒪᐅᔭᐃᑦ ᑲᑎᓯᒪᔪᓂ ᐊᓯᖏᓪᓗ ᐊᑦᑐᖅᑕᐅᓴᕋᐃᑦᑐᑦ ᓇᔪᖅᑕᐅᔪᓄᑦ ᐆᒪᔪᓄᑦ ᓄᖅᑲᑎᑦᑎᓂᕐᒥᑦ ᐃᖃᓗᒐᓲᑎᓂ ᐊᑦᑐᐊᕙᒃᑐᓂ ᑕᕆᐅᕐᔪᐊᑉ ᐃᖅᑲᖓᓂ.

ᑕᕆᐅᕐᔪᐊᓕᕆᔨᒃᑯᑦ ᐅᑭᐅᖅᑕᖅᑐᒥ ᐃᑲᔪᖅᓱᖅᑐᑦ ᑖᒃᑯᓂᖓ ᐱᒋᐊᕈᑕᐅᔪᓂᒃ ᐅᑭᐅᖅᑕᖅᑐᒥ ᐃᖃᓗᒐᓱᓐᓂᕐᒧᑦ:

• ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ-ᑐᙵᕕᒋᔭᐅᔪᑦ ᐃᖃᓗᒐᓱᓐᓃᑦ ᐋᖅᑭᒃᓱᖅᑕᐅᔪᑦ ᐊᒻᒪ ᐊᐅᓚᑕᐅᔪᑦ ᐃᓄᖕᓄᑦ ᐊᒻᒪ ᐃᑲᔪᖅᓱᖅᑐᑦ ᐃᓄᐃᑦ ᐃᓕᖅᑯᓯᖓᓂ ᐊᒻᒪ ᓂᕿᒃᓴᖃᑦᑎᐊᕐᓂᕐᒧᑦ
• ᓄᑖᖑᔪᑦ ᑲᑐᔾᔨᖃᑎᒌᑦ ᐅᑭᐅᖅᑕᖅᑑᑉ ᓄᓇᓕᖏᓐᓂ, ᖃᐅᔨᓴᖅᑎᓂ ᐊᒻᒪ ᒐᕙᒪᐅᔪᓂᒃ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᓂᑦ ᐊᑐᖅᐸᒃᑐᓂ ᐊᒻᒪ ᖃᐅᔨᓴᖅᑕᐅᔪᕕᓂᕐᓂ ᓄᖅᑲᖓᑎᑦᑎᓂᕐᒧᑦ ᐊᖏᔫᑎᓂ ᓴᓇᕕᐊᓗᖕᓄᑦ ᐃᖃᓗᒐᓱᖕᓂᕐᒥᑦ
• ᐅᓪᓗᒥᓯᐅᑏᑦ ᐱᔪᒥᓴᐅᑎᑦ ᑭᒡᓕᖃᖅᑎᑦᑎᖕᒪᑕ ᐊᖏᓪᓕᑎᕆᓂᕐᒥ ᓴᖅᑭᔮᕙᒌᖅᑐᓂ ᐅᑭᐅᖅᑕᖅᑐᒥ ᐃᖃᓗᒐᓱᓐᓂᕐᒥ ᓄᑖᓄᑦ ᓯᑯᖃᙱᑦᑐᓄᑦ ᐃᓂᐅᔪᓄᑦ, ᐃᓚᒋᓪᓗᓂᐅᒃ ᐊᑭᑐᑎᑦᑎᓂᕐᒥ ᑭᖑᓂᑦᑎᓐᓂ ᐃᖃᓗᒐᓱᒡᕕᐅᓚᐅᖅᑐᓂ ᑕᐃᒃᑯᓄᖓ ᐃᖃᓗᒐᓱᒡᕕᐅᓚᐅᖅᓯᒪᙱᑦᑐᓄᑦ ᐃᓂᐅᔪᓄᑦ

ᐃᓕᑉᐸᓪᓕᐊᓂᖅ ᐊᒃᓱᕈᕈᑕᐅᓯᒪᔪᓂᑦ ᓴᓇᕕᐊᓗᖕᓂ ᐃᖃᓗᓗᐊᖃᑦᑕᖅᓯᒪᓂᖏᓐᓂ, ᐅᔾᔨᖅᓱᕐᓂᒃᑯᑦ ᐃᖃᓗᒐᓱᓐᓂᕐᒧᑦ ᐸᕐᓇᐃᓂᖅ ᓴᐳᔾᔨᔪᓐᓇᖅᑐᖅ ᐅᖓᓯᒃᑐᒨᖓᔪᒥ ᐱᑕᖃᐃᓐᓇᑎᑦᑎᓂᕐᒧᑦ ᓴᖅᑭᒃᑲᓐᓂᕈᓐᓇᙱᑦᑐᓄᑦ ᐆᒪᔪᐃᑦ ᓇᔪᒐᖃᕐᕕᖏᑦ ᖃᓄᐃᙱᑦᑎᐊᕐᓂᖏᓐᓂ ᐃᑲᔫᑕᐅᖁᓪᓗᒍ ᐅᑭᐅᖅᑕᖅᑐᕐᒥᐅᓄᑦ.