Ingittuq aadlanit nunanit nunaryuaptikni talvani iqalukhiuqpallaanginnaqtut ikikliyuumiqtait iqaluit, tamna Kaanatami Ukiuqtaqtumi piqalluanginmat havakviup aktikkulaanganik maniliurniqmut iqalukhiurniq. Piqaqtuugaluaq iliuraqhimayuq iqaluit ikikliyuumiqtuq qangannuaq, Ukiuqtaqtumi imanga tunivaktut amihunik iqaluknik, tariup huradjat maamaktittiyut unalu tariuqmi tingmiangit.
Iqaluit niqaulluarutigiyait ukununnga 53 tariuqmi nunallaangit ukunanit Inuit Nunangat Kaanataup Ukiuqtaqtumi, inuillu ihariagiyait mikkait aktikkulaanganik, nunallaanit-piyut iqalukhiurniq. Tamainni Ukiuqtaqtumi, Iqalukpik tugliuyuq tuktumit niqigiyainnik inuit niqinganit
Mahaliqtuq hiku, Angikliyuumiqtuq Piinarialik
Uunnaliqtut tariuq unalu mahaliqtuq hiku pipkaidjutigiyaa angikliyuumiqtuq pipkaidjutininnga piinarialik qayangnautiniaqtuq qayagiyauyunut avatiliriniqmut. Hilaup aadlangurninnga pipkaidjutiliqtaalu ilangit iqaluit nuugiami tununnganut qinirhiayut niglaumatqiamik imaqmik, hapkuallu nuutiqniq nuutiqtaaqtait piliurhimayut Ukiuqtaqtumi huradjat, ulapiqutiyuq ayurhaqtuq huli niqikhat.
Kaanataup iqalukhiurniqmut maligangit pihimayut uumannga qayagiyakhaq qanuriliurutingit nutqarlugulu tuniqhaininnga laisinik angiyunut aktikkulaagit maniliurutauyut iqalukhiurniq talvani pittaaqtut nalunaqtunik naunaiyainiq piqalluanginmat naunairiami avatilirininnganut iqaluktut. Taimaa uuktuutit uumunnga Iqalliqiyit Taryuliqiyillu Kanatami (DFO) nutaamik ihivriuqniq iqalukhiurniqmik angikliyuumiqtuq qangannuaq. Apirhuutigiyauliqtuq qanuqtut tammaqtailigiami tariup avatiliriniqmut kayumiitpiaqniaqtuq utiqtiffaariami piiqniaqtuqluuniit iqalukhiuqpallaanginnarumik. Tamna Ukiuqtaqtumi pipkailiqtuq angikliyuumiliqtumik ayurnaqtullu aadlatqiinik pipkaidjutininnga umiakkuurniq, kiklinga iqalukhiurniq unalu qinirhiayuq huradjanik piiqniaqtaat akhuurutauyut iqaluit amihuuninngit unalu akhuurutauyut nayugangit.
Nutaaq Pilugu uumunnga Kiklinga Iqalukhiurniq Munariniq
Avatiliriniqmut-ittut ihumaliurutit nutaaq atuqtakhaq munarigiami kiklinga Ukiuqtaqtumi iqalukhiurniq tammaqtailigiami amihuuninngit hivunipta atuqtakhanginnik. Hapkuat ihumaliurutit iliuraqtaa iqalukhiurniq hivitutqiamut iluanit avatiliriniqmut, pipkaidjutigilugu pipkaidjutininnga inungnutlu akhuurutauyut nayuganginnut qinirhiayuqlu naunairiami iqalukhiurniq ihuittumik ulapiqingitait tahapkuat qanuriliurutingit. Una pilugu humaagilimaita qin’ngiluguluuniit maniliurniqmut hulilukaarutingit kihimi tuniyait hivulliutiyakhat ukununnga avatilirininnganut havaakhaq ukununnga ukiuqtaqtumi nunallaangit ukununnga hapkuat avatiliriniqmut munarininnganik:
- Naunaittut avatilirininnganut angunahuarniq havaqatigiinganit-ihivriuqtauyut iqalukhiurniqmut uuktuut
- Piliurhimayut avatiliriniqmut piliurninnganut humi iliqtut
- Niglaumayuq-imaq tariup natingani nauhimayut nayugangit hapummiutiyait
- Haniani katitiqtut ilanga unalu qilalugaq tuugalik niripkaiyuq ilanga
Tuktuuyaqtuup Tariunga Avatiliriniqmut-ittut Iqalukhiurniq Ihumaliurut
2009mi, Inuvialuit Avikturhimayunut Kuapuriisingat, Inuvialuit Angunahuarniqmut Katimayiingit ukuatlu Iqalukhiurniq Atayuq Munariniq Katimayiingit ihumaliuqtut tamna mikkait-aktikkulaanga nunallaanit-piyut iqalukhiurniq uumani Tuktuuyaqtuup Tariunga akhuuquyauyukhaugaluat, taimaa angiyut-aktikkulaangit tariuqmi aulapkaininngit pittailiyauyukhaugaluat.
Talvuuna, DFO sainiqtait kingulliqpaamik angirutinganik 2014mi pittailigiami aulapkaininnga maniliurniqmut iqalukhiurniq avatqumayumi 831,000 kikkariktumik kilamiitamik uumani Kaanataup Tariungani. Una nutaaq angirut ukunanit Kaanataup kavamanga unalu Inuvialuit pittailiyuq pipkaidjutininnga iqalukhiurniq taimaa hunavaluknik ihivriuqtiuyut unalu nunamikni nunallaangit naunairiami inniaqtuq avatilirininnganut. Naunaiyaqpakniaqtait tamaita apirhuqtauyut laisikhamik hapkunatigut pilugit:
- Naunairutimik tariup uumayut maamaktittiyuktut amihuuninngit ayurhaqtitaulimaitaa
- Ihuaqtut naunaitkutat naunaiqhimayakhaat ilakunga qanuraaluktut piyuq iqaluqarumiluuniit ikayuriami avatilirininnganut iqaluktaminik
- Ulapiqutingittumik nakuungittumikluuniit ayurhaqtitait inuudjutikhaq angunahuarniit qanurittunik
- Tunivagait Inuvialuit ihuaqtumut maniliurniqmut pivikhaqautinik
Qanuriliurutingit Talvunga Avatilirininnganut Ukiuqtaqtumi Iqalukhiurniq
Hamma akhuurutauyut piliurninngit qaangiutiyuni ukiut:
- 2014: Qayagiyakhaq maniliurut iqalukhiurniq munariniq ihumaliurut ukununnga Tuktuuyaqtuup Tariunga piliurhimayuq uumannga ikayuqtuq ukunanit Inuvialuit Nunangat, hunavaluknik ihivriuqtiuyut, havaqatigiingit akhuurutauyullu kavamanga timiqutigiyangit. Pittailiyuq angiyut-aktikkulaangit pipkaidjutininnga iqalukhiurniq taimaa ihuaqtut ihivriuqniq unalu munariniq qanuriliurutingit naunairiami avatilirininnganut iqaluktuq.
- 2015: Kaanataup kavamanga angiqtaa iqalukhiurniq munariniq ihumaliurut piyaa 971,000 kikkariktumik kilamiitamik hapummiyaa imaup ataani natia Qikiqtaalukmit ataanit qinirhiayuq huradjanik.
- 2015: Kaanata tallimauyullu tariuqmi Ukiuqtaqtumi nunangit sainiqtut uuminnga tamainni nunaryuaptikni iqalukhiurniq uqaqtakhangit uumani Nuuk, Kalaakliit, hapummiyaa 2.8 millianguyut kikkariktuq kilamiitamik tariungani qitqanin Ukiuqtaqtumi Tariuq. Tamna uqaqtakhangit uqaqtut tahapkuat nunangit iqalukhiulimaittut talvani kihimi ihuaqtut ihivriuqniq ikayuqtut avatilirininnganut iqaluktuq taimaalu piqaliqqat munariyumik aturninnga ittuq talvani. Unalu Kaanatamut, aadlat ilauyut uumani Norway, Amialikami, Russian Katimayiingit unalu Danish Nunanga (ilaliutiyut ukuninnga Denmark, Kalaakliit unalu Faroe Qikiqtanga).
- 2017: Kanata, Russia, tamna United States, Akukittuq, Norway, China, South Korea, Iceland, Japan tapkuatlu European Union-kut angqatigiktut atuqtukhanik hilaqtuaqmi Ukiurtaqtumi iqalukhiurniqmun maligait pittailininut pigiaqni maniliugutinut iqalukhiurniq tahamani qitiqpahikniani Ukiurtaqtuq Tagiungani havaginilu katutyiqatigiktumik havagutit naunaiyainiqmun tahamnai avikhimaniani.
2017: Tapkuat Kanatamiuni kavamatkut pinguqtitai saivat nutat tagiuqni munagiyauvit tahamani kanangnaani Ukiurtaqtuq katitlugu 145,000 sq. km tapkuat hapuhimayai niglamayumi imait itkalgut ahiilu qanugililat nayuqtauvaknit pittailininut iqalukhiugutit aktuayai tagiup natqanut.
Pivikhaqautinik
Oceans North-kut ikayuqtut hapkuat havauhikhat uumunnga Ukiuqtaqtumi iqalukhiurniq:
- Avatiliriniqmut-ittut iqalukhiurniq piliurhimayut munariyauyullu ukunannga Inuit ikayuriamilu Inuit pitquhingit niqaillaingigiamikni
- Nutaaq havaqatigiikniq ukunani Ukiuqtaqtumi nunallaangit, hunavaluknik ihivriuqtiuyut unalu kavamangit atuqtut qangaraaluknitat ilihimaninnga unalu ihuaqtut ihivriuqniq pittailigiami unavatilirininnganut angiyut-aktikkulaangit pipkaidjutininnga iqalukhiurniq
- Nutaaq akhuurutauyut kikliqariami angikliutininnga ittunik Ukiuqtaqtumi iqalukhiurniq nutaamut hikuittumik ilanga, unalu iliuraqhugit quulitqiamik ikayuutauyuq iqalukhiuqtinnagu ilanga uumannga iqalukhiurhimangittut kiklinga ilanga
Ayuiqhaqtuq ayurnaqtunik atuqtamiknik uuminnga pipkaidjutininnga iqalukhiuqpallaanginnaqmata, qayagiyakhaq iqalukhiurniq ihumaliuqtuq hapummittaaqtaa akuniraaluk pihimattaaqtuq himmautilimaittuq tariup avatilirininngit ikayuutigiami ukiuqtaqtuqmiutat.